اٹلس ہونڈا کا منافع 15 فیصد کمی کے بعد 1.941 ارب روپے ہو گیا


30 ستمبر 2018ء کو مکمل ہونے والی ششماہی میں پاکستان کے نمایاں ترین موٹر سائيکل ساز ادارے اٹلس ہونڈا کا منافع 15 فیصد کم ہوا ہے۔

پاکستان اسٹاک ایکسچینج (PSX) کو بھیجے گئے نوٹس میں ادارے نے بتایا کہ اس کا خالص منافع 30 ستمبر  2018ء کو مکمل ہونے والی ششماہی میں 15 فیصد گھٹ کر 1.941 ارب روپے رہ گیا ہے جبکہ دوسری جانب گزشتہ سال کے اسی عرصے میں یہ منافع 2.241 ارب روپے تھا۔

مزید برآں، ادارے کی خالص فروخت میں 12 فیصد اضافہ ہوا جبکہ کل منافع میں 7 فیصد کمی آئی۔ پہلی ششماہی میں ادارے کا خالص منافع ہی کم نہیں ہوا بلکہ مالی سال 2019ء کے لیے سہ ماہی منافع میں بھی 52.8 فیصد کی زبردست کمی آئی ہے جو 746.857 ملین روپے رہ گیا ہے۔ مزید برآں کمپنی کی فی حصص آمدنی بھی 21.68 روپے سے گھٹ کر 18.77 روپے رہ گئی ہے۔

ادارے نے گزشتہ تین ماہ میں 266,029 موٹر سائیکل یونٹ فروخت کیے ہیں۔

اس مقامی موٹر سائیکل ساز کے علاوہ گاڑیاں بنانے والوں نے بھی اپنا خالص منافع پیش کردیا ہے۔ پاک سوزوکی کا منافع 30 ستمبر 2018ء کو مکمل ہونے والی سہ ماہی میں 91 فیصد کمی کے بعد 95 ملین روپے رہ گیا ہے۔ ٹویوٹا IMC کا خالص منافع 3 فیصد کمی کے بعد 3.5 ارب روپے ہے۔

مزید برآں، آئل اینڈ گیس ڈیولپمنٹ اتھارٹی (OGDCL) نے بھی اپنا خالص منافع پیش کردیا ہے جس کے مطابق کمپنی کا خالص منافع 57 فیصد اضافے کے بعد 26.73 ارب روپے ہو گیا ہے۔ منافع میں تمام تر کمی کے باوجود قبل ازیں اٹلس ہونڈا نے اپنی موٹر سائیکل کی قیمتوں میں 4,000 روپے تک کا اضافہ کیا تھا۔ نئے نرخ یہ ہیں:

ہونڈا موٹر سائیکلیں

پرانی قیمتیں نئی قیمتیں

فرق

ہونڈا CD-70 65,500 65,900 400
ہونڈاCD-70ڈریم 68,900 69,900 1,000
ہونڈاپرائیڈر 90,900 91,400 500
ہونڈاCG-125 110,900 کوئی تبدیلی نہیں کوئی تبدیلی نہیں
CB-150F 172,000 176,000 4,000
CB-250F 640,000 کوئی تبدیلی نہیں کوئی تبدیلی نہیں

ہماری طرف سے اتنا ہی، اپنے خیالات نیچے تبصروں میں پیش کیجیے۔


My name is M. Ali Laghari and I love to read and write about Cars.

Top