نئی ٹویوٹا رش 2018ء کی جھلکیاں

Toyota Rush 2018

تیار ہو جائیے کیونکہ ہمارے ذرائع کے مطابق ٹویوٹا انڈس موٹر کمپنی 30 اگست 2018ء کو پاکستان میں اپنی سیکنڈ جنریشن کومپیکٹ SUV ٹویوٹا رش 2018ء متعارف کروانے کے لیے مکمل طور پر تیار ہے۔

یہ خبر پیش کرنے کے ساتھ ساتھ پاک ویلز اپنے قارئین کو اس ٹویوٹا رش کی خفیہ تصاویر بھی دکھا رہا ہے۔

Rush exclusive spy shots by pakwheels4

نئی ٹویوٹا رش ایک 1500cc منی SUV ہے، جو 1.5 لیٹر پیٹرول انجن سے لیس ہے۔ 4-اسپیڈ آٹومیٹک ٹرانسمیشن کے ساتھ اس کا انجن 104 PS کی زیادہ سے زیادہ طاقت اور 136Nm ٹارک پیدا کرتا ہے۔

IMC ابتدائی طور پر ملک میں مکمل طور پر تیار شدہ یونٹس (CBUs) پیش کرے گا، البتہ ادارے نے گاڑی کی قیمت ظاہر نہیں کی، غالباً اس کی قیمت 30 سے 35 لاکھ روپے کے درمیان ہوگی۔

Rush exclusive spy shots by pakwheels

Rush exclusive spy shots by pakwheels3

یہ گاڑی الیکٹرانکلی پاورڈ اسٹیئرنگ سے لیس ہے اور 5.2 میٹرز کا ٹرننگ ریڈیئس رکھتی ہے۔ اسٹیئرنگ ویل ملٹی میڈیا کنٹرولز رکھتا ہے اور اس کا فیکٹری آڈیو یونٹ ایک 7 انچ کا ٹچ ڈسپلے ہیڈ یونٹ ہے کہ جو DVD، USB، AUX اور بلوٹوتھ کو سپورٹ کرتا ہے۔ یہ یونٹ ایپل کار پلے کے ساتھ بھی کام کرے گا۔

Rush exclusive spy shots by pakwheels4

سیفٹی کے لحاظ سے آپ کو گاڑی میں ABS، وہیکل اسٹیبلٹی کنٹرول، ٹریکشن کنٹرول، بریک اسسٹ اور ہل اسٹارٹ اسسٹ جیسی خصوصیات ملیں گی۔ اس میں دو الائے ویلز آپشنز ہوں گے: 16-انچ اور 17-انچ۔

ننشستوں کی 3-قطاروں کے ساتھ جو کسی مِنی SUV میں بہت کم دیکھا جاتا ہے، یہ گاڑی مندرجہ ذیل خصوصیات سے لیس ہوگی:

اسٹارٹ/اسٹاپ بٹن

اسمارٹ انٹری

ٹچ اسکرین ملٹی میڈیا وغیرہ

ڈجیٹل کلائمٹ کنٹرول

Rush exclusive spy shots by pakwheels1

مزید برآں، یہ گاڑی مختلف رنگوں میں دستیاب ہوگی۔

ٹویوٹا رش 2018ء مارکیٹ میں ہونڈا ویزل/HR-V اور سوزوکی وٹارا کی براہ راست مقابل ہوگی۔

تو کیا آپ آنے والی ٹویوٹا رش 2018ء کے لیے تیار ہیں؟ PakWheels.com پر آتے رہیے ہم ایک تفصیلی جائزہ پیش کریں گے۔


Top