PakWheels.com اور PHA 31 مارچ کو پاکستان زندہ باد ریلی کے لیے تیار
PakWheels.com پارکس اینڈ ہارٹی کلچر اتھارٹی لاہور (PHA) کے ساتھ مل کر 31 مارچ 2019ء کو پاکستان کی مسلح افواج کو خراجِ تحسین پیش کرنے اور ان کے ساتھ اظہارِ یکجہتی کے لیے پاکستان زندہ باد ریلی کا انعقاد کر رہا ہے۔
یہ ریلی PHA کے جشنِ بہاراں کا حصہ ہے جو اُن بہادر فوجیوں کو خراجِ تحسین پیش کرے گی جنہوں نے مادرِ وطن کی حفاظت کے لیے اپنی جانوں کے نذرانے پیش کیے۔ اس موقع مسلح افواج کی حمایت میں قومی نغمے اور ترانے بھی چلائے جائیں گے۔ علاوہ، شہادت کےمرتبے پر فائز ہونے والے فوجیوں کو نذرانۂ عقیدت پیش کیا جائے گا۔
ریلی شام ٹھیک 4 بجے لبرٹی مارکیٹ چوک سے شروع ہوگی اور جیلانی پارک پر پہنچ کر مکمل ہو جائے گی۔ PHA کے DG ڈاکٹر فیصل ظہور اور پاک ویلز کے چیئرمین سنیل سرفراز منج اس کا افتتاح کریں گے۔
جیلانی پارک، جسے پہلے ریس کورس پارک کہا جاتا تھا، اپنے سبزہ زاروں کی وجہ سے اکثر و بیشتر عوام کے جمع ہونے کا مقام بنا رہتا ہے، جس کی دیکھ بھال PHA کرتا ہے۔
Register your Ride: http://ow.ly/lkBv30ocPm6
شرکاء کو گاڑیوں سے بھرپور ریلی کا تجربہ اٹھانے کا موقع بھی ملے گا۔ اس میں شرکاء کو حیران کر دینے والی گاڑیوں اور موٹر سائیکلوں کی اقسام موجود ہوں گی۔ اسپورٹس کاریں، لگژری SUVs، ونٹیج کاریں اور ہیوی بائیکس اس ریلی کا خاص حصہ ہوں گی۔ بچوں سمیت ہر عمر کے افراد اپنی پسندیدہ گاڑیوں کی موجودگی میں بھرپور لطف اٹھائیں گے۔
PakWheels.com کے بارے میں
2003ء میں اپنے آغاز سے اب تک PakWheels.com، لاکھوں پاکستانیوں کو گاڑیاں خریدنے اور بیچنےمیں مدد دے کر، ملک میں نمبر 1 آٹوموٹِو پورٹل بن چکا ہے۔ خبروں سے تجزیوں تک PakWheels.com عوام کو مقامی اور بین الاقوامی آٹو انڈسٹری سے آگاہ رکھنے میں مدد دیتا ہے۔
زبردست آٹو شوز اور ریلیوں سے لے کر اپنی نوعیت کے اوّلین سرٹیفائیڈ یوزڈ کار میلوں تک، ہم آٹو سیکٹرمیں آنے والے انقلاب میں پیش پیش رہنےپر خوش ہیں۔
PHA کے بارے میں
1998ء میں قائم ہونے والا PHA لاہور کی تزئین و آرائش کا ذمہ دار اہم صوبائی ادارہ ہے۔ یہ صوبائی دارالحکومت کے شہریوں کو صحت مند اور پر سکون طرزِ زندگی فراہم کرنے کے لیے باغات، کھیل کے میدانوں، سبزہ زاروں اور کھلے مقامات کو بنانے اور انہیں برقرار رکھنے کا ذمہ دار ادارہ ہے۔ یہ سال بھر مختلف ثقافتی و تفریحی تقریبات کا انتظام اور ان کی ترویج بھی کرتا رہتا ہے۔