نیلامی کے لیے پیش کردہ وزیرِ اعظم کی گاڑیوں پر ایک نظر

car auction

وزیرِ اعظم ہاؤس نے بدھ، 5 ستمبر 2018ء کو ان لگژری گاڑیوں کی ایک ویڈیو جاری کی ہے جو 17 ستمبر 2018ء کو وزیرِ اعظم ہاؤس، اسلام آباد میں نیلامی کے لیے پیش کی جائیں گی۔ گاڑیوں کی نیلامی کا وقت صبح دس بجے شروع ہوگا۔

ویڈیو میں ہائی اینڈ لگژری گاڑیاں دکھائی گئی ہیں جن میں مرسڈیز بینز S-300، مےبیک S-600، بی ایم ڈبلیو 7- سیریز، بی ایم ڈبلیو X-سیریز اور دیگر شامل ہیں۔

علاوہ ازیں، حکومت کی جانب سے شائع کردہ فہرست کے مطابق نیلامی کے لیے پیش کی جانے والی گاڑیوں میں 8 بی ایم ڈبلیوز، 28 مرسڈیز بینز، 9 ہونڈا کارز، 8 سوزوکی، 40 ٹویوٹا، 5 مٹسوبشی، 2 چیروکی، 1 نسان، اور 1 ہینو بس شامل ہیں۔

قبل ازیں، وزیرِ اعظم عمران خان نے 19 اگست 2018ء کو قوم سے اپنی افتتاحی تقریر میں اعلان کیا تھا کہ ملک کے اخراجات میں کمی لانے کے لیے انتہائی مہنگی بلٹ پروف گاڑیاں نیلام کی جائیں گی۔

وزیرِ اعظم ہاؤس کی جانب سے جاری کردہ تازہ ترین فہرست یہ ہے:

auction-paper

نیز، یہ گاڑیاں دفتری اوقات میں 13 ستمبر سے 14 ستمبر 2018ء تک دیکھی جاسکیں گی۔ بولی لگانے کے خواہش مندوں کو 051-9045-656/658 پر لازماً پیشگی کال کرنی ہوگی اور اپنا قومی شناختی کارڈ لے کر آنا ہوگا۔

گاڑیوں کی دنیا سے تازہ ترین خبروں سے باخبر رہنے کے لیے ہمارا بلاگ دیکھتے رہیے۔


Top