الفطیم مقامی آٹو انڈسٹری میں 230 ملین ڈالرز کی سرمایہ کاری کرے گا


الفطیم گروپ نے اعلان کیا ہے کہ ادارہ رینو (رینالٹ) کے تعاون سے پاکستان کی مقامی آٹو انڈسٹری میں 230 ملین ڈالرز کی سرمایہ کاری کرے گا۔

مقامی ذرائع ابلاغ کی خبروں کے مطابق رینو نے اپنے مینوفیکچرنگ پلانٹ کی تعمیر کے لیے انجینیئرنگ ڈیولپمنٹ بورڈ (EDB) کو باضابطہ درخواست دی۔ واضح رہے کہ ادارے FIEDMC، فیصل آباد میں زمین حاصل کر چکے ہیں اور جلد ہی پلانٹ کی تعمیر شروع کریں گے۔

دونوں اداروں کا جوائنٹ وینچر 2020ء کے وسط تک پانچ نئی گاڑیاں پیش کرنے کے لیے تیار ہے اور سالانہ 50,000 یونٹس پیش کرنے کا عہد رکھتا ہے۔

اب تک ڈیزائن اور پری انجینیئرنگ کام جاری ہے اور تکمیل کے بعد پلانٹ کی تعمیر کا آغاز ہوگا۔ توقع ہے کہ پلانٹ پر کام سال کی چوتھی سہ ماہی میں شروع ہو جائے گا۔

رینو اور الفطیم کے علاوہ ٹویوٹا IMC بھی اپنے پلانٹ کی پیداواری گنجائش کو 76,000 یونٹس تک پہنچانے کے لیے مقامی آٹو انڈسٹری میں 3.3 ارب روپے کی سرمایہ کاری کا اعلان کر چکا ہے۔

ہماری طرف سے اتنا ہی، اپنے خیالات نیچے تبصروں میں ضرور پیش کیجیے۔


Top