یاماہا نے اپنی بائکس پر انسٹالمنٹ اور ایکسچینج آفر لگا دی
یاماہا جو معیار، سٹائل اور کارکردگی کا دوسرا نام ہے، نے اپنے صارفین کے لیے دو زبردست آفرز متعارف کروائی ہیں۔ اگر آپ اپنی سواری کو اپ گریڈ کرنا چاہتے ہیں یا ایک نیا موٹر سائیکل خریدنے کے خواہاں ہیں تو یاماہا بائک خریدنے کیلئے آپ کے پاس ایک بہترین موقع ہے۔
ایکسچینج آفر: “پُرانی لاؤ، نئی لے جاؤ“
یاماہا پاکستان کی “پُرانی لاؤ، نئی لے جاؤ” ایکسچینج آفر آپ کو یہ شاندار موقع فراہم کرتی ہے کہ آپ اپنے موجودہ موٹر سائیکل کو، چاہے وہ کسی بھی برانڈ کا ہو، ایک نئی یاماہا کے ساتھ تبدیل کر سکتے ہیں۔ یہ آفر ان لوگوں کے لیے بہترین ہے جو یاماہا موٹر سائیکل کی بے مثال کمرٹ اور سٹیبلٹی کا تجربہ کرنا چاہتے ہیں۔
آفر حاصل کرنے کا طریقہ کار:
- ٹریڈ اِن: اپنی پُرانی موٹر سائیکل کو یاماہا کے مجاز ڈیلر کے پاس لے جائیں۔
- ویلیوایشن: ڈیلر آپ کی پُرانی موٹر سائیکل کی قیمت کا تعین کرے گا۔
- ادائیگی: آپ کی پُرانی موٹر سائیکل کی قیمت کو نئی یاماہا کے ڈاؤن پیمنٹ میں ایڈجسٹ کیا جائے گا۔
- نئی سواری: باقی رقم، اگر ہو، تو ادا کریں اور اپنی نئی یاماہا موٹرسائیکل حاصل کریں۔
انسٹالمنٹ آفر
جو لوگ قسطوں کی صورت میں آسان ادائیگی کے طریقے کو ترجیح دیتے ہیں، ان کے لیے یاماہا پاکستان نے سٹینڈرڈ چارٹرڈ بینک کے تعاون سے آسان قسطوں کا منصوبہ متعارف کروایا ہے۔ اس منصوبے کے ذریعے آپ اپنی ڈریم بائک خرید سکتے ہیں اور اس کی ادائیگی بغیر کسی اضافی چارجز کے ماہانہ قسطوں میں کر سکتے ہیں۔
انسٹالمنٹ منصوبے کے اہم فوائد:
- 0 فیصد مارک اپ: ماہانہ قسطوں پر کسی قسم کے اضافی چارجز نہیں ہیں۔
- آسان ادائیگی کا عمل: 12 ماہ کی مدت میں ادائیگی کا وہ منصوبہ منتخب کریں جو آپ کے بجٹ میں ہو۔
- خصوصی پیشکش :یہ آفر صرف سٹینڈرڈ چارٹرڈ کریڈٹ کارڈ ہولڈرز کے لیے دستیاب ہے۔
- بغیر کسی دقت کے عمل: سادہ اور آسان درخواست دینے کا عمل۔
یاماہا کی شاندار موٹر سائیکل لائن اپ میں سے اپنی پسند کی بائک منتخب کریں۔ انتخاب کرنے کے بعد، سٹینڈرڈ چارٹرڈ بینک سے 021 111 002 002 پر رابطہ کریں اور آسان منظوری کے عمل کا آغاز کریں۔