پاک سوزوکی نے مہران کی قیمت میں اضافہ کرکے اس میں اموبلائزر متعارف کروا دیا
اس ہفتے کے آغاز میں غیر متوقع طور پر پاک سوزوکی کمپنی لمیٹڈ نے سوزوکی مہران کی قیمتوں میں اضافہ کر دیا۔ اس گاڑی کے پیٹرول اور سی این جی دونوں ویرینٹ کی قیمتوں میں 24000 روپے کا اضافہ کیا گیا۔
10 اپریل 2017 سے سوزوکی مہران کی نئی قیمتیں درج زیل ہیں۔
- VX = 679000 روپے
- VXR = 732000 روپے
- VX(CNG) = 749000 روپے
- VXR(CNG) = 802000 روپے
حیرت انگیز طور پر ان قیمتوں کے علاوہ گاڑی میں اموبلائزر کا بھی اضافہ کیا گیا ہے۔ تاہم کمپنی نے ابھی تک اس گاڑی میں ایس آر ایس ایئربیگز شامل کرنے کے حوالے سے کوئی بیان جاری نہیں کیا۔ سب سے زیادہ قابل غور بات یہ ہے کہ نئی آٹو پالیسی 2016-21 کے مطابق گاڑی میں اموبلائزر اور ایئر بیگز شامل کرنا ضروری ہیں اور ایسا لگتا ہے کہ پاک سوزوکی ان تمام تجاویز کے مطابق اپنی گاڑیوں میں اضافہ کرے گی۔
دلچسپ بات یہ ہے کہ قیمتوں میں اضافہ اس وقت دیکھنے میں آیا جب کمپنی کی شرح منافع تنزلی کا شکار ہے۔ سال 2016 میں کمپنی کے مجموعی منافع میں 53% کمی دیکھنے میں آئی۔ منافع کے کم ہونے کا براہ راست تعلق سیل میں شدید کمی سے ہے۔
’شہری صارفین کی پسند دیہاتیوں کی نسبت بہت تیزی سے بدلتی ہے جو اس گاڑی کی دیہاتی علاقوں میں بے پناہ مقبولیت کو ثابت کرتی ہے۔ پس دیہی علاقوں میں لوگوں کا اس گاڑی کے ساتھ رشتہ انتہائی قابل غور ہے۔ مزید یہ کہ پاکستانی صارفین ری سیل ویلیو کو باقی تمام فیچرز پر برتری دیتے ہیں اور اس لیے یہ کمپنی کے لیے بہت بڑا سوال ہے کہ اس گاڑی کو جاری رکھیں یا بند کر دیں‘
پاک سوزوکی کے جی ایم مارکیٹنگ نے وتارا کی لانچ کے موقع پر سوزوکی مہران کے بارے میں کہا۔
