2018ء یاماہا YBR 125G پاکستان میں لانچ کردی گئی


2018ء یاماہا YBR کے اجراء کے بعد یاماہا پاکستان نے YBR 125G کا 2018ء ماڈل بھی لانچ کردیا ہے۔ نئے ماڈل کی رونمائی کراچی میں ہونے والی ایک خصوصی تقریب میں کی گئی۔ 2018ء یاماہا YBR 125G نے نہ صرف ظاہری تبدیلیاں پائی ہیں، بلکہ یاماہا نے اس کے ہارڈویئر میں بھی بہتری کی ہے تاکہ وہ پاکستان میں سفر کے لیے زیادہ موزوں ہو جائے۔

ایک طرف جہاں گرافکس کے معاملے میں 2018ء یاماہا YBR کو زیادہ سادہ اور شفاف بنایا گیا ہے، وہیں 2018ء 125G کہیں زیادہ رنگین کی گئی ہے۔ موٹر سائیکل کی ٹنکی پر شوخ پیلے رنگ کا اسٹیکر لگایا گیا ہے جس پر 125G لکھا ہے۔ اور اب موٹر سائیکل نئے نیلے رنگ میں بھی دستیاب ہے اور ساتھ ہی عام سرخ اور سیاہ رنگ تو ہیں ہی۔ نئے رنگ یہ ہیں:

2018 Yamaha YBR 125G (1)

2018 Yamaha YBR 125G (2)

2018 Yamaha YBR 125G (3)

مکینیکل تبدیلیوں کے بارے میں بات کریں تو نئی موٹر سائیکل فری-فلوئنگ ایگزاسٹ کے ساتھ آتی ہے۔ یہ یاماہا YBZ جیسا ہی ایگزاسٹ ہے۔ یہ نیا ایگزاسٹ گزشتہ YBR اور YBG جنریشن کے مقابلے میں تھوڑا زیادہ آواز کرتا ہے۔ اس اپگریڈ کے ساتھ آپ کارکردگی میں معمولی سے اضافے کی توقع کر سکتے ہیں۔

دوسری سب سے بڑی تبدیلی ہے نئے کاربوریٹر جیٹس کی ہے۔ نئی YBR 125G ایک اپ-جیٹڈ کاربوریٹر کے ساتھ آتی ہے۔ دونوں تبدیلیاں بلاشبہ زیادہ طاقت فراہم کرتی ہیں لیکن یہ بھی امکان ہے کہ اس کے نتیجے میں ایندھن کھپت بھی بڑھ جائے۔

دوسری جانب یاماہا نے 2018ء ماڈلز کے لیے پاکستان میں چند پرزہ جات تیار کرنے کے ساتھ YBR لائن کو لوکلائز کرنا شروع کردیا ہے۔ اس کا مقصد نہ صرف لاگت کو کم کرنا ہے بلکہ مقامی پیداوار کا فروغ بھی ہے۔ نئی 2018ء یاماہا YBR 125G کی قیمت 1,37,500 ہے۔

2018 Yamaha YBR 125G (4)

2018 Yamaha YBR 125G (6)

2018 Yamaha YBR 125G (7)

2018 Yamaha YBR 125G (8)

اس نئی یاماہا میں آپ کا کیا خیال ہے، اس بارے میں ہمیں ضرور بتائیں۔


Writing about cars and stuff.

  • Nauman Ellahi

    It is not successful till its service center is in place everywhere in Pakistan

Top