ٹیکنالوجی شیئر کرنے کے لیے ٹویوٹا اور سوزوکی کا اتحاد
تیزی سے تبدیل ہوتی ہوئی ٹیکنالوجی کا مقابلہ کرنے کے لیے ٹویوٹا موٹر کارپوریشن نے سوزوکی موٹر کارپوریشن کے ساتھ اتحاد کرلیا ہے تاکہ عالمی آٹو انڈسٹری میں ایک دوسرے الیکٹرک گاڑیوں (EVs) کی پیداوار میں ایک دوسرے کو مدد فراہم کریں۔
وہ دن گزر گئے جب لوگ روایتی ایندھن سے چلنے والی گاڑیوں کی جانب دیکھتے تھے کیونکہ اب دنیا بجلی سے چلنے والی گاڑیوں کی جانب منتقل ہو چکی ہے۔ مارکیٹ کی ضروریات اور ابھرتے ہوئے رحجان کو پورا کرنے کے لیے کئی آٹوموبائل مینوفیکچررز نے اپنی مصنوعات کی فہرست میں بجلی سے چلنے والی گاڑیاں (EVs) شامل کرنے کے لیے اقدامات اٹھا لیے ہیں۔ کچھ اسی طرح دونوں بڑے جاپانی اداروں ٹویوٹا اور سوزوکی نے ایک معاہدے کے تحت ایک دوسرے کے لیے الیکٹرک اور کومپیکٹ گاڑیاں بنانے کا فیصلہ کیا ہے جو دونوں اداروں کو اپنے شعبوں میں مکمل کرے گا۔ جیسا کہ اعلان کیا گیا کہ یہ آٹومینوفیکچررز ایک ابتدائی R&D انتظام کریں گے۔ یہ مخصوص معاہدہ ابھرتی ہوئی ٹیکنالوجی کے میدان میں بہتر مقابلہ کرنے کی اجازت دے گا۔
نتیجتاً دونوں آٹومیکرز اپنی طاقت کو بڑھائیں گے کیونکہ دونوں گاڑیوں کی اپنی خاص لائن اَپ پیش کریں گے۔ سوزوکی اپنی کومپیکٹ اور جیب پر ہلکی گاڑیوں کے لیے مشہور ہے، ایسا شعبہ جہاں ٹویوٹا کا اثر و رسوخ نہیں ہے۔ دوسری جانب ٹویوٹا بلاشبہ ہائبرڈ ٹیکنالوجی میں رہنما کی حیثیت رکھتا ہےاور مقابلے کی دوڑ میں آگے رہنے کے لیے آٹومیٹڈ ڈرائیونگ ٹیکنالوجی میں مزید سرمایہ کاری کر رہا ہے۔ ٹویوٹا پریئس ہائبرڈ ٹیکنالوجی میں کمپنی کی بالادستی کی عمدہ مثال ہے۔ اس لیے سوزوکی اس معاہدے سے زیادہ سے زیادہ فوائد سمیٹنے کی کوشش کرے گا۔ اس پارٹنرشپ کی تفصیلات کے مطابق سوزوکی ان گاڑیوں کے لیے گیسولین ہائبرڈ سسٹم حاصل کرے گا جو ٹویوٹا دنیا بھر میں فروخت کرتا ہے جبکہ سوزوکی جواب میں ٹویوٹا کے لیے کومپیکٹ کاریں تیار کرے گا۔
معاہدہ بالخصوص کم دھواں چھوڑنے والی گاڑیاں اور سیلف ڈرائیور کاریں بنانے میں سوزوکی کو مددفراہم کرنے کی صلاحیت رکھتا ہے۔ کم لاگت پر خاص توجہ رکھنے والی کمپنی اِن اقسام کی گاڑیوں کے مقابلے میں بہت پیچھے ہے۔ ایک بیان میں ٹویوٹا کے صدر اکیو ٹویوڈا نے کہا کہ سوزوکی کے ساتھ یہ کاروباری شراکت دونوں کمپنیوں کو آٹوموبائل انڈسٹری کے اس تبدیل ہوتے دور میں مسابقتی برتری حاصل کرنے میں مدد دے گی۔ وہ یورپی آٹو سیکٹر میں شراکت کریں گے جہاں ٹویوٹا اپنے دو ماڈلز جیسا کہ RAV4 SUV کراس اوور اور کرولا ویگن کی بنیاد پر سوزوکی کے لیے الیکٹرک گاڑیاں پیدا کرے گا۔ جواب میں سوزوکی ٹویوٹا کو مطلوبہ کومپیکٹ گاڑیوں کے لیے روایتی انجن فراہم کرے گا۔ اسی طرح ان کی مشترکہ طاقتیں افریقی آٹو مارکیٹ میں ایک دوسرے کو فائدہ دیں گے کیونکہ سوزوکی اپنے شراکت داروں کے لیے وِٹارا، بریزا، کیاز، بلینو اور ارٹیگا ماڈلز بنانے کا منصوبہ رکھتا ہے۔ ری برانڈنگ اور نئے نام اختیار کرنے کے عمل کے بعد یہ گاڑیاں افریقہ میں ٹویوٹا ماڈلز کے طور پر فروخت ہوں گی۔
ہماری طرف سے اتنا ہی، گاڑیوں کی دنیا میں نت نئی خبروں کے لیے پاک ویلز پر آتے رہیے۔