موٹر سائیکلوں کی فروخت میں اکتوبر 2018ء میں مسلسل دوسرے ماہ اضافہ


پاکستان آٹوموٹو مینوفیکچررز ایسوسی ایشن (PAMA) کے فراہم کردہ اعداد و شمار کے مطباق اکتوبر 2018ء کے مہینے میں موٹر سائیکل صنعت نے فروخت میں یکدم اضافہ دیکھا۔

تفصیلات کے مطابق سال بہ سال میں (اکتوبر 2017ء سے اکتوبر 2018ء)، موٹر سائیکلوں کی فروخت میں 14 فیصد اضافہ ہوا۔ اٹلس ہونڈا نے اکتوبر 2018ء میں 107,669 موٹر سائیکل یونٹس فروخت کیے، جو سال بہ سال میں 16 فیصد زیادہ ہیں۔ گزشتہ سال کے اسی عرصے میں اس نے 92,207 موٹر سائیکلیں فروخت کی تھیں۔ مزید برآں، سال بہ سال اضافے سے ہٹ کر، ماہ بہ ماہ فروخت بھی 12 فیصد بڑھ گئی۔ ادارے نے ستمبر 2018ء میں 96,008 موٹر سائیکلیں فروخت کیں۔ حال ہی میں ہونڈا پاکستان نے اپنے صارفین کے لیے 2019ء ہونڈا CD 70 اور CD 70 ڈریم کا بھی اجراء کیا۔

پاک سوزوکی کو دیکھیں تو کمپنی نے اکتوبر 2018ء میں 2,305 موٹر سائیکل یونٹس پیش کیے اور گزشتہ سال کے اسی عرصے میں یہ 1,761 تھے۔ یہ سال بہ سال میں 30 فیصد اضافہ ہے۔ مزید برآں، ماہ بہ ماہ میں بھی 12 فیصد اضافہ ملا ہے۔ یونائیٹڈ آٹوز نے اکتوبر 2018ء میں 41,308 موٹر سائیکلیں فروخت کی جائیں گی جبکہ 2017ء میں 37,951 تھیں۔ یعنی فروخت میں 8 فیصد اضافہ ہوا۔

آگے بڑھیں تو یاماہا اور روڈ پرنس نے مذکورہ مہینے میں 2,121 موٹر سائیکلیں بیچیں، جو سال بہ سال میں 20 اور ماہ بہ ماہ میں 5 فیصد اضافہ ہے۔ واضح رہے کہ اکتوبر 2018ء میں فروخت ہونے والی کل موٹر سائیکلوں کی تعداد 1,53,403 ہے۔ روپے کی قدر میں کمی کی وجہ سے متعدد بار قیمتوں میں اضافے کے باوجود موٹر سائیکلوں کی فروخت میں اضافہ ملک میں موٹر سائیکلوں کی بڑھتی ہوئی طلب کو ظاہر کرتا ہے۔

اس بارے میں اپنی رائے ہمیں نیچے تبصروں میں دیجیے۔


My name is M. Ali Laghari and I love to read and write about Cars.

Top