پاک وہیلز کی خصوصی خبر: ٹویوٹا انڈس نے کرولا کے لیے نیا سیفٹی فیچر متعارف کروا دیا
ٹویوٹا کمپنی پاکستان میں کسی تعارف کی محتاج نہیں۔ انٹری لیول سیڈان سے لے کر لینڈ کروزر تک ٹویوٹا کمپنی کا پروفائل اور سیل دونوں ہی بہت شاندار ہیں۔ ریوو اور فارچیونر متعارف کروانے کے بعد مارکیٹ میں افواہیں تھیں کہ ٹویوٹا نئی کرولا بھی متعارف کروانے والا ہے۔ اس کے بارے میں معلومات بہت کم تھیں تاہم پاک وہیلز کے چند پرانے بلاگز میں نئی آنے والی کرولا کے سپائے شاٹس دکھائے گئے۔ یہ کہنا بالکل درست ہے کہ کسی نے بھی ابھی تک اس گاڑی کو چلتے ہوئے نہیں دیکھا کیونکہ مئی 2017 میں بک ہونے والی کرولا کی ابھی تک کہیں بھی ڈیلیوری نہیں دی گئی۔ تاہم اس آرٹیکل میں ہم اس کی کچھ خصوصیات پر روشنی ڈالیں گے جن کے متعلق پاک وہیلز کے اندرونی زرائع نے خبر مہیا کی۔
اس مرتبہ ٹویوٹا انڈس کی تمام توجہ اس گاڑی میں حفاظتی انتظامات کو بہتر بنانے پر مرکوز ہے اور اس کے ساتھ ساتھ اس کی اندرونی اور بیرونی ساخت کو بھی بہتر بنایا جائے گا۔ اس کے حفاظتی فیچرز میں سے چند درج زیل ہیں۔
- ڈیوئل ایس آر ایس بیگز
- فرنٹ سیٹ بیلٹس: 3 پوائنٹ ای ایل آر
- جی او اے باڈی
- آئی ایس او فکس چائلڈ سیٹ اینکرز
آٹو صارفین کے لیے پہلے سے ہی ایک کامیاب گاڑی کو مزید بہتر بنانے سے بہتر کوئی چیز نہیں ہو سکتی۔ اس موقع پر یہ بتانا بھی بہت ضروری ہے کہ 23 سے 25 جون 2017 تک کراچی کے ڈولمن مال کلفٹن میں ٹویوٹا انڈس نے ایک سیفٹی کمپین لانچ کی جس سے ان کی اگست میں لانچ ہونی والی کرولا کی تیاریوں کے بارے میں پتہ چلتا ہے۔ اس ایونٹ کا مقصد ٹوٹل ہیومن ماڈل فار سیفٹی نامی سسٹم کو متعارف کروانا اور اس کی اہمیت پر زور دینا تھا۔ یہ ایک جدید سسٹم ہے جو کہ ایک خود کروائے جانے والے کریش کے دوران دل، جگر، اور پھیپھڑوں پر آنے والی جان لیوا چوٹ کا باریکی سے مشاہدہ کرنے کے لیے استعمال ہوتا ہے۔
اس موقع پر انڈس موٹر کمپنی کے سٹاف نے انہی حفاظتی چیزوں پر زور دیا جس سے یہ پتہ چلتا ہے نئی آنے والی کرولا ان تمام خصوصیات سے لیس ہو گی۔
یہ کہنا غلط نہ ہو گا کہ آٹو ڈیولپمنٹ پالیسی 2016-21 میں وہیکلز کے حفاظتی انتظامات پر نظر ثانی کرنے کی وجہ سے کار ساز گاڑیوں میں ان انتظامات پر توجہ مرکوز کرنے پر مجبور ہیں۔ ٹوٹل ہیومن ماڈل فار سیفٹی کے متعارف کروانے اور کرولا میں یہ چیز شامل کرنے کی وجہ سے کرولا ایک بہترین گاڑی بن جائے گی اور اسی وجہ سے یہ این سی اے پی میں بہتر ریٹنگ بھی حاصل کرے گی۔
اس اقدام سے ٹویوٹا کمپنی مارکیٹ میں سیفٹی لیڈر بھی بن جائے گی اور شاید یہ ان تمام خصوصیات کی حامل سب سے بہتر گاڑیاں بھی فراہم کرے گی اور اس سے باقی کار سازوں کو بھی کم پیسوں میں زیادہ خصوصیات فراہم کرنا پڑیں گی۔
ڈولمن مال کراچی میں ٹویوٹا انڈس کی جانب سے منعقد کروائے جانے والے ایونٹ کے فلائر کی تصویر نیچے دی گئی ہے۔
