یورو 2016 کے ہیرو کرسٹیانو رونالڈو نئی بوگاتی ویرون خریدیں گے!

Ronaldo Bugatti Veyron Vitsesse

پرتگال سے تعلق رکھنے والے مشہور زمانہ فٹ بالر کرسٹیانو رونالڈو یورو 2016 میں شرکت سے حاصل ہونے والی رقم سے نئی سُپرکار خرید رہے ہیں۔ اس ضمن میں انہوں نے 23 لاکھ امریکی ڈالر کے عوض نئی ویرون کنورٹ ایبل بُک بھی کروادی ہے۔ کرسٹیانو کی نئی بوگاتی ویرون 16.4 گراں اسپورٹ صرف 2.6 سیکنڈس میں 0 سے 100 کلومیٹر فی گھنٹہ کی رفتار پکڑ سکتی ہے جبکہ اس کی زیادہ سے زیادہ رفتار 400 کلومیٹر فی گھنٹہ ہے۔ کرسٹیانو نے اس بات کا اعلان اپنے انسٹاگرام اکاؤنٹ پر کچھ یوں کیا:

یہ بھی پڑھیں: مشہور فٹ بالر ڈیوڈ بیکھم کی بیش قیمت گاڑیاں

کرسٹیانو رونالڈو کی انسٹاگرام پوسٹ

بہت سے لوگوں کا خیال ہے کہ کرسٹیانو اگر ویرون کے بعد پیش کی جانے والی بوگاتی کیرون کا انتظار کرتے تو زیادہ بہتر ہوتا لیکن ایسا محسوس ہوتا ہے کہ کرسٹیانو یورو 2016 کپ کی فتح کا لطف دوبالا کرنا چاہتے ہیں۔ ایک طرف یورو 2016 کے فائنل میں پرتگال نے میزبان فرانس کو شکست دے کر یورپی فٹ بال چیمپئن بننے کا اعزاز حاصل کیا اور دوسری طرف کرسٹیانو نے فرانس ہی میں تیار کی جانے والی انتہائی مہنگی ویرون خریدنے کا فیصلہ کیا۔ یوں پرتگال کی ٹیم فرانس سے صرف یورو 2016 کپ ہی نہیں بلکہ اور بوگاتی ویرون بھی اپنے ہمراہ لے جارہی ہے۔

کرسٹیانو رونالڈو بوگاتی ویرون

فوربز میگزین کے مطابق کرسٹیانو رونالڈو اس وقت دنیا کے مہنگے ترین کھلاڑی ہیں۔ کرسٹیانو کے مداح بخوبی جانتے ہیں کہ وہ گاڑیوں سے کتنا شغف رکھتے ہیں۔ بوگاتی کی مذکورہ سُپر کار دراصل کرسٹیانو کی دوسری ویرون ہے جس کے علاوہ ان کے پاس فراری 599 جی ٹی بی، پورشے 911 کریرا، آوڈی R8، آسٹن مارٹن DB9 اور ایک لامبورگینی ایوانتادور بھی رکھتے ہیں۔

Adan Ali

Adan covers all things non-political for Dawn.com and occasionally contributes to PakWheels.com. Along with that, he runs The Nixor Times and a channel on YouTube as youtube.com/adanali1/ He tweets @adanali12

Top