الحاج فا نے گاڑیوں کی قیمتیں بڑھا دیں

faw-featured

ٹویوٹا انڈس موٹرز اور سوزوکی پاکستان کے بعد الحاج فا موٹرز نے بھی اپنی گاڑیوں پر 50 ہزار روپے تک اضافہ کر دیا ہے۔ ڈالر کے مقابلے میں پاکستانی روپے کی قدر میں حالیہ گراوٹ کے اثرات اب ملک کے تمام ہی شعبوں میں نظر آ رہے ہیں جن میں گاڑیوں کا شعبے بھی شامل ہے۔ علاوہ ازیں تیل کی قیمتوں پر بھی روپے کی قدر میں کمی کے اثرات نظر آ رہے ہیں جس کے بعد حکومت کی جانب سے پیٹرولیم مصنوعات کی قیمتوں میں زبردست اضافہ کر دیا گیا ہے۔ ٹرانسپورٹ حضرات کے علاوہ عوام بھی حکومت کے اس اقدام کو شدید تنقید کا نشانہ بنا رہے ہیں۔

الحاج فا موٹرز کی نئی گاڑیوں کی قیمتیں درج ذیل ہیں:

ماڈل پرانی قیمت (روپے) نئی قیمت (روپے)
V2 10,69,000 11,19,000
X-PV اسٹینڈرڈ 8,49,000 8,99,000
X-PV ڈیول AC 8,99,000 9,49,000
کیریئر ڈیکلیس 7,29,000 7,79,000
کیریئر فلیٹ بیڈ 7,39,000 7,89,000
کیریئر اسٹینڈرڈ 7,49,000 7,99,000

پاکستانیوں کے لیے نئے سال کا آغاز زیادہ خوش کن نہیں کہا جا سکتا کیوں کہ سال کے پہلے ہی روز سے متعدد مصنوعات کی قیمتوں میں زبردست اضافہ دیکھا جا رہا ہے۔ اور ماہرین کا کہنا ہے کہ آنے والے دنوں میں مزید مہنگائی کا خدشہ ہے۔ ہونڈا پاکستان کی جانب سے بھی گاڑیوں کی قیمت میں عنقریب اضافہ کیے جانے کی پیش گوئی کی جا رہی ہے۔


My name is M. Ali Laghari and I love to read and write about Cars.

Top