21 مئی سے راولپنڈی میں ڈبل سواری پر پابندی
اسٹریٹ کرائمز کے خاتمے کے لیے حکومت نے راولپنڈی میں ڈبل سواری پر پابندی عائد کردی ہے۔ یہ پابندی 21 مئی سے 5 جون 2019ء تک نافذ العمل ہوگی۔ موٹر سائیکل سوار شام 7 بجے سے صبح 7 بجے تک کسی دوسری سواری کو بٹھا کر سفر نہیں کر سکتے؛ جو بھی اس کی خلاف ورزی کرتا پایا گیا، اس سے قانون کے مطابق نمٹا جائے گا۔
محکمہ داخلہ پنجاب نے اس حوالے سے نوٹیفکیشن جاری کردیا ہے۔ واضح رہے کہ حالیہ چند دنوں میں شہر میں اسٹریٹ کرائم بڑھ گئے ہیں۔ مقامی میڈیا سے بات کرتے ہوئے ایک سینئر ٹریفک پولیس عہدیدار نے بتایا کہ ایسے احکامات کا نفاذ مشکل تو ہے لیکن شہریوں کی حفاظت کو یقینی بنانے کے لیے ان کو بہرصورت نافذ کیا جائے گا۔
دوسری جانب راولپنڈی کے شہریوں نے اس حکم کو تنقید کا نشانہ بنایا ہے۔ انہوں نے حکومت پر زور دیا کہ اس پالیسی کو نافذ نہ کرے۔
مزید یہ کہ لاہور میں ٹریفک اتھارٹیز نے ایک مرتبہ پھر سیاہ شیشوں والی گاڑیوں کے خلاف کارروائی شروع کردی ہے۔ پولیس کے مطابق کالے پیپرز/شیٹس کا گاڑیوں میں استعمال سکیورٹی کے حوالے سے خطرات میں اضافہ کرتا ہے، جس سے ہر حال میں اجتناب کرنا چاہیے۔ اتھارٹی نے تمام شہریوں سے مطالبہ کیا کہ وہ اپنی حفاظت کے لیے قانون کی پیروی کریں۔
ہماری طرف سے اتنا ہی، اپنے خیالات نیچے تبصروں میں پیش کیجیے۔