ٹویوٹا کرولا ایکس ایل آئی اب رعایتی قیمت پر دستیاب
پاکستان میں اپنے 30 سال کا جشن مناتے ہوئے ٹویوٹا دسمبر کے مہینے میں اپنا کرولا XLi ویرینٹ رعایتی قیمت پر پیش کر رہا ہے ۔
یہ قیمت کرولا XLi کے صرف 3,000 یونٹس پر پیش کی جا رہی ہے۔ اس محدود مدت کا فائدہ اٹھانے کے لیے اپنے قریبی ٹویوٹا ڈیلرز کے پاس جائیں۔ ٹویوٹا برانڈ پاکستان میں اپنی قابلِ بھروسہ اور پائیدار گاڑیوں کےلیے مشہور ہے اور صارفین میں اپنے برانڈ کی زبردست ساکھ رکھتا ہے۔
وہ بعد از فروخت خدمات کی فراہمی کے لیے پاکستان میں ڈیلرز کا ایک وسیع جال بھی رکھتا ہے۔ مندرجہ ذیل ٹیبل کرولا کے XLi ویرینٹ کی موجودہ اور خصوصی قیمتیں ظاہر کرتا ہے:
| ویرینٹ | موجودہ قیمت (پاکستانی روپے) | خصوصی قیمت (پاکستانی روپے) |
| کرولا Xli MT | 24,99,000 روپے | 23,74,000 روپے |
| کرولا Xli AT | 25,99,000 روپے | 24,74,000 روپے |
اگر آپ کرولا XLi ویرینٹ خریدنا چاہتے ہیں، MT اور AT دونوں ماڈلز، تو آپ 1,25,000 روپے کی بڑی بچت حاصل کریں گے۔ یہ عوام کے لیے انڈس موٹر کمپنی کی بڑی پیشکش ہے۔ گاڑیوں کی قیمتوں میں بڑے اضافے کو دیکھتے ہوئے یہ عوام کے لیے سکھ کا سانس ہوگی۔
واضح رہے کہ انڈس ٹویوٹا جلد ہی پاکستان میں 1.3 XLi/GLi کرولا کی جگہ یارِس سیڈان متعارف کروانے والا ہے۔ ٹویوٹا یارِس، جسے کچھ ملکوں میں وِیوس بھی کہا جاتا ہے، متوقع طور پر پاکستان میں مختلف ویرینٹس میں پیش کی جائے گی۔
ہماری طرف سے اتنا ہی۔ اپنے خیالات نیچے تبصروں میں پیش کیجیے۔ آٹوموبائل انڈسٹری کی ایسی ہی خبروں کے لیے پاک ویلز کے ساتھ رہیے۔