BMW X1 – کراچی کے بعد اب لاہور بھی آیا چاہتی ہے!

BMW X1 in Pakistan

پاکستان میں نئی گاڑیوں کی آمد شاذ و نادر ہی نظر آتی ہے اور یہی وجہ ہے کہ لوگ ہر گاڑی کی آمد جوش و خروش سے مناتے ہیں۔ ہمارے درمیان گاڑیوں کے شوقین ایسے افراد بھی موجود ہیں کہ جو صرف معلومات کی حد تک گاڑی میں دلچسپی نہیں لیتے بلکہ بذات خود متعلقہ ڈیلرشپس اور شوروم پر جا کر بغور معائنہ بھی کرتے ہیں۔ اب چونکہ مشہور و معروف جرمن ادارے کی قدرے کم قیمت گاڑی پاکستان میں متعارف کروائی گئی ہے لہٰذا عوام الناس میں ایک بار پھر وہی گرمجوشی نظر آرہی ہے کہ جو کچھ ماہ قبل نئی ہونڈا سِوک (Civic) کی پیشکش کے وقت دیکھی جارہی تھی۔

گزشتہ ہفتہ پیش کی جانے والی BMW X1 پہلے ہی کافی شہرت حاصل کرچکی ہے اور ہر گزرتے دن کے ساتھ لوگوں کے اندر اس گاڑی کو دیکھنے کا شوق بڑھتا جارہا ہے۔دیوان موٹرز کی جانب سے اس گاڑی کو کراچی میں چند روز قبل پیش کیا جاچکا ہے۔ اب دیان موٹرز اس گاڑی کے ہمراہ زندہ دلان لاہور کا رخ کر رہی ہے جہاں اسے جمعہ 23 ستمبر 2016 کو ڈیوس روڈ پر موجود شوروم پر دکھایا جائے گا۔

یہ بھی پڑھیں: پاکستان میں BMW X1 حاصل کرنے کا مکمل طریقہ

جرمنی سے اپنے تعلق اور بے شمار خصوصیات کی وجہ سے مشہور ہونے والی BMW X1 کی دستیاب تفصیلات سے لگتا ہے کہ یہ گاڑی بہت سے خریداروں کو اپنی طرف کھینچنے میں کامیاب ہوجائے گی۔ اب دیکھنا یہ ہے کہ کراچی میں زبردستی پزیرائی حاصل کرنے والی اس گاڑی کو لاہوری شائقین کس طرح خوش آمدید کہتے ہیں۔ ہمارے ذرائع کے مطابق لاہور میں X1 کا سادہ ماڈل ہی عوام کو دکھایا جائے گا جس کی قیمت 39,99,000 لاکھ روپےرکھی گئی ہے۔

تو پھر آپ BMW X1 کا استقبال کرنے کے لیے تیار ہیں؟

  • German Ab

    bye bye high priced used vezel.

Top