آوڈی A5 اور آوڈی S5 کا ماڈل 2017؛ بہتر انداز اور سُبک رفتار!

2017-audi-a5-(7)

جرمن کار ساز ادارے آوڈی (Audi) نے اپنی دو سیڈان گاڑیوں A5 اور S5 کے 2017 ماڈلز کو پہلے سے بہتر روپ میں پیش کردیا ہے۔ گو کہ دونوں ہی گاڑیاں مجموعی طور پر پرانے ماڈلز سے ملتی جلتی معلوم ہوتی ہیں لیکن ان کے ظاہری حصے کو کو پہلے سے بہتر اور پرکشش بنایا گیا ہے۔ اس سے قبل آوڈی نے A4 اور S4 کو بھی ظاہری انداز میں معمولی تبدیلیوں کے ساتھ پیش کیا تھا۔

نئی A5 میں وہی پیٹرول اور ڈیزل انجن شامل کیے گئے ہیں جو آوڈی A4 کے بیسک ماڈل کا حصہ ہیں۔ گو کہ آوڈی نے ابھی تک A5 انجن کی اہلیت سے متعلق معلومات فراہم نہیں کیں تاہم توقع یہی ہے کہ دونوں مذکورہ گاڑیوں کے انجن کی قوت و رفتار میں بھی یکساں ہوں گے۔ یاد رہے کہ A4 میں انجن کی قوت کو 220 ہارس پاور سے بڑھا کر 258 ہارس پاور کی گئی تھی۔ آوڈی A5 کا بیسک ماڈل 2000cc ٹربوچارجڈ 4-سلینڈر انجن کے پیش کیا جارہا ہے۔

یہ بھی پڑھیں: آوڈی پاکستان میں گاڑیوں کی تیاری پر غور کرے گا

دوسری جانب S4 کے مقابلے میں S5 کو زیادہ طاقتور انجن سے لیس کیا گیا ہے۔ آوڈی S4 سیڈان کو 3000cc سُپر چارجڈ V6 انجن کے ساتھ پیش کیا گیا ہے جو 333 ہارس پاور اور 325 فٹ پاؤنڈ ٹارک فراہم کرنے کی سکت رکھتا ہے۔ جبکہ آوڈی S5 میں یہی انجن 354 ہارس پاور فراہم کرسکتا ہے۔ انجن کی قوت میں اضافہ سے اب S5 صرف 4.7 سیکنڈز میں 0 سے 62 میل فی گھنٹہ کی رفتار حاصل کر سکتی ہیں۔ یہ رفتار گزشتہ ماڈل کے مقابلے میں 0.2 سیکنڈ زیادہ ہے۔

آوڈی A5 کو 6-اسپیڈ مینوئل اور 7-اسپیڈ ڈیول کلچ ٹرانسمیشن کے ساتھ پیش کیا جائے گا۔ نئی 2017 آوڈی A5 یورپی مارکیٹ میں سال 2016 کی تیسری سہہ ماہی جبکہ امریکا میں سال 2017 کی پہلی سہہ ماہی میں فروخت کے لیے پیش کی جائے گی۔

Top