دیوان موٹرز نے BMW گاڑیوں کی سروسز کے نرخ جاری کردیئے


ادارے کی ساکھ کو بہتر بنانے اور مزید خریداروں کو متوجہ کرنے کے لیے دیوان موٹرز نے پاکستان میں دستیاب BMW گاڑیوں کے مالکان کو گاڑی کی سروسز کروانے کے لیے خصوصی پیکیج متعارف کروادیئے ہیں۔ دیوان موٹرز نے گزشتہ سال بی ایم ڈبلیو X1 کو انتہائی کم قیمت (قریباً 40 لاکھ روپے) میں متعارف کرواکر نہ صرف پاکستانی صارفین کی پزیرائی حاصل کی بلکہ گاڑیوں کی فروخت میں اضافہ بھی کیا۔ موجودہ صورتحال کو دیکھتے ہوئے دیوان موٹرز سال 2017 میں بی ایم ڈبلیو 4-سیریز پیش کرنے کی تیاریاں کر رہا ہے۔ اگر دیوان موٹرز اپنی اس کوشش میں کامیاب ہوگیا تو یہ پاکستان میں گاڑیوں کے شوقین افراد بالخصوص بی ایم ڈبلیو کے مداحوں کے لیے کسی بڑی خوشخبری سے کم نہ ہوگی۔

دیوان موٹرز، جنہیں BMW پاکستان بھی کہا جاتا ہے، کا پاکستان میں ان اداروں سے براہ راست مسابقت کا سامنا ہے کہ جو آوڈی اور مرسڈیز کی گاڑیاں درآمد کر کے فروخت کر رہے ہیں۔ دیگر حریف اداروں پر برتری حاصل رکھنے کے لیے دیوان موٹرز نے لاہور کے معروف تجارتی مرکز امپوریئل مال پر برقی گاڑیوں کو چارج کرنے کی سہولت بھی متعارف کروائی ہے۔ اس سلسلہ کو مزید توسیع دیتے ہوئے مزید تین چارجنگ اسٹیشن بھی لگائے جائیں گے جہاں سے بی ایم ڈبلیو کے صارفین اپنی گاڑیوں کو مفت توانائی فراہم کرسکیں گے۔ چونکہ بی ایم ڈبلیو کا شمار بہت معیاری گاڑیاں تیار کرنے والے اداروں میں کیا جاتا ہے اسی لیے ان گاڑیوں کی بعد از فروخت خدمات کی فراہمی پر بھی عام گاڑیوں کی نسبت زیادہ اخراجات آسکتے ہیں۔ دیوان موٹرز نے حال ہی میں بی ایم ڈبلیو ایکسکلوسیو سروس پیکیج کے نام سے پاکستانی صارفین کو جو خدمات فراہم کرنے کا علان کیا ہے ان کی تفصیلات درج ذل ہیں:
انجن آئل سروس (انجن آئل اور آئل فلٹر کی تبدیل)
معیاری چیک پوائنٹس (آئل کی مقدار، ٹائر میں ہوا کا تناسب، بیٹری و دیگر برقی آلات کی جانچ)
گاڑی کی مکمل صفائی (باہری اور اندرونی حصوں کی پریشر اسٹیم سے دھلائی)
ایئر کنڈیشننگ چیک اپ
گاڑی کے ظاہری حصے کی جانچ
کمپیوٹر کے ذریعے جانچ

ان خدمات کی نرخ بلحاظ ماڈل درج ذیل ہے:

بی ایم ڈبلیو 3-سیریز

E90 320i 10,000 روپے
F30 316i 10,400 روپے
F30 318i 11,000 روپے

بی ایم ڈبلیو 5-سیریز

E60 525i 13,000 روپے
E90 530i 13,000 روپے
F10 520d 12,300 روپے
F10 AH5 13,000 روپے

بی ایم ڈبلیو X-سیریز

F48X1 sDrive18i 10,000 روپے
E70X5 sDrive35i 14,000 روپے
E70X5 sDrive48i 15,500 روپے
E70X5 sDrive50i 16,500 روپے
F15X5 sDrive25d 12,500 روپے
F15X5 sDrive35i 13,000 روپے
F15X5 sDrive40e 12,000 روپے
F15X5 sDrive50i 17,000 روپے

بی ایم ڈبلیو 7-سیریز

E65 730i 14,000 روپے
E66 730Li 14,000 روپے
E66 760Li 17,000 روپے
F01 730d 16,500 روپے
F01 740i 14,000 روپے
F02 760Li 19,000 روپے
F02 730Ld 16,500 روپے
F02 740Li 15,000 روپے
F02 750Li 18,000 روپے
F01 AH7 15,000 روپے
F02 AH7L 15,000 روپے
G11 740e 14,000 روپے
G12 740Li 15,000 روپے
G12 750Li 18,000 روپے

مذکورہ نرخ ادارے کی پروموشنل پیکج کا حصہ ہیں اور ذرائع کے مطابق ان کا اطلاق مارچ 2017 تک ہوگا۔ گاڑیاں فروخت کرنے والا ادارہ دیئے گئے نرخ میں بغیر اعلان تبدیلی کا مجاز ہے۔


Top