بائیک ڈیٹیلنگ – پاکستان میں ایک ابھرتا ہوا رحجان

Bike Detailing

بائیک کلیننگ مختلف افراد کے لیے مختلف ہوتی ہے۔ چند کے لیے بائیک کلیننگ کا مطلب ہے اسے دھونا اور دوسروں کے لیے یہ گاڑی دھونے جیسا ہے؛ یعنی موٹر سائیکل کے ہر پرزے کو اچھی طرح صاف کرنا۔

بائیک ڈیٹیلنگ ایسا طریقہ ہے جس میں آپ کو موٹر سائيکل کے ہر کونے کھدرے تک پہنچنے اور چھوٹے ترین پرزے کی صفائی کی بھی ضرورت ہوتی ہے، جس کے لیے خاص طور پر تیار کردہ برش، ڈی گریزرز اور پالشیں آتی ہیں۔ موٹر سائیکل کو اتنی گہرائی میں صاف کرنے کی ضرورت کیوں پیش آتی ہے، کیونکہ اس کا ہر پرزہ، تار اور یہاں تک کہ سیٹ بھی باہر ہوتی ہے، گاڑی کے مقابلے میں کہ جس کا بیشتر حصہ کیبن یا بونٹ کے اندر ہوتا ہے۔

41308626_295758217683061_2505412822150676480_n

بائیک ڈیٹیلنگ کا تصور مغرب میں عام جبکہ پاکستان میں بہت ہی کم ہے۔ ہمارے ملک میں عوام سمجھتے ہیں کہ موٹر سائیکل کو باہر بارش میں چھوڑ دیں تو وہ صاف ہو جاتی ہے، جس کی وجہ سے ہمارے ہاں سروس اسٹیشنز نہیں ہیں، بالخصوص موٹر سائیکل کے۔

تو اگر آپ بھی انہی موٹر سائيکل مالکان میں سے ایک ہے جو بائیک کی ہمہ وقت صفائی ستھرائی پر زیادہ یقین نہیں رکھتے تو ان کے لیے ایک اور حل ہے؛ کوٹنگ۔

کوٹنگ کی دو اقسام ہیں: گلاس اور سیرامک کوٹنگ، جو بائیک ڈیٹیلنگ میں شامل ہیں۔

گلاس کوٹنگ موٹر سائیکل کی بالائی سطح کو آکسیڈیشن، الٹرا وائلٹ شعاعوں اور کیمیائی مادوں سے محفوظ رکھنے کے لیے کی جاتی ہے۔ یہ موٹر سائیکل کو خراشوں سے محفوظ رکھنے میں بھی مدد دیتی ہے یوں اسے بہتر حالت میں رکھنا آسان ہو جاتا ہے۔

دوسری جانب سیرامک کوٹنگ گاڑی کے اصل رنگ کے ساتھ کیمیائی بونڈ بناتی ہے اور ایک حفاظتی سطح قائم کرتی ہے۔

بائیکرز کی مارکیٹ ضرورت کو سمجھتے اور ان میں شعور اجاگر کرنے کے لیے ایک خصوصی بائیک ڈیٹیلنگ سینٹر – بائیک ڈاکٹرز – کراچی میں شروع ہوا ہے جس کا مقصد موٹر سائیکلوں کو خوبصورت شکل و صورت دینا اور ساتھ ہی موٹر سائیکل کی ہر پہلو سے دیکھ بھال کرنا ہے۔

یہ دانش خواجہ اور اجمل مغل کا منصوبہ ہے جو پرجوش بائیک رائیڈرز ہیں اور بائیک ڈیٹیلنگ کے ماہرین تک رسائی میں مشکلات سے دوچار ہوئے۔ اس لیے انہوں نے ایک ٹیم تشکیل دی، SAC اور ڈیٹیل پرو سے تربیت حاصل کی اور اب کراچی میں موٹر سائیکل مالکان کو زبردست خدمات فراہم کر رہے ہیں۔

اپنے تجربے کے ساتھ وہ ابھی گلاس کوٹنگ پیش کر رہے ہیں۔ عام موٹر سائیکلوں سے لے کر ایڈونچر اور کلاسکس تک، بائیک ڈاکٹرز ہر موٹر سائیکل برانڈ پر کام کرتے ہیں۔ ان کے پیکیجز 800 روپے سے شروع ہوکر 4000 روپے تک جاتے ہیں، جن کا انحصار آپ کے ‘ڈیٹیلنگ’ کے انتخاب پر ہے۔ اس وقت پیکیجز میں پریمیئم ڈیٹیل، ویکس اینڈ واش، ایکسپریس واش اور رسٹ ریموول شامل ہیں۔

یہ حقیقت ہے کہ لوگ بائیک ڈیٹیلنگ کو ضرورت نہیں بلکہ عیاشی سمجھتے ہیں البتہ موٹر سائیکلوں کو مہینے میں کم از کم دو مرتبہ اچھی طرح صفائی کی ضرورت ہوتی ہے۔ اس لیے اگر آپ کے پاس ایک موٹر سائیکل ہے اور آپ اسے بالکل چمکا دمکا کر نیا بنوانا چاہتے ہیں تو اسے بائیک ڈیٹیلنگ کے ان ماہرین کے ذریعے کروائیں۔

کار اور موٹر سائیکل کی دیکھ بھال کے حوالے سے مزید ٹپس کے لیے ہمارے بلاگ پر آتے رہیے۔


Top