660cc کار خریدنے کی 5 وجوہات


جاپانی کی-کاریں جاپان کے ساتھ ساتھ پاکستان میں بھی کامیاب ہیں۔ گو کہ جاپان کو سڑکوں پر جگہ کے سنجیدہ مسائل کا سامنا ہے لیکن پاکستان میں، آدھے خریداروں کے لیے، یہ گاڑیاں ایک فیشن کی طرح ہیں۔ باقی آدھے صارف ان چھوٹے 660cc انجنوں کی زبردست ایندھن بچت کا فائدہ اٹھانا چاہتے ہیں۔ لیکن اگر آپ نے ابھی تک کی-کار نہیں خریدی اور خریدنے کے لیے کوئی ٹھوس وجہ تلاش کر رہے ہیں تو ہم آپ کو 5 ایسی وجوہات پیش کر رہے ہیں۔ تو آئیے شروعات کرتے ہیں:

1۔ سیفٹی فیچرز

جاپانی حکومت کے سخت قواعد و ضوابط کی وجہ سے آٹومیکرز کے لیے تمام گاڑیوں میں سیفٹی آلات کی مخصوص تعداد شامل کرنا ضروری ہے۔ یوں سستی ترین 660cc کی گاڑیوں میں بھی ڈوئل فرنٹ ایئر بیگز اور ABS ٹیکنالوجی عام ہیں۔ جبکہ زیادہ مہنگے ماڈلوں میں تو ٹریکشن کنٹرول، وہیکل اسٹیبلٹی کنٹرول، 6 ایئر بیگز اور دیگر سہولیات بھی ہو سکتی ہیں جو 660cc کی گاڑیوں کو اپنے چھوٹے حجم کے باوجود سڑک پر بہت محفوظ بناتی ہیں۔

2۔ آن بورڈ ٹیک

جب معاملہ ٹیکنالوجی کا آتا ہے تو یقیناً ڈائہاٹسو جیسے اداروں کی ایک فُلی لوڈڈ 660cc کار بہترین کرولا آلٹس گرانڈ اور سوک 1.8 VTi اوریئل کو بھی شکست دے سکتی ہے۔ کیسے؟ مجھے یہ ثابت کرنے کی اجازت دیجیے۔ ڈائہاٹسو کاسٹ اور ہونڈا N-WGN جیسی جدید ترین گاڑیوں میں جب جدید فیچرز دیکھے تو انہوں نے مجھے حیران کردیا جیسا کہ:

لین کِیپ اسسٹنٹ

ایمرجنسی بریکنگ

بلائنڈ اسپاٹ مانیٹرنگ

پارکنگ سینسرز

360 سراؤنڈ ویو کیمرا

ہیٹڈ سیٹس

6 ایئربیگز

ان میں سے کوئی بھی خوبی 14 سے 16 لاکھ روپے والی گاڑی میں تو کُجا مقامی طور پر بننے والی اُن گاڑیوں تک میں موجود نہیں جن کی قیمتیں 30 لاکھ روپے ہیں۔ لیکن دیانت داری کی بات یہ ہے کہ اگر آپ بہترین ماڈلز کی رُخ نہ بھی کریں تو جاپانی گاڑیوں کے بنیادی ماڈلز میں موجود خصوصیات بھی زیادہ تر صارفین کے لیے کافی ہیں۔ آپ کو ایک چھوٹی سی سستی گاڑی میں ٹیکنالوجی کے حوالے سے ممکنہ طور پر طلب سے زیادہ ہی ملے گا۔

3۔ ایندھن کی بڑی بچت

جیسا کہ پہلے ذکر کیا گیا ہے کہ آدھے لوگ ممکنہ طور پر صرف انوکھے پن کی وجہ سے 660cc کی یہ گاڑیاں خریدتے ہیں، البتہ، دیگر افراد زیادہ وسیع تناظر میں دیکھتے ہیں، جو ممکنہ طور پر ایندھن کی بچت ہوتا ہے۔ پاکستانی روپے کی ہمیشہ کی طرح گھٹتی ہوئی قدر کے ساتھ بڑے انجنوں کی حامل بڑی گاڑیاں مہنگی ہوتی جا رہی ہیں۔ صرف گاڑیوں کی ہی نہیں بلکہ ایندھن کی بڑھتی ہوئی قیمتیں بھی گاڑی خریدنا اور اسے چلانا بہت مشکل بنا رہی ہیں۔ اس مقام سے جب ہم ان چھوٹے انجنوں پر غور کرتے ہیں تو ان پر لاگو ٹیکسز کم ہیں، یہ 4 افراد کو لانے لے جانے کے لیے کافی ہیں اور ایک زبردست ایندھن بچت بھی دیتی ہیں۔ میری جانچ میں 660cc انجنوں کی حامل گاڑیاں 20 سے 25 کلومیٹر فی لیٹر کے درمیان کا ایندھن اوسط دیتی ہیں۔ جو ناقابلِ یقین لیکن حقیقت ہے۔

4۔ پیسے کی زبردست قدر

660cc کی گاڑیاں پیسے کی بہترین قدر کرتی ہیں۔ ہو سکتا ہے کہ آپ میں سے کچھ لوگ کہیں کہ جاپانی 660cc گاڑیاں مقامی طور پر بنائی جانے والی 1000cc گاڑیوں سے زیادہ مہنگی بھی تو ہیں۔ گو کہ اس حوالے سے آپ کی رائے درست ہو سکتی ہے لیکن کئی پہلو ایسے ہیں جن میں درآمد شدہ گاڑیاں مقامی طور پر بنائے جانے والی گاڑیوں کو پچھاڑتی ہیں۔ جب معاملہ ڈرائیونگ کے دوران سکون اور ہمواری و روانی کا ہو تو کوئی بھی جاپانی گاڑیوں کو شکست نہیں دے سکتا۔ پھر سیفٹی کا معاملہ آتا ہے جو جاپانی گاڑیوں کا زبردست مثبت پہلو ہے۔ پھر جیسا کہ پہلے ذکر کیا گیا کہ ان گاڑیوں کی آن بورڈ ٹیک بہت زبردست ہے اور کئی معاملات میں بنیادی ماڈل کی 660cc کاریں مقامی طور پر بننے والی بہترین 1000cc گاڑیوں سے بھی زیادہ سازوسامان سے لیس ہوتی ہیں۔

5۔ ساخت کا بہترین معیار

جاپانی اپنے بہترین اور بے نقص کام کی وجہ سے معروف ہیں۔ میں کئی معاملات میں دیکھ چکا ہوں کہ جاپانی دنیا بھر کی تیار مصنوعات کو صرف اس لیے ٹھکرا دیتے ہیں کہ وہ ان کے معیار کے مطابق اچھی نہیں ہوتیں۔ وہ اپنی چیز کو بہترین دیکھنا چاہتے ہیں، تو آپ ان کی مصنوعات سے کیا توقع رکھتے ہیں؟ ہر ہر چیز اور پہلو زبردست بنا ہوا اور اچھی طرح بنایا گیا۔ اگر آپ کبھی جاننا چاہیں کہ میری اس بات کا مطلب کیا ہے تو صرف جائیں اور جاپان کی کسی امپورٹڈ گاڑیوں کے ویلڈنگ پوائنٹس دیکھ لیں، آپ کو ان گاڑیوں پر کی گئی نفیس کاریگری اور کوالٹی کنٹرول کا اندازہ ہو جائے گا۔ ان چھوٹی اکانمی گاڑیوں میں ایسی پرفیکشن دیکھنا بڑا حیران کن ہے۔

پھر اس حقیقت کو مانیں کہ پاکستان میں مقامی سطح پر تیار کی جانے والی گاڑیوں کے مقابلے میں کی کاروں کے انتخاب کے لیے بڑی ورائٹی موجود ہے۔ یہ بڑا انتخاب تمام گاڑیوں کو اپنے انداز سے انوکھا بناتا ہے اور انہیں خریدنا فیشن بن چکا ہے۔ اتنا زیادہ کہ آپ کی گاڑی جیسی اور اسی رنگ و انداز کی دوسری گاڑی بھی شاذ و نادر ہی نظر آتی ہے۔ میرے جیسے خریدار جو دوسرے سے مختلف اور خوبصورت چیزیں پسند کرتے ہیں، بلاشبہ کی-کاروں کو بہترین انتخاب سمجھتے ہیں۔

یہ ایک 660cc گاڑی خریدنے کی سرفہرست وجوہات ہیں، تبصروں میں اپنی وجوہات ہمیں بتائیے۔


Awais Yousaf

I'm a crazy car guy. I want an aeroplane hangar full of cars. Is that too much to ask for?

  • Abdullah Mir

    good information…….1000 cc suzuki wagon r k mutliq b btaien

Top