پاک سوزوکی نے کلٹس میں نئے فیچرز متعارف کروا دیے، لیکن ساتھ ہی قیمت میں بھی اضافہ کر دیا
پاک سوزوکی نے کلٹس لائن اَپ کے دو ویرینٹس میں نئے فیچرز متعارف کروائے ہیں لیکن ساتھ ہی قیمت میں بھی اضافہ کر دیا ہے۔ یہ دو ویرینٹس VXL اور AGS ہیں۔ کمپنی نے اِن نئے فیچرز کے ساتھ قیمت میں اضافے کو جائز ثابت کرنے کی کوشش کی ہے۔ اس میں MP 5 ملٹی ٹچ اسکرین کے ساتھ ایک 8 انچ کا ڈسپلے، بلوٹوتھ، auxiliary، یو ایس بی، ریڈیو، ایس ڈی کارڈ سلاٹ اور اسکرین مِررنگ آپشن شامل ہیں۔
پاک سوزوکی نے اِس انفوٹینمنٹ سسٹم اپگریڈ کے تحت تمام فیچرز شامل کر دیے ہیں۔ کمپنی کے مطابق وہ صارفین کی بڑھتی ہوئی توقعات کو پورا کرنے کے لیے ہمیشہ سے اپنی مصنوعات کو بہتر بنانے کی خواہش رکھتا ہے۔ اِس لیے پاک سوزوکی نے کلٹس VXL اور AGS ماڈلز کے صارفین کے لیے نیا جامع انفوٹینمنٹ سسٹم متعارف کروا دیا ہے۔ یہ دونوں کلٹس لائن اَپ کے بہترین ٹرِم لیول ہیں۔ پاک سوزوکی یہ توقع بھی کر رہا ہے کہ نیا انفوٹینمنٹ سسٹم صارفین کی توقعات پر پورا اترے گا اور انہیں بہترین ڈرائیونگ میں مدد دے گا۔
نیچے دیا گیا ٹیبل اِن دونوں ویرینٹس کی نئی اور پرانی قیمتوں کو ظاہر کرتا ہے:
| نئی قیمت (پاکستانی روپے) | پرانی قیمت (پاکستانی روپے) | فرق (پاکستانی روپے) | |
| سوزوکی کلٹس VXL | 1,865,000 | 1,855,000 | 10,000 |
| سوزوکی کلٹسAGS | 1,985,000 | 1,975,000 | 10,000 |
گاڑیوں کی قیمتوں میں پچھلے کچھ عرصے سے مسلسل اضافہ ہو رہا ہے اور یہ اندازہ لگانا مشکل ہے کہ صارفین قیمتوں میں ہونے والے ان اضافوں کے بارے میں کیا سوچتے ہیں۔ پاک سوزوکی اپنے ڈیلرز کو بھی کہہ چکا ہے کہ وہ امکانات بڑھائیں اور اپنی سیلز ٹیموں کو بھی جلد از جلد کام نمٹانے کی ہدایت کر چکا ہے۔ نوٹیفکیشن نیچے دیکھیں:
مزید ایسی ہی خبروں کے لیے ہمارے ساتھ رہیے اور اپنے خیالات نیچے تبصروں میں پیش کیجیے۔ نئے فیچرز اور کلٹس کے ویرینٹس کی قیمتوں میں اضافے کے بارے میں آپ کی رائے کیا ہے۔