ویڈیو – افغانستان میں تیار کی گئی سُپر کار کی رونمائی

افغانستان میں تیار کردہ سُپر کار “مڈا 9” آج کل پاکستان اور افغانستان دونوں ممالک میں کافی مشہور ہو چکی ہے۔ یہ گاڑی نومبر میں اس وقت سوشل میڈیا پر وائرل ہوئی جب اس کی تصاویر اور ویڈیوز آن لائن شیئر کی گئیں۔ یہ کاردیکھنے میں کافی خوبصورت لگ رہی تھی۔ پھر 30 دسمبر کو مینوفیکچررز نے کابل کی برفیلی سڑکوں پر کار کی ٹیسٹ ڈرائیو کی، جس سے یہ صارفین میں زیادہ مقبول ہوئی۔

دلچسپی اس وقت اور بڑھ گئی جب ایم جی پاکستان کے پوسٹر بوائے جاوید آفریدی نے اس کار پر افغانستان کو تعاون کی پیشکش کی۔ اور اب کار سے متعلق ایک اور اپ ڈیٹ موجود ہے۔

افغانستان میں تیار کی گئی سپر کار کی رونمائی

اب افغان حکومت کے اعلیٰ عہدیدار، طالبان کے سابق ترجمان اور حکومت کے اقوام متحدہ کے موجودہ نمائندے سہیل شاہین نے اس گاڑی کے بارے میں ٹویٹ کیا ہے۔ اپنی ٹوئٹ میں انہوں نے کار کی ایک ویڈیو شیئر کرتے ہوئے لکھا، ’’افغان انجینئر ایم رضا محمدی کی بنائی ہوئی کار کی رونمائی کی تقریب‘‘۔

سہیل شاہین نے زور دیا کہ “تمام اہل افغان نوجوانوں کو اس موقع پر اٹھ کر افغانستان کی تعمیر نو اور ترقی میں اپنا اختراعی کردار ادا کرنا چاہیے۔”

خیال رہے کہ کار بنانے والوں نے ابھی تک اس سپر کار کی خصوصیات یا پاور آپشنز سے متعلق فیچرز شئیر نہیں کیے۔ کچھ لوگوں کا یہ بھی ماننا ہے کہ یہ مختلف گاڑیوں، خاص طور پر انجن اور انٹیرئیر کی اسمبل شدہ پروڈکٹ ہے۔ ہمیں اس کے فیچرز کے بارے جاننے کیلئے تھوڑا انتظار کرنا ہوگا۔

افغان تکنیکی ماہرین اور آئی ٹی ماہرین نے سپر کار “مڈا 9” تیار کی۔ میڈیا رپورٹس اور سوشل میڈیا پر آنے والی ویڈیوز کے مطابق یہ کار افغانستان کے نواواری سینٹر آف ٹیکنیکل اینڈ ووکیشنل ایجوکیشن نے شروع سے بنائی تھی۔ یہ افغان آئی ٹی منسٹری، افغانستان انوویشن سینٹر اور ENTOP کے درمیان تعاون کا نتیجہ ہے۔ ENTOP کے سی ای او محمد رضا احمدی نے کہا کہ ان کی کمپنی گزشتہ پانچ سالوں سے اس پروٹو ٹائپ کو تیار کر رہی ہے۔ انہوں نے دعویٰ کیا کہ وہ اسے دسمبر میں قطر میں ہونے والی کاروں کی نمائش میں دکھائیں گے.

میڈ ان افغانستان سپر کار سے آپ کی کیا امیدیں ہیں؟ کمنٹس سیکشن میں اپنے خیالات کا اظہار کریں۔

Exit mobile version