بی ایم ڈبلیو M2: گاڑیوں کے شوقین افراد کا دل جیتنے آگئی

2016-bmw-m2-01-1

بی ایم ڈبلیو سیریز 2 کے بعد گاڑیوں کے شوقین افراد کسی ایسی گاڑی کے منتظر تھے کہ جو یادگار 1M کوپ کے سحر کو تازہ کرسکے اور ایسا محسوس ہوتا ہے کہ بی ایم ڈبلیو نے اپنے مداحوں کی اس خواہش پر عمل کرتے ہوئے بی ایم ڈبلیو M2 پیش کر دی ہے۔ پہلی نظر میں شاید آپ اسے عام سی M235i سمجھیں لیکن حقیقت یہ ہے کہ اس گاڑی کی قابلیت آپ کی سوچ سے کہیں زیادہ ہے۔ بی ایم ڈبلیو گاڑیوں میں مزید بہتری لانے کے لیے وقف خصوصی شعبے نے اس گاڑی کو تیار کیا ہے۔ وہ کیسے؟ آئیے اس کا جائزہ لیتے ہیں۔

بی ایم ڈبلیو M2 میں 3 ہزار سی سی کے جڑوایں ٹربو چارجڈ انجن لگائے گئے ہیں جو 365 ہارس پاور پیدا کرتے ہیں۔ شاندار اور جدید مشینری کے باعث یہ گاڑی صرف 4.4 سیکنڈز میں 0 سے 100 کلومیٹر فی گھنٹہ کی رفتار کو چھو سکتی ہے لیکن اگر آپ دہرے کلچ کی خود کار ٹرانسمیشن کا انتخاب کریں تو یہ رفتار بڑھ کر 4.2 سیکنڈز بھی ہوسکتی ہے۔اس گاڑی کی زیادہ سے زیادہ رفتار 240 کلومیٹر فی گھنٹہ ہے۔

اپنے نئے لباس کی وجہ سے M2 کا اگلا حصہ 2.1 انچ چوڑا ہوگیا ہے جبکہ پیچھے کی طرف سے 3.1 انچ وسیع ہوگیا ہے۔ اس کے لیے 19 انچ میچلن پائلٹ اسپورٹس ٹائرز تیار کیے گئے ہیں۔ مجموعی طور پر اس کا انداز زبردست اسپورٹس کار جیسا ہے جو M3 سے لے کر M7 تک کی فہرست میں پروقار انداز سے کھڑی ہوسکتی ہے۔ یہ گاڑی 2016 کے موسم بہار میں پیش کی جائے گی البتہ اس کی قیمت کے حوالے سے کوئی معلومات فی الحال دستیاب نہیں ہیں۔

Top