2020ء کِیا سول کی LA آٹو شو میں رونمائی


صرف ایک ہفتہ قبل کِیا نے LA آٹو شو 2018ء میں 2020ء کِیا سول (Soul) کی رونمائی کے لیے اپنی تیاری کا عندیہ دیا تھا۔ ایسا لگتا تھا کہ ادارہ نئی کِیا سول کی شکل و صورت کو راز میں رکھنے کی کوشش بھی نہیں کر رہا کیونکہ ادارے نے آنے والی اِس گاڑی کی مختلف تصاویر جاری کی ہیں۔ تصاویر نے گاڑی کی مکمل پروفائل ظاہر کردی ہے بلکہ گاڑی کے انٹیریئر کا کچھ حصہ بھی۔ مجموعی طور پر 2020ء کِیا محض ایک ریفریش کے بجائے موجودہ ماڈل کا ایک بہتر ورژن ہے۔

نئی کِیا سول گاڑی کی “سول” یعنی روح برقرار رکھے گی۔ 2020ء کِیا سول ویسی ہی دقیانوسی ڈبے جیسی شکل رکھے گی اور زیادہ تر ڈیزائن پہلوؤں نے نئے ماڈل میں بھی جگہ پائی ہے۔ پشت پر کھڑکیوں کی لائن گاڑی کے مخصوص ڈی-پِلر کی صورت گری کے لیے اٹھائی گئی ہے اور وِنڈ شیلڈ کی بالائی حدود واحد شکل ہیں کہ جسے نئے ماڈل میں نمایاں کیا گیا ہے۔ آٹومیکر نے گاڑی اہم ترین ڈیزائن صورتوں کو واضح طور پر برقرار رکھا ہے تاکہ گزشتہ ماڈلز کے چاہنے والے نئے ماڈل پر شکوہ نہ کریں۔

تبدیلیاں سامنے کی دھاری سے ہی شروع ہو جاتی ہیں جو کہیں زیادہ ہموار اور مستقبل جیسی لگتی ہے۔ موجودہ ماڈل کی خوبصورت ہیڈلائٹس ختم کردی گئی ہیں اور چھوٹی اور پتلی ہیڈلائٹس نے پرانی کی جگہ لے لی ہے۔ حالیہ خفیہ تصاویر کے مطابق یہ ہیڈلائٹس سامنے کی دھاری سے ایک حصے سے دوسری حصے تک پھیلی ہونی چاہئیں۔ لائٹس کو موجودہ ماڈل کی ہیڈلائٹس کے مقابلے میں ذرا نیچے کی طرف لگایا گیا ہے۔ مجموعی طور پر گاڑی کا اگلا پورا حصہ پچھلے ماڈلز کے سخت ڈبے جیسی شکل کے بجائے اب ہموار اور خم دار شکل رکھتا ہے۔

ٹیزر کے طور پر پیش کی گئی چند تصاویر میں گاڑی کے انٹیریئر کو جتنا ہم دیکھ سکے اس کے مطابق ڈیش بورڈ کو اپڈیٹ کیا گیا ہے۔ تمام سینٹر کنٹرولز، وینٹس اور ٹچ اسکرین کناروں پر گولائی کے حامل ایک چھوٹی چوکور صورت کے اندر لگایا گیا ہے۔ یہ چوکور صورت پورے مرکزی حصے میں واحد مجموعہ ہے۔  یہ ہمیں گاڑی کے اندر ایک تازگی کا احساس دیتا ہے۔ دروازوں کے ہینڈلز اور اس کے ساتھ بھی کچھ ڈیزائن ورک محسوس ہوتا ہے۔

2020ء کِیا سول اپڈیٹ:

کِیا سول کی پیش کردہ تصاویر یہ ہیں:

2020 Soul EV

2020 Soul EV


Top