کیا نئی کلٹس 2017 سے موجودہ کھلاڑیوں کو خطرات لاحق ہیں؟

• Mian Saddam Sarwar


• 26 Apr 2016

جیسا کہ آج کل یہ بات ہر کوئی جانتا ہے کہ پاکستان میں نئی کلٹس کو عالمی سطح پر سیلیریو کے نام سے جانا جاتا ہے لیکن بہت سے لوگ یہ بات نہیں جانتے کہ نئی کلٹس اپنے پرانے ماڈل سے بالکل مختلف ہے۔ یہ اپنے صارفین کو نہ صرف زیادہ فیچرز، لیگ روم، جدید ڈیزائن، بڑی کلر رینج دیتا ہے بلکہ یقینی کارکردگی کے لیے اس میں K10B کا انجن بھی ہے۔

نئی کلٹس براہ راست پاک سوزوکی کی اپنی لائن اپ ویگن آر اور سوفٹ کا مقابلہ کرتی ہے بلکہ یہ درآمد کردہ گاڑیوں جن میں ٹویوٹا وٹز، پیسو، میرا، اور دوسری ہیچ بیک گاڑیاں شامل ہیں ان کا بھی مقابلہ کرتی ہے۔

کسی بھی کمپنی کے لیے ایک نئی کار متعارف کروانا ایک مشکل کام ہوتا ہے۔ تاہم پاک سوزوکی نے اپنے پہلے سے موجود برانڈ کلٹس کا فائدہ اٹھایا اور رسک کم کرنے کے لیے سیلیریو کو کلٹس کے نام سے متعارف کروا دیا۔ یہ ہر طرح سے ایک فائدہ مند صورتحال ہے اگر آپ اس کے بارے میں سوچیں۔ اس سے صارفین کو ایک بالکل نئی کار ملے گی جبکہ اس سے کمپنی کے لائن اپ میں ایک اور گاڑی شامل ہو جائے گی۔

نیچے دیئے گئے چارٹ میں انڈیا اور پاکستان میں موجود نئی کلٹس کے کچھ فیچرز کا موازنہ دیا گیا ہے۔

Sr.	Features	Indian Variants			Pakistani Variants
		VXi	LXi	ZXi	VXR	VXL
1.	Power Steering	Yes	Yes	Yes	Yes	Yes
2.	Front Airbags	Yes	Yes	Yes	No	Yes
3.	Immobilizer	Yes	Yes	Yes	Yes	Yes
4.	Automatic Transmission	Option available			No	No
5.	Power Windows	No	Yes	Yes	Yes	Yes
6.	ABS	Yes	Yes	Yes	No	Yes
7.	Keyless entry	No	No	Yes	Yes	Yes
8.	Central Door	No	Yes	Yes	Yes	Yes
9.	Alloy wheels	No	No	Yes	No	Yes
10.	Multimedia	No	No	Yes	Yes	Yes
11.	Head Light leveling	Yes	Yes	Yes	No	No

اگرچہ اس نئی گاڑی کو سراہا گیا ہے لیکن اس کی قیمت کے حوالے سے بہت سے لوگوں کے زہنوں میں شکوک و شبہات حاوی ہیں۔ پاک سوزوکی نے ابھی بھی نئی کلٹس کے آٹو میٹک ویرینٹ کے متعلق ایک لفظ نہیں کہا مگر زرائع اس بات کی طرف اشارہ کر رہے ہیں کہ اس سال کے آخر تک اس کی لانچ متوقع ہے۔

حفاظتی انتظامات:

نئی کلٹس کا سٹینڈرڈ ویرینٹ بھی اس کے پچھلے ماڈل سے بہت آگے ہے کیونکہ پاک سوزوکی نے اس گاڑی کے دونوں ویرینٹس میں اموبلائزر شامل کیا ہے۔ تاہم سوزوکی کلٹس VXR میں اے بی ایس کا نہ ہونا بہت سے صارفین کے لیے مایوسی کا باعث ہے۔ ہمیں اس میں اے بی ایس کے علاوہ ایئر بیگز کی غیر موجودگی کو بھی نہیں بھولنا چاہیے اگر اس تناظر میں ہم اسی قیمت میں دستیاب درآمد کردہ گاڑیوں کا اس سے موازنہ کریں تو اس گاڑی کو شدید نقصان کا اندیشہ ہے۔ نئی سوزوکی کلٹس VXL میں ایئر بیگز، اے بی ایس اور اموبلائزر بھی موجود ہے جو اسے ایک مکمل گاڑی بناتا ہے۔

آرام دہ انٹیریر:

کلٹس VXR میں پاور سٹیئرنگ اور VXL میں الیکٹرک سٹیئرنگ قابل تشکر ہیں۔ سٹیئرنگ ایڈجسٹمنٹ اور کی لیس اینٹری کے علاوہ بھی یہاں بہت سی ایسی چیزیں ہیں جو ڈرائیونگ کو آسان بناتی ہیں۔ ان دونوں ویرینٹس میں پاور ونڈو اور سینٹرل ڈور لاکنگ بھی نصب ہیں جبکہ اس گاڑی میں بہت کم بلائنڈ سپاٹ ہیں جو ڈرائیونگ کو مزید بہتر بناتے ہیں۔

قیمت:

انڈیا میں ٹرانسمیشن، فیول اور فیچرز کی بنیاد پر یہ گاڑی 6 مختلف ویرینٹس میں دستیاب ہے۔ دونوں ملکوں میں ان گاڑیوں کی قیمتوں کا موازنہ نیچے دیا گیا ہے۔

Sr.		Variant		Price in Indian Rs.	Price in Pakistani Rs. (Approx)
1.	Maruiti Suzuki	VXi	Petrol & Manual	435,000	700,000
			CNG & Manual	513,000	820,000
2.		LXi	Petrol & Manual	405,000	650,000
			Petrol & Automatic	452,000	725,000
3.		ZXi	Petrol & Manual	465,000	745,000
			Petrol & Automatic	512,000	820,000
1.	Pak Suzuki	Cultus	VXR		1,250,000
2.	Pak Suzuki	Cultus	VXL		1,391,000

اس وقت شاید آپ یہ سوچ رہے ہوں کہ اس کے دونوں ویرینٹ میں موجود 141000 روپے کا فرق کیوں ہے؟ کیا یہ صرف ایئر بیگز اور اے بی ایس کی وجہ سے ہے؟ تو اس کا جواب ہے بالکل نہیں! نیچے سوزوکی کلٹس VXL میں موجود اضافی فیچرز کی فہرست دی گئی ہے۔

2 ایئر بیگز

الائے رم

اے بی ایس

الیکٹرونک ایڈجسٹیبل سائیڈ مرر

فوگ لیمپس

نمایاں بلیک کے ساتھ فرنٹ گرل

وینٹی مرر

چارجنگ ڈاک (سینٹرل کپ ہولڈر میں موجود)

باڈی کے کلر کے سائیڈ مرر اور ڈور ہینڈل

بوٹ شیلف

4 آڈیو سپیکر

کیا نئی کلٹس اتنے بڑے ہنگامہ کے قابل ہے؟ اس کی قیمت کے متعلق بحث کی جا سکتی ہے تاہم مقامی طور پر تیار کردہ 1000cc ہیچ بیک کے حوالے سے اس کے فیچرز متاثر کن ہیں۔