ایکوا پلاننگ – موسم برسات میں ڈرائیوروں کا بدترین دشمن

hydroplaning-tire-in-water

کیا آپ ایک گیلی سڑک پر ڈرائیونگ کے دوران ایک سیکنڈ یا اس سے زیادہ وقت کے لیے کبھی پھسلے ہیں؟ اگرچہ آپ نے پورا کنٹرول نہیں کھویا تب بھی آپ نے ’ایکوا پلاننگ‘ کا تجربہ کر لیا ہے۔

aquaplaning1

ہم میں سے بہت سے لوگ روزانہ ڈرائیو کرتے ہیں اور ہر روز ہم سب کو سیکھنے کے لیے ایک نئی چیز ملتی ہے۔ تو اس آرٹیکل میں میں ایکوا پلاننگ اور ہائڈرو پلاننگ پر بات کروں گا۔

ایکوا پلاننگ کیا ہے؟

ایکوا پلاننگ یا ہائڈرو پلاننگ کی اصطلاح عموماً گیلی سطح پر گاڑی کے ٹائروں کے پھسلنے کے لیے استعمال کی جاتی ہے۔ ہائڈرو پلاننگ اس وقت ہوتی ہے جب گاڑی اپنے حجم کی وجہ سے بکھیرے جانے والے سے زیادہ پانی سے ٹکراتی ہے۔  ٹائروں کی بناوٹ ایسی ہوتی ہے کہ وہ سینٹری فیوگل فورس کا استعمال کرتے ہوئے پانی کو اپنے تھریڈز میں سے گزارتے ہیں۔ جس کے نتیجے میں پانی ٹائروں کے نیچے جاتا ہے اور سڑک سے الگ ہونے پر پانی کی ایک بہت باریک تہہ بناتا ہے، اگر آپ کی گاڑی تیز رفتاری سے گزر رہی ہے تو وہ پانی کو ٹائروں کے ساتھ لے جاتی ہے جس کے نتیجے میں باقی پانی پریشر کے ساتھ آپس میں ملتا ہے جس کی وجہ سے ہمارا بریک اور سٹئیرنگ پر سے کنٹرول ختم ہوجاتا ہے جس کو دوسرے لفظوں میں آپ آؤٹ آف کنٹرول کہہ سکتے ہیں۔ ایکواپلاننگ کے دوران آپ کی گاڑی پانی پر بالکل اسی طرح چلتی ہے جیسے ایک واٹر سکائر جھیل میں چلتا ہے۔

hydroplane

ربڑ کے ٹائروں میں تھریڈ ہوتے ہیں اور یہ اس طرح سے بنائے جاتے ہیں کہ ان میں پانی نہ رک سکے درحقیقت یہ پانی کو تیزی سے خود میں سے گزارتے ہیں تا کہ زیادہ سے زیادہ سڑک پر پکڑ برقرار رکھی جاسکے۔ عام طور پر ایکوا پلاننگ 55 کلومیٹر فی گھنٹہ کی رفتار سے زیادہ پر ہوتی ہے پر یہ بات اپنے زہن میں رکھیں کہ یہ اس سے کم رفتار پر بھی ہوسکتی ہے اگر آپ کے ٹائر پرانے یا گھٹیا کوالٹی کے ہوں۔

ایکوا پلاننگ کب ہوتی ہے؟

بہت سے محرکات مل کر آپ کو خطرے کی حالت میں ڈالتے ہیں۔ ہم مزید وضاحت کے لیے ان تمام محرکات کو ایک ایک کر کے بیان کرتے ہیں۔

ہلکی بارش

تیز بارش

گاڑی کی رفتار

ٹائروں کی حالت

پانی کی گہرائی

10dsc_2181

ہلکی بارش: ایکوا پلاننگ کسی بھی گیلی سڑک پر ہوسکتی ہے۔ تاہم ہلکی بارش کے پہلے 10 منٹ سب سے زیادہ خطرناک ہوتے ہیں اور اس موقع پر ایکوا پلاننگ کا خطرہ سب سے زیادہ ہوتا ہے۔ اس کی وجہ یہ ہے کہ جب ہلکی بارش سڑک میں استعمال ہونے والے آئل سے ملتی ہے تو ایک چکنی سطح بناتی ہے جو انتہائی خطرناک ہوتی ہے خصوصی طور پر اگر آپ 55 کلومیٹر فی گھنٹہ کی رفتار سے زیادہ پر جارہے ہوں۔

تیز بارش:

10dsc_2181

ہائڈرو پلاننگ اس وقت ہوسکتی ہے جب تیز بارش ہورہی ہو اور آپ کی گاڑی تیز رفتاری سے جارہی ہو اور پانی آپ کی گاڑی کے ٹائروں کو کاٹ رہا ہو۔ سڑک پر موجود پانی تیزی سے آپ کی گاڑی کے اگلے ٹائروں پر آجاتا ہے اور وہ آپ کی گاڑی کو پیچھے کی جانب دھکیلتا ہے جس سے ایکوا پلاننگ ہوتی ہے۔

تیز رفتاری:

high-speed-speedometer

تیز رفتاری سب سے اہم محرک ہے جس کی وجہ سے ایکوا پلاننگ ہوتی ہے چونکہ تیز رفتار گاڑی کے سٹئیرنگ پر ڈرائیور بہت جلدی اپنا کنٹرول کھو سکتا ہے۔ گیلی یا پھسلنے والی سطح پر اچانک بریک لگانے سے ایکوا پلاننگ ہوتی ہے۔ مختصر یہ کہ گاڑی کی رفتار جتنی زیادہ ہوگی اس کی سڑک پر پکڑ اتنی ہی کم ہوگی۔

ٹائروں کی حالت:

tire-tread

آپ کی گاڑی کو ہائڈرو پلاننگ سے بچانے کے لیے ٹائر اہم کردار ادا کرتے ہیں۔ ٹائر کے تھریڈ اس طرح سے بنائے جاتے ہیں کہ جب وہ پانی پر آئیں تو وہ پانی کو اپنے تھریڈز میں سے گزار دیں۔ اگر ٹائر پرانے ہوں اور ان کے تھریڈ ختم ہوچکے ہوں جیسا کہ اوپر تصویر میں دکھایا گیا ہے تو ان ٹائروں کا مقصد فوت ہوجاتا ہے چونکہ ایسے ٹائروں کی سڑک پر گرفت کمزور پڑ جاتی ہے جس کے نتیجے میں ایکوا پلاننگ ہوتی ہے۔

پانی کی گہرائی: یہ ایک انتہائی اہم محرک ہے جو آپ کی گاڑی کو ایکوا پلاننگ کی حالت میں ڈال سکتا ہے۔ پانی جتنا گہرا ہوگا آپ اتنی ہی جلدی سڑک پر پکڑ کھو دیں گے۔ حتیٰ کہ ایسی حالت میں کم رفتار پر بھی آپ کی گاڑی پکڑ چھوڑ سکتی ہے جس سے وہ ایکوا پلاننگ کی حالت میں چلی جاتی ہے۔

ایکوا پلاننگ سے کیسے بچا جائے؟

سب سے پہلی بات یہ ہے کہ آپ کو کیسے پتہ چلے گا کہ آپ کی گاڑی ایکوا پلاننگ میں سے گزر رہی ہے؟ اصل میں یہ بتانا بہت مشکل ہے کہ ایکوا پلاننگ کے دوران آپ کیسا محسوس کریں گے۔ لیکن میں آپ کو یہاں کچھ اہم نشانیاں بتاتا ہوں۔

آپ کو گاڑی کا پچھلا حصہ ہلکا محسوس ہوگا اور آپ کو ایسا لگے گا جیسے گاڑی دائیں یا بائیں جانب پھسل رہی ہے۔

آپ کی گاڑی کا سٹیئرنگ پہلے کی نسبت کافی ہلکا ہوجائے گا۔

چند تجاویز:

ایکوا پلاننگ کے دوران کبھی بھی بریک کا استعمال نہ کریں جس کی وجہ سے آپ فوری طور پر پھسل سکتے ہیں اور آپ اپنی گاڑی سے مکمل کنٹرول گنوا بیٹھیں گے۔

اس حالت میں گاڑی کو نہ موڑیں، سٹئیرنگ کو مظبوطی سے پکڑلیں اور گاڑی کو بالکل سیدھا چلانے کی کوشش کریں۔

جیسے ہی آپ کو پتہ چلے کہ آپ کی گاڑی ایکوا پلاننگ کی حالت میں ہے تو فوری طور پر ایکسلیٹر سے اپنا پاؤں ہٹا لیں جس سے آپ کی گاڑی آہستہ ہونا شروع ہو جائے گی۔

اپنی گاڑی کا گئیر کم نہ کریں بلکہ یہ جس گئیر میں چل رہی ہے اسے اسی میں چلنے دیں۔ مثال کے طور پر آپ پانچویں گئیر میں چل رہے ہیں اور ایکوا پلاننگ کے دوران آپ رفتار کم کرنے کے لیے تیسرے گیئر میں آتے ہیں تو یہ بالکل ویسے ہی کام کرے گا جیسے بریک کام کرتی ہے اور اس کی وجہ سے آپ اپنی گاڑی پر سے مکمل کنٹرول کھو سکتے ہیں۔

اگر آپ اس طرح کی حالت میں ہیں اور آپ کو ہر حال میں بریک کا استعمال کرنا ہے تو بہت آہستہ سے جھٹکوں میں بریک لگائیں۔ (یہ طریقہ نان اے بی ایس گاڑیوں کے لیے ہے)

گیلے اور پتھریلے راستے نئے ڈرائیوروں کو بہت جلد ایکوا پلاننگ کی حالت میں لے جاتے ہیں تو اس لیے یہ انتہائی اہم ہے کہ آپ اپنی رفتار کم رکھیں اور گیئر کا مناسب استعمال کریں۔

ایکوا پلاننگ کے لیے بہترین ٹائروں کا انتخاب

car-tyre

جیسا کہ آپ سب جانتے ہیں کہ آپ کی گاڑی کی ڈرائیو میں ٹائر ایک بہت اہم کردار ادا کرتے ہیں۔ خواہ یہ ڈرائیونگ کمفرٹ ہو یا سڑک پر بہترین گرفت چاہیے ہو، برانڈڈ ٹائر آپ کی تمام ضروریات پوری کرتے ہیں۔ تمام ٹائر مینوفیکچرر تمام حالات کو زہن میں رکھتے ہوئے ٹائروں کا ڈیزائن بناتے ہیں۔ اپنے مضمون کو ایکوا پلاننگ تک ہی محدود رکھتے ہوئے میں آپ کو بتاتا ہوں کہ ٹائر کیسے منتخب کریں:

جن پر اچھا تھریڈ پیٹرن ہو۔

جن کے تھریڈ کی گہرائی کم از کم 3 ملی میٹر سے 4 ملی میٹر تک ہو، کیونکہ گہرے تھریڈ گاڑی کی سڑک پر پکڑ مظبوط رکھتے ہیں اور یہ گہرے تھریڈ آسانی سے پانی کو باہر نکال سکتے ہیں جس سے آپ کی گاڑی کا توازن برقرار رہتا ہے اور ایکوا پلاننگ کا رسک کم ہو جاتا ہے۔

ایکوا پلاننگ کے بارے میں مزید وضاحت کے لیے اوپر دی گئی ویڈیو ضرور دیکھیں۔

Muhammad Awais

An intellectual mind, Currently associated with Engro Corp, who intends to bring a positive change in Automobile industry with his opinions and favorable criticism.

Top