مالی سال 2016-17: ابتدائی دو ماہ کے دوران گاڑیوں کی فروخت میں کمی

mehran corolla civic car sales

گزشتہ مالی سال 2015-16 کے دوران پنجاب میں جاری سبز ٹیکسی اسکیم کی وجہ سے سوزوکی گاڑیوں کی فروخت میں زبردست اضافہ ہوا۔ پاکستان آٹو مینوفیکچررز ایسوسی ایشن (پاما) کے پیش کردہ تازہ اعداد و شمار سے پتہ چلتا ہے کہ چند ماہ قبل اس ٹیکسی اسکیم کے مکمل ہوجانے کے باعث رواں مالی سال 2016-17 کے ابتدائی دو ماہ میں گاڑیوں کی فروخت میں 13 فیصد کمی کے بعد 31,585 تک رہی۔ تاہم اگر سبز ٹیکسی اسکیم کے تحت فروخت کی جانے والی گاڑیوں کو علیحدہ کردیا جائے تو جولائی و اگست 2015 کے مقابلے میں گزشتہ دو ماہ کے دوران 19.7 فیصد زیادہ گاڑیاں فروخت کی گئی ہیں۔

پاک سوزوکی

پاکستان میں سب سے زیادہ گاڑیاں فروخت کرنے والے ادارے پاک سوزوکی (Suzuki) نے گزشتہ دو ماہ (جولائی و اگست 2016) کے دوران مجموعی طور پر 16,662 گاڑیاں فروخت کی ہیں جو گزشتہ مالی سال کے ابتدائی دو ماہ (جولائی و اگست 2015) کے مقابلے میں 26 فیصد کم ہیں۔ اس کی کلیدی وجہ سبز ٹیکسی اسکیم ہی ہے جس کے تحت سوزوکی راوی اور سوزوکی بولان کی فروخت میں زبردست اضافہ دیکھا گیا تھا۔ اگر سبز ٹیکسی اسکیم کو خارج کر کے اعداد و شمار پر نظر ڈالی جائے تو جولائی و اگست 2016 کے دوران سوزوکی گاڑیوں کی فروخت میں 12 فیصداضافہ نظر آئے گا۔

سوزوکی گاڑیاں جولائی و اگست 2015
میں مجموعی فروخت
جولائی و اگست 2016
میں مجموعی فروخت
سوزوکی سوفٹ 652 792
سوزوکی کلٹس 2586 2694
سوزوکی ویگن آر 1058 2355
سوزوکی مہران 6127 6368
سوزوکی بولان 6398 3501
سوزوکی راوی 6027 3390

یہ بھی پڑھیں: سوزوکی مہران کے 5 روشن پہلو – جنہیں نظر انداز کرنا ممکن نہیں!

suzuki-mehran-exterior-front-side-view

ٹویوٹا انڈس

جولائی و اگست 2016 کے دوران طویل تعطیلات کے باعث ٹویوٹا (Toyota) گاڑیوں کی فروخت 9,628 رہی جو گزشتہ مالی سال کے ابتدائی دو ماہ سے 2 فیصد کم ہے۔ پاکستان میں سب سے زیادہ فروخت ہونے والی ٹویوٹا گاڑیوں میں سر فہرست کرولا کی فروخت کو بھی دھچکا پہنچا ہے اور گزشتہ دو ماہ کے دوران اس کی فروخت میں 8 فیصد کمی ہوئی ہے ۔ ظاہری طور پر اس کی بنیادی وجہ نئی ہونڈا سِوک کی آمد ہے جسے ٹویوٹا کرولا کا روایتی حریف سمجھا جاتا ہے۔ البتہ ٹویوٹا ہائی لکس کی فروخت میں 61 فیصد کا زبردست اضافہ قابل ذکر ہے۔

ٹویوٹا گاڑیاں جولائی و اگست 2015
میں مجموعی فروخت
جولائی و اگست 2016
میں مجموعی فروخت
ٹویوٹا کرولا 8899 8378
ٹویوٹا فورچیونر 116 141
ٹویوٹا ہائی لکس 883 1398

یہ بھی پڑھیں: ٹویوٹا کرولا 2017 کا نیا انداز – کیا پاکستانیوں کو بھی نصیب ہوسکے گا؟

2016 Toyota Corolla GLi Feature

ہونڈا ایٹلس

گزشتہ مالی سال کے دوران ہونڈا گاڑیوں کی فروخت خاصی کم رہی حتی کہ ہونڈا (Honda) ایٹلس نے سِوک اور سِٹی کے اعداد و شمار بھی اکھٹے پیش کرنا شروع کردیئے۔ تاہم نئی سِوک کی آمد سے اس صورتحال میں بہتری کی توقع اب حقیقت کا روپ دھار رہی ہے اور گزشتہ مالی سال کے ابتدائی 2 ماہ کے مقابلے میں جولائی و اگست 2016 میں ہونڈا گاڑیوں کی فروخت 15 فیصد اضافہ کے بعد 5,295 رہی ہے۔ غیر معیاری بناوٹ اور اس پر ہونے والے تنقید کے باوجود ہونڈا سِوک کی مقبولیت بڑھتی ہی جارہی ہے۔ اس کا اندازہ اس بات سے بھی لگایا جاسکتا ہے کہ اب ہونڈا ایٹلس نے سال 2016 میں سِوک کی فراہمی کے لیے بُکنگ بند کردی ہے اور اب اسے بُک کروانے والوں کو آئندہ سال یعنی 2017 میں سِوک فراہم کی جائے گی۔

ٹویوٹا گاڑیاں جولائی و اگست 2015
میں مجموعی فروخت
جولائی و اگست 2016
میں مجموعی فروخت
سِوک + سِٹی 4076 5136

یہ بھی پڑھیں: ہونڈا ایٹلس کی مسلسل خاموشی؛ ہونڈا سِوک کے مداح کشمکش کا شکار

Honda Civic 2016

اس حوالے سے ٹاپ لائن سیکورٹیز کی جاری کردہ رپورٹ میں کہا گیا ہے کہ گزشتہ سال سبز ٹیکسی اسکیم کی وجہ سے گاڑیوں کی فروخت میں اضافے کو دیکھتے ہوئے رواں مالی سال کے اعداد و شمار میں کمی غیر متوقع نہیں ہے۔ تحقیق ادارے کی جانب سے امید ظاہر کی گئی ہے کہ مالی سال 2016-17 میں سرکاری ٹیکسی اسکیم نہ ہونے کے باوجود گاڑیوں کی مجمولی فروخت 2,17,000 کو چھو لے گی اور یوں سال بہ سال 30 فیصد اضافہ ہوگا۔اس ضافے کی وجہ درحقیقت ٹویوٹا کرولا کی مانگ میں تسلسل اور 1000cc نئی سوزوکی سلیریو کی متوقع آمد ہے۔ جبکہ ہونڈا کی جانب سے نئی سِوک کی پیش کش بھی قابل ذکر ہے۔

Asad Aslam

A PakWheeler with a degree in mass communication. He tweets as @masadaslam

Top