چینگدوآٹو شو 2015 میں چینی سوزوکی ویٹارا کی پردہ کشائی

Chinese Suzuki Vitara

یہ تو آپ جانتے ہی ہیں کہ چین میں ہر چیز کی نقل تیار کرلی جاتی ہے جو کم قیمت ہونے کی وجہ سے بہت جلد دنیا بھر میں مقبولیت حاصل کرلیتی ہے۔ اب کی بار چین میں جس چیز ی نقل تیار کی گئی ہے وہ کچھ اور نہیں بلکہ سوزوکی ویٹارا ہے کہ جسے چینی نام ‘ویتیلا’ سے چینگدو آٹو شو 2015 میں دکھایا گیا ہے۔ یہ گاڑی جاپانی ادارے سوزوکی اور چینی ادارے چھانگ ان کی مشترکہ پیش کش ہے جو سال کے آخر تک چینی مارکیٹ میں دستیاب ہوگی۔

چمکدار ہلکے نیلے رنگ سے اپنی طرف متوجہ کرنے والی اس گاڑی میں دو مختلف انجن لگائے گئے ہیں جن میں سے ایک 122 ہارس پاور 1.6 ہے جبکہ دوسرا 140 ہارس پاور ‘ٹی بوسٹر جیٹ’ 1.4 ٹربو انجن ہے۔ دونوں انجن چار سیلنڈر پیٹرول اور پانچ اسپیڈ مینوئل یا چھ اسپیڈ خودکار منتقلی کے حامل ہیں۔

Chinese Suzuki Vitara 3

گاڑی کے عقب میں ‘آل گرپ(All Grip)’ کا نشان ظاہر کرتا ہے کہ یہ تمام پہیے استعمال کرنے والی گاڑی ہے تاہم اس کی کارکردگی کا حتمی جائزہ تو اسی وقت ممکن ہے جب یہ ایک بار سڑکوں پر دوڑنے کے لیے دستیاب ہو جائے۔ سیاہ شیشوں کے باعث آٹو شو کے حاضرین اس کے اندرونی حصوں کو نہیں دیکھ سکے۔ ہوسکتا ہے گاڑی بنانے والے اداروں کی جانب سے ایسا جان بوجھ کر کیا گیا ہو جس کی وجہ اندرونی حصے کا مکمل نہ ہوپانا ہو۔

پاکستان میں اس گاڑی کی آمد اور مقبولیت کی بات کریں تو صورتحال زیادہ واضح نہیں کہی جاسکتی۔ سوزوکی ویٹارا پاکستان میں ناکام رہی ہے اور بہت کم سڑکوں پر نظر آتی ہے تاہم چین میں تیار کی گئی ‘ویتیلا’ کے خالقین پر منحصر ہے کہ وہ کس طرح پاکستان میں اس گاڑی کو پیش کرتے ہیں۔ یاد رہے کہ سوزوکی ویٹارا کی قیمت1,30,000 چینی یوآن ہے جو 21 لاکھ پاکستانی روپے کے برابر ہے۔

Chinese Suzuki Vitara 1

Chinese Suzuki Vitara 2

LamanSamo

My love for cars is unexplainable, especially when it comes to SUV's. Apart from that I'm currently doing my bachelors. Working with PakWheels was what I always wanted and here I am.

Top