پاکستان میں ہونڈا سِوک 2016 کی بکنگ شروع ہوگئی

2016_honda_civic-pic-5391425433106568704-1600x1200

ستمبر 2015 کو نیو یارک آٹو شو میں اپنی پہلی جھلک سے مداحوں کے دل جیتنے والی ہونڈا سِوک 2016 بالآخر پاکستان میں بھی اپنے جلوہ دکھانے کو تیار ہے۔ جب سے نئی سِوک X کو عالمی سطح پر متعارف کروایا گیا تب ہی سے پاکستان میں اس کا انتظار شدت سے جاری تھا۔ اس دوران پاک ویلز نے گذشتہ ماہ اپنے قارئین کو بتایا تھا کہ نئی سِوک ماہ جون میں متعارف کروائی جائے گی اور اس کی جانچ سے متعلق چند خفیہ تصاویر بھی پڑھنے والوں تک پہنچائیں تھیں۔

یہ بھی پڑھیں: لاہور میں نئی ہونڈا سِوک 2016 کی جانچ؛ جلد آمد کے امکانات مزید روشن

اب ہماری پیش گوئی کے عین مطابق لاہور میں سِوک کی بکنگ شروع کردی گئی ہے۔ گذشتہ روز ہونڈا فورٹ کی طرف سے موصول ہونے والے پیغام میں اس بات کا اعلان کیا گیا ہے کہ آج یعنی 6 جون 2016 بروز پیر سے صارفین 1800cc نیچرلی ایسپریٹڈ اور 1500cc ٹربوچارجڈ انجن کی حامل سِوک 10 لاکھ روپے پیشگی ادائیگی کر کے بُک کروا سکتے ہیں۔ مزید تفصیلات معلوم کرنے پر ہونڈا فورٹ کے منتظمین نے بتایا کہ 1500cc ٹربو چارجڈ انجن کی حامل سِوک کی حتمی قیمت تقریباً 28 لاکھ اور 1800cc والے انجن کے ساتھ حتمی قیمت 27 لاکھ روپے متوقع ہے۔ یہ دونوں ہی طرز کی سِوک CVT گیئر باکس کے ساتھ پیش کی جارہی ہیں اور اب تک مینوئل ٹرانسمیشن کی دستیابی سے متعلق تصدیق ممکن نہیں ہوسکی۔

یہ بھی پڑھیں: کیا ہونڈا سِوک 2016 اب تک پیش کی جانے والی سب سے بہترین سِوک ہوگی؟

ہونڈا ایٹلس (Honda) نے سِوک 2016 کی بکنگ شروع کرنے سے متعلق تصدیق یا تردید کرنے سے انکار کردیا ہے۔ تاہم ایک بات تو طے ہے کہ ہونڈا فورٹ لاہور کے بعد جلد ہی دیگر ڈیلرشپس بھی نئی سِوک فروخت کرنے کا آغاز کریں گے تاکہ جلد از جلد اور زیادہ سے زیادہ صارفین تک یہ مشہور ترین سیڈان پہنچ سکے۔

Honda Fort's text message


ہونڈا فورٹ سے موصول ہونے والا پیغام

Adan Ali

Adan is a Tribe Leader at Drive Tribe, who writes to share his passion for cars, culture and gadgetry through words. So far his writings and contributions have been able to make their way to media outlets like PakWheels and Dawn. Reach out to him by tweeting @adanali12

  • Atif

    With 27/28 lac price tag these probably are end times for Honda Atlas!

  • RJ.FOTOZ

    i got VEZZEL hybrid imported at a cost of 2.8 myself.
    I bet my life, if the price reached at even 2.4. People would prefer going for vezzel or so. Like hybrids.

    Mind you, CIVIC LOVERS are hell sensible to kick you off when it comes to price comparisons etc.

    What a LOOTERZ in pakistan mannn !!!

Top