سوزوکی پاکستان میں لا رہا ہے نئی 2019 Gixxer 150cc SF


پاک سوزوکی رواں سال نئی 2019 Gixxer 150cc SF پاکستان میں لا رہا ہے۔

کمپنی PakWheels.com کراچی آٹو شو میں پہلے ہی اِس موٹر سائیکل کی رونمائی کر چکی ہے، جو 23 دسمبر 2018ء کو منعقد ہوا تھا۔ تفصیلات کے مطابق موٹر سائیکل 4-اسٹروک سنگل سلینڈر ایئر کولڈ انجن سے لیس ہے۔ واضح رہے کہ موٹر سائیکل اسی کلر تھیم کی حامل ہے جو سوزوکی موٹو جی پی ریسنگ میں اپنے شرکاء کے استعمال کے لیے رکھتی ہے۔

یہ 56.0 x 62.9 بور اور اسٹروک اور 9:1 کمپریشن ریشو رکھتی ہے۔ 2019ء Gixxer 150cc SF کِک اور سیلف اسٹارٹ دونوں آپشنز رکھتی ہے۔ یہ ملٹی-پلیٹ کلچ کے ساتھ 5-اسپیڈ ٹرانسمیشن کی حامل ہے۔ موٹر سائیکل میں 12 لیٹرز کی گنجائش رکھنے والا فیول ٹینک موجود ہے اور اس کا ڈرائی وزن 130 کلوگرام ہے۔

اس کے لانچ ہونے کی باقاعدہ تاریخ کمپنی کی جانب سے ظاہر نہیں کی گئی البتہ عین ممکن ہے کہ یہ رواں سال کی دوسری یا تیسری سہ ماہی میں پیش کردی جائے۔ لانچنگ کی تاریخ کے علاوہ قیمت بھی ظاہر نہیں کی گئی۔

ہماری طرف سے اتنا ہی اپنے خیالات نیچے تبصروں میں پیش کیجیے۔


My name is M. Ali Laghari and I love to read and write about Cars.

Top