رحیم یار خان: مسافر بسوں میں ہولناک تصادم؛ درجنوں افراد جاں بحق
پنجاب کے ضلع رحیم یار خان میں آج صبح دو مسافر بسوں کے اندوہناک تصادم میں 25 سے زائد افراد جاں بحق اور دسیوں شدید زخمی ہوگئے۔ واقعے کے بعد شہر بھر کے اسپتالوں میں ہنگامی حالات نافذ کردیئے گئے ہیں اور ریسکیو مدد گار ہلاک شدگان اور زخمیوں کو بسوں سے باہر نکال کر اسپتال منتقل کرنے میں مصروف ہیں۔
خان پور کے قریب دھاریجی ریلوے کراسنگ پر ہونے آنے والے خوفناک حادثے کا شکار ایک بس کراچی سے لاہور جبکہ دوسری بس فیصل باد سے صادق آباد کی جانب سفر کر رہی تھی۔ اس واقعے میں ہلاک ہونے والوں کو خان پور کے ضلعی اسپتال بھیجا گیا ہے جبکہ زخموں کو رحیم یار خان منتقل کیا گیا ہے۔ اسپتال میں زخمیوں کو ضروری طبی امداد دی جارہی ہیں تاہم ڈاکٹروں کا کہنا ہے کہ بہت سے زخمیوں کی حالت تشویشناک ہے جس سے ہلاکتوں میں اضافے کا بھی خدشہ موجود ہے۔
