2018ء کے مقبول ترین بیٹری برانڈز – PakWheels.com آٹوموبائل انڈسٹری سروے 2018ء
PakWheels.com ہر سال خرید و فروخت کے رحجانات، ترجیحات اور رویّے جاننے کے لیے آٹوموبائل انڈسٹری سروے کرواتا ہے۔ یہ سروے سال بہ سال کے تقابل اور ان رویّوں، ترجیحات اور رحجانات میں آنے والی کسی بھی تبدیلی کا جائزہ لینے کے لیے بھی کیے جاتے ہیں۔ سروے پاکستان میں آٹوموبائل کے شعبے سے وابستہ یا اس میں دلچسپی رکھنے والے ہر فرد کے لیے کارآمد معلومات فراہم کرتا ہے۔
2018ء میں بیٹریاں دو بڑے حصوں میں تقسیم رہیں: تیزاب والی اور مینٹی نینس سے پاک بیٹریاں۔ تیزاب والی بیٹریاں سروے میں حصہ لینے والے 64 فیصد افراد کا انتخاب تھیں جبکہ 35 فیصد نے مینٹی نینس سے پاک بیٹریوں کا انتخاب کیا۔ مینٹی نینس سے پاک بیٹریوں نے حال ہی میں بہت مقبولیت پائی ہے۔ ان سے پہلے پاکستان میں گاڑیوں کے مالکان صرف تیزاب والی بیٹریاں ہی خریدتے تھے۔
تیزاب والی بیٹریوں میں AGS، ایکسائیڈ اور اوساکا 2018ء کے ترجیحی برانڈز رہے جو 2017ء میں بھی سرفہرست تھے۔ البتہ AGS اور وولٹا کی مقبولیت میں کمی آئی ہے جبکہ جواب دینے والوں کے مطابق ایکسائیڈ، اوساکا اور فینکس کی مقبولیت میں اضافہ ہوا۔ مینٹی نینس سے پاک بیٹریوں کی طرف آئیں تو ڈائیوو، AGS اور ایکسائیڈ 2018ءمیں بدسوتر مقبول ترین برانڈز رہے۔لوگ مینٹی نینس سے پاک بیٹریوں کی کیٹیگری میں اوساکا اور فینکس کو بھی ترجیح دیتے ہیں۔
جہاں تک موٹر سائیکلوں کا معاملہ ہے تو AGS، ایکسائیڈ اور اوساکا 2018ء میں بھی مقبول ترین برانڈز رہے۔ البتہ 2017ء کے مقابلے میں 2018ء میں AGS کی مقبولیت میں کمی آئی ہے۔ تمام دیگر برانڈز جن میں ایکسائیڈ، فینکس، اوساکا اور وولٹا شامل ہیں، نے 2017ء کے مقابلے میں 2018ء میں مقبولیت میں اضافہ دیکھا۔
2017ء اور 2018ء میں کاروں اور موٹر سائیکلوں دونوں کے لیے خریداری کے رحجانات اور بیٹری برانڈز کی مقبولیت بدستور وہی رہ جس میں افراطِ زر وغیرہ جیسے عوامل کی وجہ سے معمولی تبدیلیاں واقع ہوئیں۔