جانیے کون سی کار کمپنی کس برانڈ کی ملکیت ہے؟


گزشتہ چند سالوں میں آٹوموٹِو صنعت نے زبردست ترقی پائی ہے۔ چھوٹی گاڑیوں سے لے کر دولت مندوں کے لیے کئی ملین ڈالرز کی ایگزوٹِک گاڑیوں تک دنیا بھر میں فروخت ہونے والے کہیں زیادہ برانڈز موجود ہیں۔ آٹو انڈسٹری بہت دلچسپ اور حیران کن اور کبھی کبھار بہت اُلجھا دینے والی فیملی ٹِری رکھتی ہے۔ گزشتہ دہائی نے کئی شراکت داریاں، انضمام، علیحدگیاں، دیوالیے اور پورے پورے شعبوں کے خاتمے دیکھے، جس سے یہ جاننا مشکل ہو گیا کہ کون سے کار برانڈز کی ملکیت کس کے پاس ہے۔

یہ سوال اُٹھ سکتا ہے کہ یہ آٹومیکرز دوسرے برانڈز کو ملکیت میں کیوں لیتے ہیں؟ تو اس کے دو جوابات ہیں، پہلا یہ کہ جب ایک برانڈز دوسرے برانڈ کو خریدتا ہے تو یہ ذیلی-برانڈ بن جاتا ہے یہ خریدار کے برانڈ میں شامل ہو جاتا ہے۔ دوسری وجہ ہے کہ زیادہ تر کار کمپنیاں اپنے مالیاتی ادارے چاہتی ہیں تاکہ انہیں ایک اور مہنگا برانڈ بنانے کا موقع ملے جو اپنی انوکھی خصوصیات کی وجہ سے معروف ہو جیسا کہ لگژری، رفتار، طاقت، کارکردگی یا ایسے ہی دیگر پہلو۔

آج ہم یہاں بات کریں گے کہ کون سا کار برانڈ کس کی ملکیت رکھتا ہے۔ آپ نے گاڑیوں کے برانڈز کے کئی معروف نام سن رکھے ہوں گے اور کچھ کو بہترین اور آزاد برانڈز سمجھتے بھی ہوں گے، لیکن حقیقت میں ایسا نہیں ہے۔ تمام مہنگے برانڈز جیسا کہ رولس رائس، ڈیملر اور بینٹلی وغیرہ دوسرے برانڈز کی ملکیت ہیں۔ بین الاقوامی سطح پر آٹوموٹو صنعت میں کل 14 برانڈز ہیں جو دوسرے کار برانڈز کی ملکیت ہیں۔ لیکن بلاشبہ دوسرے ایسے برانڈز بھی موجود ہیں جو کسی بھی دوسرے کار برانڈ کی ملکیت نہیں اور نہ ہی وہ کوئی دوسرا برانڈ رکھتے ہیں۔ اس فہرست میں ہم اُن کار کمپنیوں کے بارے میں بات کر رہے ہیں جو دوسرے کار برانڈز رکھتی ہیں اور یہ فہرست ہو سکتا ہے آپ کو حیران کرے۔

گیلی

گیلی یا ژیجیانگ گیلی ہولڈنگ گروپ (ZGH) ایک چینی ملٹی نیشنل آٹوموٹو مینوفیکچرنگ کمپنی ہے۔ یہ 1990ء کی دہائی کے وسط میں موٹر سائیکلیں بنانے اور 1998ء میں چھوٹی وینز بنانے سے شروع ہوئی۔ 2002ء میں گاڑیوں کی پیداوار کا آغاز ہوا۔ یہ لوٹس، لنک اینڈ کمپنی، پولیسٹر اور وولوو کی ملکیت رکھتی ہے۔

فوکس ویگن گروپ

فوکس ویگن یا VW ایک جرمن آٹومیکر ہے جو 1937ء میں جرمن لیبر فرنٹ نے ایڈولف ہٹلر کے ماتحت قائم کیا تھا۔ فوکس ویگن گروپ آڈی، بینٹلی، بگیٹی، لیمبورگینی، پورشا، سیٹ، شکوڈا، مین، ڈوکیٹی، اسکینیا اور فوکس ویگن کی ملکیت رکھتا ہے۔

ہیونڈے موٹر گروپ

ہیونڈے موٹر گروپ جنوبی کوریا میں قائم ہے اور اس نے 1968ء میں فورڈ کے تعاون سے اپنی پہلی گاڑی جاری کی تھی۔ ہیونڈے موٹر گروپ جینیسس، ہیونڈے اور کِیا کی ملکیت رکھتا ہے۔

2017-hyundai-genesis-g80

ٹویوٹا موٹر کارپوریشن

ٹویوٹا 1937ء میں قائم ہوا تھا اور جاپان میں موجود ہے۔ یہ دنیا کے سب سے بڑے گاڑیاں بنانے والے اداروں میں سے ایک ہے۔ یہ ڈائہاٹسو، لیکسس، ہینو موٹرز اور سایَن کا مالک ہے۔

BMW گروپ

بایَرشَ موٹورن ورکَ یا BMW ایک ایئرکرافٹ انجن بنانے والے ادارے کی حیثیت سے 1916ء میں جرمنی میں قائم ہوا تھا۔ کمپنی موٹر سائیکلوں کی پیداوار کی جانب منتقل ہوئی اور بالآخر گاڑیوں کی جانب رُخ کیا۔ BMW گروپ BMW، مِنی اور رولس رائس کی ملکیت رکھتا ہے۔

فورڈ موٹر کمپنی

فورڈ موٹر کمپنی ایک امریکی ملٹی نیشنل آٹومیکر ہے جسے ہنری فورڈ نے 1903ء میں قائم کیا تھا۔ یہ فورڈ اور لِنکن کی ملکیت رکھتی ہے۔ لنکن فورڈ کا لگژری برانڈ ہے۔

ڈیملر AG

یہ ایک جرمن ملٹی نیشنل آٹوموٹِو کارپوریشن ہے جو 1998ء میں قائم ہوئی۔ ڈیملر مرسڈیز بینز، مے بیک اور اسمارٹ کار کی ملکیت رکھتا ہے۔

FCA گروپ

فیئٹ کرائسلر آٹوموبائلز یا FCA ایک اطالوی و امریکی ملٹی نیشنل کارپوریشن ہے۔ یہ بنیادی طور پر دو مرکزی برانڈز رکھتی ہے؛ ایک اٹلی میں قائم فیئٹ اور ایک امریکی برانڈ کرائسلر۔ فیئٹ الفا رومیو، لانکیا، فیراری اور ابارتھ رکھتا ہے۔ کرائسلر ڈوچ اور RAM کا مالک ہے۔

نِسان

نِسان موٹر کمپنی لمیٹڈ یا صرف نِسان ایک جاپانی ملٹی نیشنل آٹوموبائل مینوفیکچرر ہے۔ ادارہ نِسان، انفینٹی، مِٹسوبشی اور ڈاٹسن کے نام سے گاڑیاں فروخت کرتا ہے۔ یہ رینو (رینالٹ) کی 15 فیصد ملکیت بھی رکھتا ہے۔

رینو

رینو (رینالٹ) ایک فرانسیسی ملٹی نیشنل آٹوموبائل مینوفیکچرر ہے جو 1899ء میں قائم ہوا۔ یہ رینو سام سنگ موٹرز، ڈاکیا، ایوٹو VAZ اور رینو اسپورٹس کی ملکیت رکھتا ہے۔ یہ نِسان میں 43.4 فیصد حصہ بھی رکھتا ہے۔ رینو، مرسڈیز اور فیراری کی طرح، فارمولا1 ٹیم کا بھی حامل ہے۔

Renault Cars

ٹاٹا موٹرز

ٹاٹا ایک ملٹی نیشنل بھارتی آٹوموبائل مینوفیکچرنگ کمپنی ہے اور ٹاٹا گروپ کی رکن ہے۔ یہ جیگوار، لینڈ روور اور جیگوار لینڈ روور کی مالک ہے۔

ہونڈا موٹر کمپنی

ہونڈا موٹر کمپنی ایک جاپانی سرکاری ملٹی نیشنل اداروں کا مجموعہ ہے جو گاڑیاں، ہوائی جہاز، موٹر سائیکلیں اور بجلی پیدا کرنے والے آلات بنانے کے لیے مشہور ہے۔ یہ ہونڈا اور ایکورا کی ملکیت رکھتا ہے۔

PSA گروپ

PSA گروپ گاڑیاں اور موٹر سائیکلیں بنانے والا ایک فرانسیسی ملٹی نیشنل ادارہ ہے۔ یہ پوژو، ستروئن، واکس ہال موٹرز، فوریسیا اور DS کی ملکیت رکھتا ہے۔

جنرل موٹرز

جنرل موٹرز یا سادہ الفاظ میں GM ایک امریکی ملٹی نیشنل کارپوریشن ہے جو گاڑیاں اور ان کے پرزے، ڈیزائن، مارکیٹ تقسیم کرتی ہے۔ یہ شیورولے، اوپیل، کیڈیلیک، ہولڈن، GMC اور بوئیک کی ملکیت رکھتی ہے۔

2014-buick-lacrosse--New York Auto Sho 2013

تمام دیگر کار برانڈز جیسا کہ آسٹن مارٹن، سُبارو، مزدا، میک لارن، ٹیسلا اور اِسوزو کسی دوسرے کار برانڈ کی ملکیت نہیں ہیں۔


Ahsan Ismail

My name is Muhammad Ahsan Ismail. I have been a PakWheeler for many years now. I love talking about the cars and their stuff.

Top