7 ماہ تک برف میں دفن سوزوکی مہران کی ویڈیو وائرل
کسی بھی گاڑی کا سات ماہ تک برف تلے دبے رہنا اور پھرصحیح سلامت نکل آنا یقینا ایک حیرت انگیز بات ہے جو کہ دیکھنے اور سننے والوں ورطہ حیرت میں مبتلا کیے ہوئے ہے۔
سوزوکی مہران کے مالک کی جانب سے شئیر کی گئی ویڈیو میں بتایا گیا ہے کہ سات ماہ قبل یہ گاڑی بابوسرٹاپ کے مقام پر پھنس گئی تھی جسے رواں سال یکم جون کو برف کھود کر نکال لیا گیا ہے
Watch Video:
Video Credit: Saeed Ullah Nwb
رپورٹس کے مطابق حیران کن طور پر جب اس کار کو برف سے نکالا گیا اس کی بیرونی حالت بالکل ٹھیک تھی جبکہ اس کے انجن کو ایک دوسری کار کی بیٹری لگا کر سٹارٹ کر لیا گیا اور اس میں کوئی بھی بڑا نقص دیکھنے کو نہیں ملا۔
گاڑی کے مالک کیلئے سات ماہ تک برف میں دبی رہنے والی گاڑی کا سٹارٹ ہو جانا کسی معجزے سے کم نہیں تھا۔ کار کو دیکھ کر لگ رہا تھا کہ یہ ایک ٹیکسی ہے جو اپنے مالک کیلئے ایک روزگار کا ذریعہ تھی اور ہمیں اس بات کی خوشی ہے کہ گاڑی کے مالک کو اس کا روزگار واپس مل گیا۔
مہران گزشتہ کئی سالوں سے پاکستانیوں کی سب سے پسندیدہ کار رہی ہے۔ اہم ترین بات یہ ہے کہ سوزوکی نے 2019 میں مہران کار کی پیداوار کو روکتے ہوئے اسکی جگہ نئی 660 سی سی آلٹو متعارف کروا دی ہے۔ پیداوار روکنے کے بعد بھی سوزوکی مہران کافی مشہور ہے کیونکہ یہ سستی اور پائیدار گاڑیوں میں سے ایک ہے۔
