بوگاتی نے گران ٹورزمو پیش کر کے ہائپرکار شیرون کی جھلک دکھا دی

bugatti-vision-gran-turismo-is-far-from-the-chiron-we-wanted-to-see-in-frankfurt-live-photos_16

گاڑیوں کا سب سے بڑا عالمی میلہ فرینکفرٹ موٹر شو شروع ہوچکا ہے اور آج بوگاتی نے اپنی کانسیپٹ کار ‘گران ٹورزمو’ پیش کردی ہے۔ یہ گاڑی اگلے پلے اسٹیشن میں شامل ریسنگ سیریز کا حصہ ہوگی جس کا نام بھی گران ٹورزمو رکھا گیا ہے۔ یہ کانسیپٹ کار بوگاتی کے مداحوں کی خواہش پر بنائی گئی ہے جس کا مقصد اس بات کا ثابت کرنا ہے کہ ہر کوئی بوگاتی کی گاڑیاں چلا سکتا ہے، ہاں یہ الگ بات ہے کہ اس لیے آپ کو پلے اسٹیشن 4 درکار ہوگا۔

bugatti-vision-gran-turismo-is-far-from-the-chiron-we-wanted-to-see-in-frankfurt-live-photos_8

بوگاتی کی طرف سے گران ٹورزمو کی پیشکش سے ان لوگوں کی امیدوں پر پانی پھر گیا ہے جو وویرون کی جانشین شیرون کو دیکھنا چاہتے تھے۔ البتہ یہ بات ان لوگوں کے لیے خوش آئند ہے کہ بوگاتی کے سربراہ وولف گینگ ڈرہیمر نے کہا کہ یہ گاڑی مستقبل میں پیش کی جانے والی گاڑی کی ایک جھلک ہے جو تمام ریکارڈز توڑنے کے لیے بنائی جا رہی ہے۔ گو کہ شیرون بالکل گران ٹورزمو جیسی نہیں ہوگی تاہم اس کے نئے انداز اور کچھ حصوں کو بوگاتی ضرور استعمال کرنا چاہے گی۔

ایسا محسوس ہوتا ہے کہ بوگاتی کچھ نیا کرنا چاہتی ہے اسی لیے گران ٹورزمو میں پیچھے کی جانب خوبصورت پر لگائے گئے ہیں جبکہ سامنے کا حصے شفاف رکھا گیا ہے۔ اگلی اور پچھلی دونوں طرف موجود لائٹس کو دیکھ کر اندازہ لگایا جاسکتا ہے کہ گاڑی کا انداز کس قدر جذباتی اور طاقت ور رکھا گیا ہے۔

اگر یہ باتیں واقعی درست ہوئیں تو شیرون یقیناً دنیا کی سب سے بہترین اور خوبصورت ہائپر کارزمیں سے ایک ہوگی۔ خبریں ہیں کہ بوگاتی کی نئی گاڑی میں 8000 ہزار سی سی W16 کا جدید ورژن موجود ہے۔ رفتار کی اگر بات کریں تو یہ صرف 2 سیکنڈ میں 0 سے 60 کی اسپیڈ تک پہنچ سکتی ہے جبکہ زیادہ سے زیادہ رفتار 451 کلومیٹر فی گھنٹہ تک جا سکتی ہے۔

Top