پاکستان میں نئی ٹویوٹا فورچیونر کی جلد آمد کا امکان

2016-Toyota-Fortuner-black-front1

ٹویوٹا فورچیونر کا نام انگریزی لفظ fortune سے اخذ کیا گیا ہے۔ ٹویوٹا فورچیونر ایک اوسط-سائز کی SUV ہے جسے ٹویوٹا SW4 بھی کہا جاتا ہے۔ اس کی تیاری کا آغاز تھائی لینڈ میں ہوا تھا جس کے بعد اسے انڈونیشیا اور دیگر ممالک میں بھی پیش کیا گیا۔ ٹویوٹا فورچیونر کو ٹویوٹا ہائی لکس (Hilux) کے پلیٹ فارم پر تیار کیا گیا ہے۔ یہ پچھلے پہیوں کی قوت (RWD) کے علاوہ چاروں-پہیوں کی قوت (4WD) سے چلنے کی صلاحیت کے ساتھ بھی پیش کی جاتی ہے۔ گو کہ عالمی سطح پر فورچیونر کی تیاری سال 2005 میں شروع کی گئی تاہم پاکستان میں اس کی تیاری کا آغاز سال 2013 میں کیا گیا۔ اسے ارجنٹائن، پاکستان، بھارت اور انڈونیشیاسمیت کئی ممالک کی مشہور ترین ٹویوٹا گاڑیوں میں شمار کیا جاتا ہے۔

new-vs-old-toyota-fortuner-front-11-1465632864

نئی ٹویوٹا فورچیونر کی خصوصیات

نئی ٹویوٹا فورچیونر (Toyota Fortuner)، جس کا تعلق دوسری جنریشن سے ہے، کو گزشتہ سال 2015 میں تھائی لینڈ اور آسٹریلیا میں متعارف کروایا گیا تھا۔ بعد ازاں جنوری 2016 میں اسے انڈونیشیا میں بھی پیش کیا گیا۔ فورچیونر کی دوسری جنریشن ٹویوٹا آسٹریلیا کی جانب سے ‘keen look’ طرز پر ڈیزائن کی گئی ہے۔ یاد رہے کہ اسی طرز پر ٹویوٹا کرولا کی گیارہویں جنریشن بھی تیار کی گئی ہے۔ انڈونیشیا میں نئی فورچیونر کے تین ماڈلز دستیاب ہیں:

٭ ٹویوٹا فورچیونر G
اس میں ڈیزل انجن کے ساتھ آٹو میٹک یا مینوئل گیئر منسلک کیا جاتا ہے۔ اس میں 2WD اور 4WD کے انتخاب کا آپشن بھی موجود ہے۔

٭ ٹویوٹا فورچیونر VRZ
اس میں ڈیزل انجن کے ساتھ آٹومیٹک گیئر منسلک کیا جاتا ہے۔ اس میں 2WD اور 4WD کے انتخاب کا آپشن بھی موجود ہے۔

٭ ٹویوٹا فورچیونر SRZ
اس میں پیٹرول انجن کے ساتھ آٹومیٹک گیئر باکس شامل ہے۔ دیگر ماڈلز کے برعکس اس میں صرف 2WD ہی کی سہولت شامل ہے۔

انڈونیشیا میں پیش کی جانے والی نئی فورچیونر میں 2700cc ڈیول VVT-i انجن کے علاوہ 2400cc انٹرکولر ڈیزل انجن بھی پیش کیا جارہا ہے۔

مزید پڑھیں: پاکستان میں ٹویوٹا فورچیونر 2016 کی جانچ؛ خفیہ تصاویر منظر عام پر

fortuner 2nd gen exterior 2

fortuner 2nd gen exterior 1

2016 Toyota Hilux Debuts With New 177hp Diesel 33 Photos Amp Videos 2016 Toyota Fortuner Interior Philippines 2016 Toyota Fortuner Interior Philippines

ٹویوٹا فورچیونر کے SRZ اور VRZ ماڈل میں پاور بیک ڈور فیچر بھی شامل ہے جو پچھلے دروازوں کو ایک ہی بٹن سے بند کرنے اور کھولنے کی سہولت فراہم کرتا ہے۔ اس کے علاوہ LED لائٹس، LED لیمپ، پاور سیٹس، اسٹارٹ-اسٹاپ انجن بٹن کی خصوصیات بھی قابل ذکر ہیں۔ اس کے علاوہ VRZ کا 4×4 ماڈل ہل اسسٹ کنٹرول، وہیکل اسٹیبلٹی کنٹرول، ٹریکشن کنٹرول، بریک اسسٹ، آگے اور دائیں و بائیں جانب ایئربیگز کے ساتھ ایمرجنسی بریکس بھی شامل ہیں۔ نئی ٹویوٹا فورچیونر کے تمام ہی ماڈلز میں ABS، EBD، ایئر بیگز،پچھلی جانب کیمرہ، ایکو موڈ اور پاور موڈ کی خصوصیات موجود ہیں۔

پرانی ٹویوٹا فورچیونر کی خصوصیات

ٹویوٹا فورچیونر کی پہلی جنریشن سال 2005 میں 4 مختلف انجن کے ساتھ پیش کی گئی جس میں 2 ڈیزل اور 2 ہی پیٹرول انجن شامل تھے۔ پرانی جنریشن کی ٹویوٹا فورچیونر کے تمام ہی ماڈل RWD یا 4WD کے ساتھ 5-اسپیڈ مینوئل اور 4/5-اسپیڈ آٹومیٹک گیئر باکس کی حامل تھیں۔ پاکستان میں فورچیونر کو 2700cc پیٹرول انجن کے ساتھ متعارف کروایا گیا تھا۔ یہاں اسے ایروڈائنامکس خصوصیات سے عاری ڈیزائن کی وجہ سے تنقید کا سامنا کرنا پڑا۔ سال 2012 میں 2500cc ٹربو-ڈیزل اور 3000cc ٹربو –ڈیزل انجن کو VNT کی مدد سے بہتر بنا کر فورچیونر میں شامل کیا گیا۔ ٹویوٹا فورچیونر کی پہلی جنریشن میں یہ ماڈل پیش کیے گئے:

٭ ٹویوٹا فورچیونر G اور فورچیونر G لگژری (پیٹرول و ڈیزل انجن کے ساتھ RWD)
٭ ٹویوٹا فورچیونر V (پیٹرول اور ڈیزل انجن کے ساتھ 4×4)

نئی ٹویوٹا فورچیونر ماہانہ اقساط پر حاصل کرنے کے لیے یہاں کلک کریں

fortuner 1st gen exterior 1

fortuner 1st gen exterior 2

Toyota_Fortuner_LTD_Interior

سال 2007 میں ٹویوٹا تھائی لینڈ نے فورچیونر 4×4 ماڈل کی تیاری بند کردی اور اس کی جگہ 2WD پیٹرول انجن کی حامل فورچیونر متعارف کروا دی گئی ۔ ٹویوٹا فورچیونر کی پہلی جنریشن میں پروجیکشن ہیڈ لیمپس کے علاوہ ہائی انٹینسٹی ہیڈ لیمپس، اسٹیئرنگ آڈیو کنٹرول، ABS کے ساتھ EBD اور بریک اسسٹ کے ساتھ ESC، اگلی نشستوں کے لیے ایئر بیگز، پاور ڈرائیور سیٹس اور امموبلائزر جیسی خصوصیات شامل تھیں۔

ٹویوٹا نے فورچیونر کی نئی جنریشن کو ڈیزائن اور خصوصیات کے اعتبار سے بہت بہتر بنایا ہے اور اب یہ پہلے کے مقابلے میں زیادہ دلکش اور پرکشش بن گئی ہے۔ پاکستان میں اس کی آمد کے امکانات کافی واضح ہیں تاہم اس حوالے سے کوئی حتمی تاریخ کا اعلان اب تک نہیں کیا گیا۔ اب دیکھنا یہ ہے کہ آیا پاکستان میں بھی اس SUV کو انہی خصوصیات کے ساتھ پیش کیا جائے گا کہ جو دیگر ممالک میں اس کا حصہ ہیں یا پھر پاکستانی فورچیونر میں کچھ کمی بیشی کی جائے گی۔ اس حوالے سے اپنی رائے دینا مت بھولیے گا۔

Samiullah Sharief

Samiullah Sharief is a car enthusiat. He is passionate about writing blogs and reviews about cars. His hobbies are driving,watching TV Shows like Top Gear, Mega Factories and he follows Popular car magazines. You can reach out to him by tweeting @sami649

Top