یادے (Yadea) نے پاکستان میں اپنا الیکٹرک سکوٹر لانچ کر دیا
چین کی الیکٹرک بائکس کی بڑی کمپنی Yadea نے پاکستان میں اپنا پہلا الیکٹرک سکوٹر متعارف کرایا ہے، جس نے شہریوں کی نقل و حرکت میں ایک نئے دور کا آغاز کیا ہے۔ جدید ترین خصوصیات سے مزین یہ الیکٹرک سکوٹر ماحول دوستی کا زبردست امتزاج پیش کرتا ہے۔
فیچرز اور خصوصیات
سکوٹر میں اہم ترین چیز TTFAR ٹیکنالوجی ہے جو کہ الیکٹرک سکوٹر کے تجربے کو ایک الگ رنگ دیتی ہے۔ سکوٹر میں 72V 26AHرافین بیٹری دی گئی ہے۔ یہ الیکٹرک سکوٹر ایک ہی چارج پر 105 کلومیٹر کی متاثر کن رینج کیساتھ آتا ہے جبکہ ایوریج سپیڈ 50 کلومیٹر ہے۔
مزید یہ کہ اس سکوٹر کو محض 2.5 یونٹ بجلی درکار ہے، جو اس کی کارکردگی کو واضح کرتی ہے۔
اس الیکٹرک سکوٹر میں ری جنریٹو بریکنگ سسٹم بھی متعارف کروایا گیا ہے جو کائنیٹک انرجی کو الیکٹرک پاور میں تبدیل کرکے کارکردگی کو بڑھاتا ہے۔
TTFAR ٹیکنالوجی
یہ الیکٹرک سکوٹر 18 ماہ کی وارنٹی کیساتھ آتا ہے، جو صارفین کو ذہنی سکون اور بہترین سرمایہ کاری کا موقع فراہم کرتا ہے۔
TTFARٹیکنالوجی ذیل میں دئیے گئے مختلف عناصر پر مشتمل ہے:
- گرافین بیٹری
- انرجی ریٹریونگ کنٹرول
- انرجی مانیٹرنگ ڈیش بورڈ
- لو وِنڈ رزِسٹنس ڈیزائن باڈی
- ہائی ایفیشنسی موٹر
- رولنگ رزِسٹنس ٹائر
قیمت
اس سکوٹر کی قیمت 245000 روپے رکھی گئی ہے۔
اپنی جدید ٹیکنالوجی، متاثر کن رینج کیساتھ یہ الیکٹرک سکوٹر پاکستان میں الیکٹرک بائکس اور سکوٹرز کے ایک پائیدارمستقبل کی ضمانت ہے۔
Yadea کے الیکٹرک سکوٹر کے بارے میں آپ کا کیا خیال ہے؟ کمنٹس سیکشن میں ہمیں بتائیں۔