پاکستان میں بینیلی اور کیوے موٹرسائیکلیں متعارف کروا دی گئیں

Benelli Keeway Feature

رواں سال کے آغاز سے ہی پاکستان میں بینیلی اور کیوے موٹر سائیکلوں کی آمد سے متعلق خبریں گردش کر رہیں تھیں۔ اگر آپ بھی ان موٹر سائیکل کے شوقین افراد میں سے ہیں کہ جو نئی بائیکس کے منتظر تھے تو جناب اب مزید انتظار کی قطعاً ضرورت نہیں کیوں کہ براق آٹو موبائل کی جانب سے بینیلی اور کیوے موٹرسائیکلیں پاکستان میں پیش کردی گئی ہیں۔ ان موٹرسائیکلوں کی تعارفی تقریب لاہور کے فلاتی ہوٹل میں منعقد ہوئی۔ اطالیہ کی موٹر سائیکل بنانے والی کمپنی بینیلی اور ہنگری کی موٹرسائیکل برانڈ کیوے دونوں ہی چینی ادارے چیانجیانگ موٹرز کے تحت کام کر رہے ہیں۔

پاکستان میں بینیلی اور کیوے موٹر سائیکلیں براق آٹو موبائل اور چیانجیانگ موٹرز کے باہمی اشتراک سے پیش کی جا رہی ہیں۔ بینیلی کی پیش کردہ TNT 25 میں 1-سلنڈر، 4-اسٹروک، 250cc انجن لگایا گیا ہے۔ یہ انجن 6-اسپیڈ گیئر کے ساتھ 9000 آر پی ایم پر 25 ہارس پاور اور 7000 آر پی ای پر 21.5 نیوٹن میٹر ٹارک فراہم کرنے کی اہلیت رکھتا ہے۔ اس کے علاوہ بینیلی TNT 25 میں برقی اگنیشن کے ساتھ آگے اور پیچھے ڈِسک بریکس بھی شامل ہیں۔ اسے 4 لاکھ 55 ہزار روپے کی قیمت میں سیاہ اور سرخ رنگوں میں پیش کیا جائے گا۔ پاکستان میں اس کا براہ راست مقابلہ سوزوکی انزوما (Suzuki Inzuma) سے ہوگا جس کی قیمت بینیلی TNT 25 سے ڈھائی لاکھ روپے زیادہ ہے۔

یہ بھی پڑھیں: پاک سوزوکی موٹر سائیکل اور ویگن آر کی قیمتوں میں اضافہ

کیوے کی جانب سے بھی 2 موٹر سائیکلیں RKS150 اسپورٹ (CG) اور RKS150 اسپورٹ (GS) متعارف کروائی گئی ہیں۔ ان دونوں ہی موٹر سائیکلوں میں 1 –سلینڈر 4-اسٹروک 150cc انجن لگایا گیا ہے۔ دونوں موٹر سائیکلوں مین بنیادی فرق انجن کی اہلیت کا ہے۔ کیوے کے مطابق GS کا انجن 11 بریک ہارس پاور جبکہ CG کا انجن 10 بریک ہارس پاور فراہم کرنے کی اہلیت رکھتا ہے۔ اس کے علاوہ کیوے کا یہ بھی کہنا ہے کہ GS ماڈل کی مائلیج 35-40 کلومیٹر فی لیٹر ہے جبکہ CG کی مائلیج 30-35 کلومیٹر فی لیٹر ہے۔ دونوں ہی موٹر سائیکلوں میں 5-اسپیڈ گیئر کے ساتھ برقی اور کِک اسٹارٹ سہولت بھی شامل ہیں۔ ان موٹر سائیکلوں میں آگے ڈِسک بریکس جبکہ پیچھے ڈرم بریکس لگائے جائیں گے۔ GS اور CG دونوں ہی کو نیلے، سیاہ اور سرخ رنگ میں پیش کیا جائے گا۔ کیوے نے GS کی قیمت 1 لاکھ 99 ہزار جبکہ CG کی قیمت 1 لاکھ 89 ہزار روپے رکھی ہے۔

popup1-1

بینیلی TNT 25

Benelli TNT 25 launch Benelli TNT 25 launch Benelli TNT 25 launch Benelli TNT 25 launch Teaser Benelli TNT 25 TNT 25

Benelli Specifications Benelli Specs Benelli Specifications

کیوے RKS150 اسپورٹ

Keeway RKS150sport 4 Keeway RKS150sport 8 Keeway RKS150sport 3 Keeway RKS150sport 7 Keeway RKS150sport 5

Keeway RKS150sport 2Keeway RKS150sport 1Keeway RKS150sport

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

Top