نئے انجن کی حامل ٹویوٹا ریوو 2018ء پیش کر دی گئی


ٹویوٹا انڈس موٹرز نے نئے ڈیزل انجن کے ساتھ ٹویوٹا ریوو متعارف کروا دی ہے۔ اس ٹویوٹا ریوو 2018ء میں نے 2800cc ڈیزل انجن کے علاوہ بھی بے شمار خصوصیات شامل ہیں۔ ہمیں امید ہے کہ یہ خبر ان لوگوں کے لیے تسلی کا باعث بنی ہو گی جو بُکنگ بند کیے جانے پر حیران (اور تھوڑے پریشان) تھے۔ یاد رہے کہ اس سے قبل ریوو کو 3000cc، 4-سلینڈر ٹربو ڈیزل انجن کے ساتھ فروخت کیا جا رہا تھا۔ نئی ریوو کی مزید منفرد خصوصیات کے بارے میں بات کرنے سے پہلے، آئیے اس کے انجن کا جائزہ لیتے ہیں۔

ٹویوٹا ریوو 2018ء میں شامل کیا جانے والا انجن 2755cc، ان لائن-4، کامن ریل ڈیزل 1GD انجن ہے۔ جیسا کہ نام سے ہی ظاہر ہے، یہ انجن ٹویوٹا کی نئی GD ڈیزل انجن سیریز کا حصہ ہے۔ یہ نیا انجن ٹربو چارجڈ ہونے کے علاوہ اندرونی کولر بھی رکھتا ہے۔ اس کی قابلیت پر بات کریں تو یہ انجن 3400 آر پی ایم پر 175 بریک ہارس پاور (130 کلو واٹ) کے علاوہ 1600-2400 آر پی ایم پر 450 نیوٹن میٹر ٹارک بھی فراہم کر سکتا ہے۔

toyota revo engine feature

جہاں تک ٹرانسمیشن یعنی گیئر باکس کا تعلق ہے، اس میں 6-اسپیڈ آٹومیٹک سیکوئنشل یا 6-اسپیڈ مینوئل گیئر باکس کے ساتھ پیش کیا جائے گا۔

اس میں شامل کی جانے والی چند نئی خصوصیات میں بغیر چابی دروازہ کھولنے اور انجن اسٹارٹ کرن کی سہولت، مختلف طرز کی ڈرائیونگ کے لیے پاور اور ایکو موڈز، اونچائی اور ڈھلوان پر سفر کے لیے اسسٹ کنٹرولز شامل ہیں۔ اس کے علاوہ ریوو کو تین مختلف ماڈل میں پیش کیا جا رہا ہے جنہیں ریوو G مینوئل، ریوو G آٹومیٹک اور ریوو V آٹومیٹک کا نام دیا گیا ہے۔ ریوو کے بہترین ماڈل یعنی V آٹومیٹک میں شامل کئی خصوصیات دیگر کم درجے اور سستے ماڈل میں شامل نہیں ہوں گی۔ خصوصیات کی تفصیلی فہرست بہت جلد ہم اپنے قارئین کو پیش کریں گے۔

toyota revo back feature

2800cc انجن کے حامل ریوو V کی قیمت 46,49,000 روپے رکھی گئی ہے۔ گاڑی کی بُکنگ آج ہی سے شروع کی جا رہی ہے تو اگر آپ اپنی نئی ہائی لکس ریوو V جلد از جلد چاہیے تو آج ہی اس بُکنگ کروائیے کیوں کہ ابھی بُک کرائی جانے والی گاڑیوں کی فراہمی مارچ سے “پہلے آئیے، پہلے پائیے” کی بنیادی پر کی جائے گی۔ اس حوالے سے مزید تفصیلات آپ کو ٹویوٹا انڈس موٹرز کی ویب سائٹ پر دستیاب ہیں۔

ٹویوٹا ہائی لکس ریوو کے تمام ماڈلز کی قیمتیں یہ ہیں:

نمبر شمار ٹویوٹا ریوو (ماڈل) قیمت (روپے)
1 ہائی لکس 4×2 ڈیک لیس 22,19,000
2 ہائی لکس 4×2 ایس/سی اسٹینڈرڈ 24,69,000
3 ہائی لکس 4×2 ایس/سی یو/ایس اور پولیس ماڈل 24,99,000
4 ہائی لکس 4×4 ایس/سی 35,49,000
5 ہائی لکس 4×4 ڈی/سی اسٹینڈرڈ 37,99,000
6 ہائی لکس 4×4 ڈی/سی ریوو G مینوئل 41,24,000
7 ہائی لکس 4×4 ڈی/سی ریوو G آٹومیٹک 43,49,000
8 ہائی لکس 4×4 ڈی/سی ریوو V آٹومیٹک 49,49,000

toyota revo prices pakwheels


Writing about cars and stuff.

Top