ٹویوٹا وِیوس 2019ء – کیا IMC پاکستان میں یہ گاڑی لانچ کرنے کے لیے تیار ہے؟
گزشتہ دو دنوں میں دوسری بار کیموفلاج کی ہوئی ٹویوٹا کاریں ٹیسٹ راؤنڈز لیتے ہوئے دیکھی گئی ہیں۔
واضح رہے کہ کمپنی پہلے ہی اپنی Xli اور Gli ویرینٹس کو ٹویوٹا یارِس/ویوس کے حق میں ختم کرنے کا منصوبہ رکھتی ہے۔ ایسا لگتا ہے کہ کمپنی پاکستان میں اپنے صارفین کے لیے بالآخر اپنی نئی گاڑیاں مارکیٹ میں پیش کرنے کے لیے تیار ہوگئی ہے۔ گاڑی کے ایکسٹیریئر کے دیکھیں تو یہ ویوس لگتی ہے۔ یہ گاڑی IMC ٹویوٹا کے نام سے رجسٹرڈ ہے۔ دیکھی گئی کار ایک 1300cc سیڈان ہے۔
دیکھی گئی گاڑی کی تصاویر یہ دیکھیں:
کچھ دن پہلے کمپنی نے محدود مدت کے لیے ٹویوٹا کرولا کے تمام 1.3 لیٹر ویرینٹ خریدنے کے لیے مفت رجسٹریشن کی پیشکش شروع کی ہے۔ اس کی وجہ کمپنی کی جانب سے نئی گاڑی لانچ کرنے سے پہلے انوینٹری خالی کرنا بھی ہو سکتی ہے۔ کمپنی کی جانب سے اس قدم نے کئی گاڑیوں کے شوقین افراد کو چوکنا کردیا جن میں سے کئی یہ کہنا شروع ہو گئے ہیں کہ بالآخر کمپنی ملک میں یارِس/ویوس لانچ کر رہی ہے۔ ایسا لگتا ہے کہ نئی گاڑی رواں سال کے آخر میں یا اگلے سال کی پہلی سہ ماہی میں متعارف کروائی جائے گی۔
یاد رہے کہ یہ گاڑی ویوس اور یارِس کے نام سے مختلف ملکوں میں فروخت کی جا رہی ہے۔ پاکستان میں کئی افراد کا کہنا ہے کہ نئی گاڑی ویوس ہوگی، یارس نہیں جبکہ کچھ حلقوں اس کا الٹ کہہ رہے ہیں۔
بہرحال، نام چاہے ویوس ہو یا یارِس اس سے کوئی فرق نہیں پڑتا، اہم چیز یہ ہے کہ کمپنی اپنے صارفین کے لیے کچھ نیا لے کر آ رہی ہے۔
اس گاڑی کے بارے میں اپنی رائے بتائیں۔ یہ یارِس ہے یا ویوس؟ اپنے خیالات نیچے تبصروں میں پیش کیجیے۔