بالی ووڈ ستاروں کی پر تعیش اور مہنگی گاڑیاں

sunnyleone-maseratti - feature

اداکار چاہے ہالی ووڈ کا ہو یا بالی ووڈ کا، ان کے شوق جہاں منفرد ہوتے ہیں وہیں بہت مہنگے بھی ہوتے ہیں اور انہی میں سے ایک گاڑیوں کا بھی پرتعیش گاڑیوں کا بھی شوق ہے۔ ذیل میں ان گاڑیوں کی تفصیلات اور تصاویر موجود ہیں جو بالی ووڈ ستاروں کے زیر استعمال رہی ہیں۔ ان گاڑیوں میں سے چند نایاب سمجھی جاتی ہیں اور شاذ و نادر ہی سڑکوں پر نظر آتی ہیں۔

عامر خان
اپنی منفرد فلموں سے بھارتی پرستاروں کا دل جیتنے والے عامر خان کے پاس رولز رائس فینٹم، بینٹلی کونٹی نینٹل، بی ایم ڈبلیو 6 سیریز اور ایک رینج روور SUV ہے۔

امیتابھ بچن
بھاری بھرکم آواز اور لمبے قد کے حامل دنیائے فلم کے منفرد ہیرو ‘Big B’کے پاس رولز رائس فینٹم، بی ایم ڈبلیو 760 ایل آئی، مرسڈیز، پورشے کے من اور ایک بینٹلی کے علاوہ بھی چند گاڑیاں ہیں۔

اجے دیوگن
ایکشن و مزاحیہ فلموں کی وجہ سے مشہور اجے دیوگن کے پاس بھارت کی پہلی مزيراتی كواٹروبرٹی ہے۔ اس کے علاوہ بی ایم ڈبلیو Z4 اور ہیونڈائی i20 بھی رکھتے ہیں۔

ریتھک روشن
بھارتی فلموں کے ‘بالی ووڈ’ یعنی ممبئی سے تعلق رکھنے والی ریتھک روشن متعدد گاڑیوں کے مالک ہیں جن میں مرسڈیز S500 اور جاگوار XJ بھی شامل ہیں۔

عمران خان
ابھرتے ہوئے نوجوان اداکار عمران خان کے پاس ایک پورشے کین، ایک بی ایم ڈبلیو 3 سیریز اور فراری کیلی فورنیا ہے۔

جان ابراہم
ماڈلنگ کے ذریعے اداکاری کا رخ کرنے والے ایبریہم کے پاس ماروتی گپسی، سیاہ لیمبورگینی، ایک آڈی Q7 اور یاماہا VMax ہے۔

کنگنا راناوت
ہما چل پردیش سے تعلق رکھنی والی معروف ہیروئن کنگنا راناوت کے پاس بی ایم ڈبلیو 7 سیریز ہے۔

کرینہ کپور
ماضی کے معروف اداکار رندھیر کپور کی صاحبزادی اور دور حاضر کے معروف اداکاروں میں سے ایک سیف علی خان کی اہلیہ کرینہ کپور خان کے پاس ایک لینڈ روور ویگیو، ایک لیکسز LX470 اور ایک مرسڈیز – بینز S- کلاس ہے۔

پریانکا چوپڑا
بھارت کی خوبصورت ترین خاتون کا اعزاز پانے والی اداکارہ پریانکا چوپڑا کے پاس ایک پورشے کین اور ایک مرسڈیز S- کلاس ہے۔

رجنی کانت
تامل اور ہندی فلموں کے معروف اداکار رجنی کانت ماضی کی کامیاب ترین گاڑیوں میں سے ایک پریمیر پادمینی چلاتے ہیں۔ اداکار شاہ رخ خان نے انہیں بی ایم ڈبلیو 7 تحفے میں دی تاہم رجنی نے شکریہ کے ساتھ تحفہ واپس کردیا۔
rajni-padmini-04

رنبیر کپور
اداکار جوڑی اداکار رشی کپور اور نیتو سنگھ کے صاحبزادے رنبیر کپور بھی بالی ووڈ میں کافی مقبول ہیں۔ ان کے پاس ایک آڈی R8 اور ایک رینج روور ہے۔

سلمان خان
دنیائے فلم میں ‘باکس آفس خان’ کے نام سے مشہور ‘دبنگ’ اداکار سلمان خان کے پاس آڈی Q7، رینج روور، بی ایم ڈبلیو X6، سرخ آڈی RS7، سوزوکی انٹروڈر M1800RZ اور سوزوکی ہیابوسا رکھتے ہیں۔

سنجے دت
اداکار سنیل دت اور اداکارہ نرگس دت کے بیٹے سنجے دت بھی گاڑیوں کے شوق کی وجہ سے مشہور ہیں۔ ان کے پاس فراری 599 GTB، رولز رائس فینٹم، ٹویوٹا لینڈ کروزر، آڈی R8، آڈی Q7، بی ایم ڈبلیو 7 سیریز اور ہارلے ڈیوڈسن ہے۔

شاہ رخ خان
بالی ووڈ کے بادشاہ کنگ خان کے پاس بھی بہت سی پرتعیش گاڑیاں ہیں جن میں آڈی A6، کئی بی ایم ڈبلیو، ایک رولز رائس، ایک بینٹلی کونٹی نینٹل GT اور ایک بوگاٹی ویرون شامل ہیں۔

سنی لیونی
کینیڈا سے تعلق رکھنے والی بالی ووڈ اداکارہ سنی لیونی کے پاس ایک مزيراتی كواٹروبرٹی جو ان کے خاوند نے دی تھی۔
sunnyleone-maseratti

Top