2018 یاماہا YBR125 پاکستان میں لانچ کردی گئی

yamaha ybr-125 ft

یاماہا پاکستان نے اپنی YBR125 موٹر سائیکل کی اپڈیٹ جاری کردی ہے۔ 2018 یاماہا YBR125 کے ساتھ نئے رنگ اور ٹنکی پر جدید گرافکس پیش کیے گئے ہیں لیکن یہ نیا ڈیزائن بین الاقوامی مارکیٹ میں جاری کی گئی YBR سے زیادہ ملتا جلتا ہے۔

ظاہری اعتبار سے نیا ڈیزائن پچھلے ڈیزائن سے زیادہ سادہ ہے۔ یاماہا نے پٹی دار گرافکس کو ہٹا دیا ہے اور اس کے بجائے ٹنکی پر سائیڈ پینلوں کو سادہ کالے رنگ میں پیش کیا ہے۔ اپڈیٹ ہونے والے ماڈل میں یہ رنگ دستیاب ہیں:

ریسنگ بلو (نیلا)

ووڈ کاک ٹیل ریڈ (سرخ)

میٹالک بلیک (سیاہ)

باقی موٹر سائیکل لگ بھگ ویسی ہی ہے۔ یاماہا پاکستان نے ابھی تک اسے باضابطہ طور پر عام نہیں کیا۔ البتہ ملک بھر میں یاماہا ڈیلرشپ نے اپڈیٹڈ ورژن کے آرڈرز لینا شروع کردیے ہیں۔ گو کہ یہ کہنا زیادہ مناسب ہوگا کہ یہ مکمل نیا ڈیزائن نہیں ہے۔ جیسا کہ اوپر بتایا گیا ہے کہ یاماہا پہلے ہی یہ کونسیپٹ بین الاقوامی مارکیٹ میں پیش کر چکا ہے۔ یہی اسکیم 2015ء میں دستیاب تھی۔2018 Yamaha YBR125 Pakistan

Yamaha YBR125 UK Model

Yamaha YBR125 UK Model

یعنی یہ صرف ظاہری تبدیلیاں ہیں۔ میکانیکی تبدیلیوں کے بارے میں معلومات ملنے پر ہم اپنے قارئین کو آگاہ کریں گے۔ موجودہ یاماہا YBR125 کی تکنیکی خصوصیات یہ ہیں۔

Yamaha YBR125 Specs PW

YBR125 واحد سلنڈر اوورہیڈ کیم ایئر-کولڈ انجن کے ساتھ آتی ہے جو 5-اسپیڈ گیئربکس رکھتا ہے۔ یہ کہنا غلط نہ ہوگا کہ اس موٹر سائیکل نے پاکستان میں 125cc موٹرسائیکلوں کی مارکیٹ کو ہلا کر رکھ دیا تھا۔ گو کہ مارکیٹ کے سب سے بڑے ادارے اٹلس ہونڈا تک پہنچنے سے کافی دور ہے، لیکن بلاشبہ کہ یاماہا نے آہستگی سے لیکن تسلسل کے ساتھ قدم بڑھائے ہیں اور نئے خریداروں کے ذہنوں پر اثرات مرتب کیے ہیں۔ اب سادہ نظر آنے والی یاماہا YBR 125Z پاکستان کے موٹر سائیکل صارفین کے ذہنوں میں یاماہا کی ساکھ میں اضافہ ہی کرے گی۔

2015-Yamaha-YBR125


Writing about cars and stuff.

Top