10 لاکھ ہائی لکس کی فروخت پر ٹویوٹا کا نیا تحفہ

455-horsepower Hilux 1

اس میں کوئی شک نہیں کہ ٹویوٹا ہائی لکس اپنی ہم پلہ گاڑیوں جیسے نسان نوارا، مٹسوبشی L200 وغیرہ کے مقابلہ میں ہمیشہ ممتاز رہی ہے۔ گوکہ پاکستان بالخصوص سندھ میں ٹویوٹا ہائی لکس کا استعمال وی آئی پی شخصیات کی سیکورٹی گارڈز کے ہمراہ نقل و حمل تک ہی محدود ہے لیکن حقیقت میں اس سے اور بھی بہت سے اہم کام لیے جاسکتے ہیں۔

2009ء سے جنوبی افریقہ میں ہونے والی سب سے بڑی سالانہ کار ریلی جسے ڈاکار ریلی کہا جاتا ہے، میں گاڑیاں بنانے والے اداروں کے درمیان شائقین کا دل جیت لینے کے لیے زبردست مقابلہ ہو تا ہے اور ان میں ٹویوٹا جنوبی افرقہ بھی آگے آگے رہی ہے۔ 99,999 ٹویوٹا ہائی لکس فروخت کرنے کے بعد ٹویوٹا یلکس نے 10 لاکھویں گاڑی فروخت کا سنگ میل عبور کرتے ہوئے ایک منفرد گاڑی پیش کرنے کا فیصلہ کیا ہے۔

ٹویوٹا جنوبی افریقہ اس تاریخی موقع پر ایک ‘پک اپ ٹرک’ سامنے لا رہی ہے جو صرف ایک مختصر ٹرک ہی نہیں بلکہ اپنی نوعیت کی بہت خاص مشین ہے۔ ٹویوٹا انجینئرز نے اس میں 8 سلینڈر انجن استعمال کیا ہے جو 455 ہارس پاور قوت فراہم کرتا ہے۔ ہائی لکس میں D سے D4 رفتار کے لیے عمومی منتقلی کے ساتھ دو یکساں AP ریسنگ کلچ لگائے گئے ہیں۔

ڈاکار میں شامل گاڑیوں کے برعکس یہ تھوڑی مختلف ہے۔ اس میں انجن کنٹرول کرنے کے لیے air-restrictor نہیں لگایا گیا۔ اس سے آپ اندازہ لگا سکتے ہیں کہ اس کی رفتار دیگر گاڑیوں کے مقابلے میں کہیں زیادہ تیز ہوگی۔ مزید یہ کہ اس کا سسپینشن 50 ملی میٹر نیچے لگایا گیا ہے جس سے بہتر گرفت اور میزان برقرار رکھنے میں مدد ملے گی۔

ٹویوٹا جنوبی افریقہ کے افسر گلائن ہال نے کہا کہ “اسے آپ سب سے زیادہ طاقت ور ہائی لکس کہہ سکتے ہیں”۔

یقین کیجیے! اگر یہ ٹویوٹا ہائی لکس کسی تجربے کار اور مضبوط اعصاب کے حامل شخص کے ہاتھوں میں آگئی تو سمجھیں تباہی مچا سکتی ہے۔ اس زبردست اور تاریخی گاڑی کی قیمت اندازاً 72 ہزار ڈالر ہوگی جو پاکستانی 75 لاکھ روپے بنتے ہیں۔

LamanSamo

My love for cars is unexplainable, especially when it comes to SUV's. Apart from that I'm currently doing my bachelors. Working with PakWheels was what I always wanted and here I am.

Top