سینوٹرک پاکستان میں اگلی جنریشن کے ٹرکس پیش کرتا ہوا
سینو ٹرک چین کا ہیوی ڈیوٹی ٹرک بنانے والا معروف سرکاری ادارہ ہے جس نے 20مارچ 2019ء کو رائل پام گالف اینڈ کنٹری کلب میں اگلی جنریشن کے ماحول دوست ٹرکوں کی رونمائی کردی ہے جو اس مستحکم ہیوی ڈیوٹی ٹرک میں مزیدبہتری کے ساتھ پیش کیے گئے ہیں۔
کمپنی نے دنیا میں معیار اور جدید ٹرک ٹیکنالوجی کے ذریعے مارکیٹ نیٹ ورک میں اہم مقام پایا ہے۔ 2013ء میں سینو ٹرک نے ڈائسن آٹوموبائلز لمیٹڈ جیسے مقامی شراکت دار کے ساتھ مل کر پاکستان مارکیٹ میں قدم رکھا جو سینوٹرک کا واحد تقسیم کار ہے۔ ڈائسن بہترین 3S ڈیلر کی ملک بھر میں موجودگی رکھتا ہے اور پاکستان بھر میں 150 سے زیادہ 1S/2S ڈیلروں کا حامل ہے۔
چینی کمپنی اسمارٹ لاجسٹکس کے ذریعے کاروباری کامیابی کو بہتر بنا رہا ہے جو آزمودہ طاقت اور بھروسہ مندی پر مبنی ہے۔ سینوٹرک آٹومیٹڈ اور مینوئل ٹرانسمیشن، زیادہ ہارس پاور والے اور زیادہ ایندھن بچت، پیداواری صلاحیت، ڈرائیور مؤثریت اور تحفظ دینے کے لیے ماحول دوست انجنز کے حامل ٹرک ماڈلز کی بہترین رینج کی اہم خصوصیات ظاہر کر چکا ہے۔ یہ بہتر ایندھن کارکردگی کے ساتھ ہیوی ڈیوٹی گاڑیوں کے یورو2 اور یورو3 معیارات کے مطابق کام کرتا ہے۔ ٹرکوں کی نئی رینج لاجسٹکس کمپنیوں کے لیے اہم صنعتی چیلنجز سے نمٹنا اور اسمارٹ لاجسٹکس کے ذریعے اپنے نتائج کو بہتر بنانا ممکن بنائے گی۔
جناب عمران ملک CEO ڈائسن آٹوموبائلز لمیٹڈ نے افتتاحی تقریب سے خطاب کرتے ہوئے کہا کہ ” ہم ایسے مرحلے پر ہیں کہ جہاں ٹیکنالوجی جلد ہی ہیوی ڈیوٹی ٹرانسپورٹ میں وسیع تر اطلاق کے لیے تیار ہوگی۔ ہیوی ڈیوٹی گاڑیوں سے نکلنے والے دھوئیں سے موسمیات پر پڑنے والے اثرات بہت اہم ہیں اور ہمارا مقصد ماحول دوست ٹرک بنانا ہے جو پاکستان میں ماحول دوست نقل و حمل کے لیے ترقی کے عمل کوتیز تر کریں گے۔”
سینوٹرک نے پاکستان میں اپنے جامع 3S اور 2S نیٹ ورک کے ساتھ ساتھ تربیت یافتہ سروس ٹیکنیشن عملے پر مشتمل موبائل ورکشاپ پیش کرکے اپنے ٹرکوں کی عمر بڑھائی ہے، جو بعد از فروخت سروس کے معیار کے ساتھ اصل پرزوں کی فراہمی کو بھی یقینی بناتی ہے۔ سینوٹرک جدید ٹیکنالوجی کے ٹرکوں کے فروغ اور پاکستان میں اپنے صارفین کے بے مثال ویلیو فراہم کرنے کا سلسلہ جاری رکھنے سے وابستہ ہے۔
سینوٹرک ‘وَن بیلٹ وَن روڈ’ منصوبے سے وابستہ ہے اور جدید ٹیکنالوجی کے ساتھ بہتر مصنوعاتی معیار کا تسلسل جاری رکھتے ہوئے پاکستان میں زیادہ توسیع کا خواہشمند ہے۔