ہونڈا سِوک میں سوزوکی کلٹس کا تڑکا

civic -1

یہ دیکھ کر بہت حیرت ہوئی کہ گاڑیاں بنانے والے سرفہرست اداروں میں سے ایک ہونڈا کی پاکستانی شاخ جسے ہم ہونڈا ایٹلس پاکستان کے نام سے جانتے ہیں، نئی سِوک کے ڈیزائن میں سوزوکی کلٹس کا تڑکا لگایا ہے۔ دنیا ہونڈا سِٹی کے تیسری جنریشن دیکھنے والی ہے اس کے علاوہ ہونڈا سِوک کی دسویں جنریشن بھی کچھ ہفتوں پہلے منظر عام پر آئی ہے اور ہمیں ہونڈا سِوک کے “بالکل نئے ڈیزائن” اور “نئے ڈھنگ” کی ٹیگ لائن کے ساتھ میں کیا مل رہا ہے؟ سوزوکی کلٹس جیسی کروم گِرل (grille) اور دروازوں کے ہینڈل۔ اور اس پر ہونڈا ایٹلس پاکستان کا “فخریہ انداز”۔۔۔ سبحان اللہ!

کروم گرل سال 2013 میں ہونڈا سِوک کی نویں جنریشن میں پیش کی گئی تھی البتہ اسے ایشیا کے اندر مارچ 2014 میں متعارف کروایا گیا۔ لیکن یہ کوئی بہت بڑی تبدیلی نہیں تھی اس لیے تھائی لینڈ میں ہونے والے بینکاک آٹو شو میں پیش کرتے ہوئے اسے محض ایک “اپڈیٹ” کا نام دیا گیا ہے۔ دروازوں کے کروم ہینڈل بھی اسی اپڈیٹ کا حصہ تھے جس کی تفصیلات یہاں موجود ہیں۔ البتہ جب یہی چیز پاکستان میں پیش کی گی تو اسے ہونڈا سِوک کا “بالکل نیا انداز” قرار دے دیا گیا۔

Civic-Facelift-Malaysia-02

ملائیشیا کی سِوک میں بہت سے دیگر حصوں پر بھی کام کیا گیا تھا جس میں اندرونی ڈیزائن میں بہتری، بغیر چابی گاڑی اسٹارٹ کرنے کی سہولت، خود کار لائٹس اور بہت سی منفرد چیزیں شامل تھیں۔ سب سے دلچسپ بات یہ تھی اس اپڈیٹ کے بعد صارفین کو متوجہ کرنے کے لیے ہونڈا سِوک کی قیمت بھی کم کردی گئی تھی۔ ان مختصر اپڈیٹس کو پیش کرنے کا انداز بھی بہت اچھا تھا۔ گہرے رنگ کی گاڑی پر کروم گرل اور کروم ہینڈلز کو نمایاں کیا گیا تھا۔ اسی چیز کو پاکستان میں پیش کیا گیا تو چاندی (silver) کے رنگ پر چاندی ہی کی کروم گِرل اور دروزوں کے ہینڈل لگا کر پیش کیے گئے تاکہ یہ “انتہائی قیمتی” چیزیں کسی کو نظر ہی نہ آئیں۔

تاریخ میں پہلی بار ایسا ہوا ہے کہ ہونڈا ایٹلس نے مالی سال 2015-16 کے لیے گاڑیوں کی فروخت سے متعلق اعداد و شمار جاری کرتے ہوئے سِوک اور سِٹی کا مجموعہ بتایا ہے۔ اس سے اندازہ ہوتا ہے کہ ہونڈا کی گاڑیوں کی فروخت میں نمایاں کمی آئی ہے اور وہ ان برانڈز کے علیحدہ اعداد و شمار جاری کر کے اپنا مذاق نہیں بنوانا چاہتا۔ اس کے باوجود نہ صرف ہونڈا کی فروخت ٹویوٹا کرولا سے بہت پیچھے ہے بلکہ سوزوکی مہران اور سوزوکی بولان بھی سِوک اور سِٹی کی مجموعی فروخت سے کہیں زیادہ ہے۔

Baber K. Khan

An auto enthusiast trying to bring car media mainstream.

  • truth

    If any Honda emplyee reading this. SHAME ON YOU AS WELL. (yai ezaz pehlai suzuki ko tha).. Now i am in favor Toyota .

  • Farhan

    Honda seems desperate…. :)….. and it was really surprising to See Honda giving combined figures in PAMA reports…. but so does Toyota… but Toyota sells cars under the same name… i.e. Corolla, from 1.3 liter to 2.0D (XLi, GLi, GLi 1.6, Altis 1.6, Altis 1.8 and 2.0D if any) all are Corolla. So just to impress with figures against Toyota they probably combined the figures. That is why Honda is being foolishly desperate… and taking foolishly desperate measures 🙂

  • Syed Abdul Qadir Gillani

    Sir abhi filhal grande number lay gae hai,
    Grande zabardast hai then honda civic
    Surf interior ki kami hai grande main,,,,,

  • zunair ameer

    After buying five civics and one city from 2006 till date, this year i purchased corolla. Mehran caters to a different segment of market with close to monopolistic conditions.

    Was not expecting this lame attitude from Honda as well

  • Rehan Ali

    HONDA ko PONKA

  • Farhan

    There is a lot of price diff in Honda and mehran, most people can not afford hoda civic worth 2.6 million, you can buy 6 mehran in this price. But if you riDe civic, you will never ride mehran or xli.

Top