سکے کی مدد سے ٹائر ٹریڈ چیک کرنے کا آسان طریقہ

tire-tread-image

ٹائرز کا خیال رکھنا بھی اتنا ہی ضروری ہے کہ جتنا گاڑیوں کے دیگر پرزوں کا۔ عموماً لوگ ٹائرز سے کافی لاپرواہی والا رویہ رکھتے ہیں جو کہ انتہائی خطرناک ہے۔ ٹائر میں مناسب ہوا بھرنا جتنا ضروری ہے اتنا ہی ٹائر کے ٹریڈ کو چیک کرتے رہنا بھی ضروری ہے۔ اس کے بہت سے طریقے ہیں جس کی مدد سے آپ ٹائر کی ساخت اور اسے تبدیل کرنے کا فیصلہ کرسکتے ہیں۔ لیکن اس کا سب سے آسان اور دنیا بھر میں آزمودہ طریقہ سکے (coin) سے جانچنے کا ہے۔

برطانیہ، یورپ اور آسٹریلیا میں ٹائر ٹریڈ ملی میٹر میں ناپے جاتے ہیں جبکہ امریکا میں انچ کے 32ویں حصے کے طور پر پیمائش کی جاتی ہے۔ نئے ٹائر کے ٹریڈ گاڑی کے اعتبار سے مختلف ہوسکتے ہے۔ بڑی گاڑیوں جیسے SUV کے ٹائرز ٹریڈ عام گاڑیوں کے مقابلے میں کچھ مختلف ہوتے ہیں اور بالکل یہی معاملہ موٹر سائیکل میں بھی ہے۔ یہاں ہم عام ٹائرز سے متعلق بات کر رہے ہیں۔

طریقہ کار بتانے سے پہلے میں چاہوں گا کہ آپ کو اس حوالے سے کچھ اہم معلومات فراہم کرتا چلوں کہ نئے، کچھ استعمال شدہ اور بہت زیادہ استعمال شدہ ٹائرز میں بنیادی فرق کیا ہے۔ یہاں لکھے گئے معیارات بین الاقوامی سطح کے ہیں اور کئی ممالک میں ان پر بہت سختی سے عمل کروایا جاتا ہے۔ اس کی خلاف ورزی کی صورت میں آپ ٹریفک پولیس کی گرفت میں آسکتے ہیں جو آپ کو کم از کم جرمانے کرے بغیر تو بالکل نہیں چھوڑے گی۔

نیا ٹائر: 8 ملی میٹر (7/32″ یا 8/32″ – ٹائر بنانے والے ادارے پر منحصر ہے)
کچھ استعمال شدہ ٹائر: 5 ملی میٹر
زیادہ استعمال شدہ ٹائر: 3 ملی میٹر
بہت زیادہ استعمال شدہ ٹائر: 2 ملی میٹر سے کم

برطانیہ، یورپ اور آسٹریلیا کی بات کریں تو وہاں 1.8 ملی میٹر سے کم ٹائر ٹریڈز ہونے پر انہیں تبدیل کرنا لازمی ہے ورنہ قانون کی خلاف ورزی پر کاروائی ہوسکتی ہے۔

4 ملی میٹر ٹائر ٹریڈ کے حامل ٹائر کی تصویر
CaptureNew

اب آتے ہیں ٹائر ٹریڈ چیک کرنے کے طریقہ کار کی طرف۔ اس کے لیے آپ کو صرف 2 چیزیں درکار ہیں، پانچ کا سکا اور تھوڑا سا وقت۔ ذیل میں موجود طریقہ کار پر عمل کر کے اپنے ٹائر کی ٹریڈ چیک کریں:

1: پانچ کا سکہ لیں اور اسے ٹائر میں بنے ڈیزائن کے درمیان میں ڈال دیں۔
2: پانچ کے سکے پر موجود چاند کا رخ اوپر کی طرف رکھیں اور سکے کو ٹائر پر رگڑتے ہوئے نیچے لے کر جائیں۔
3: چاند کے نیچے لکھا ہوا سال (جیسے 2005، 2012 وغیرہ) نظر نہ آئے تو اس کا مطلب ہے کہ آپ کا ٹائر نیا ہے اور اس کا ٹریڈ تقریبا 8 ملی میٹر ہے۔
4: اگر چاند کے نیچے لکھا ہوا سال ظاہر ہوجائے تو اس کا مطلب ہے کہ آپ کا ٹائر استعمال شدہ ہے اور اس کا ٹریڈ 5 ملی میٹر کے آس پاس ہے۔
5: اب آپ سکے کو گھماتے ہوئے نیچے لے کر جائیں تاوقتیکہ چاند دوبارہ اپنے رخ پر واپس آجائے۔
6: اب سال کے ہندسوں کے نیچے موجود ڈیزائن پر غور کریں، اگر وہ مکمل طور پر غائب نہیں ہوا تو اس کا مطلب ہے کہ آپ کے ٹائر ٹریڈز 3 ملی میٹر رہ گیا ہے۔
7: آخر میں، اگر ڈیزائن ٹریڈ کے اندر بالکل غائب ہوگیا ہے تو اس کا مطلب ہوا کہ گاڑی کے ٹائر تبدیل کرنے کا وقت آگیا ہے۔

یہ طریقہ گاڑی کے تمام ٹائرز پر استعمال کیا جاسکتا ہے۔ مزید مدد کے لیے ہم ذیل میں تصاویر بھی پیش کر رہے ہیں۔

Shaf Younus

I'm an Auto Enthusiast, a Student of Computer Science and above all, Citizen of Pakistan.

Top