رات کے اوقات میں محفوظ ڈرائیونگ کیسے؟


مختلف وجوہات کی بناء پر رات کے اوقات میں ڈرائیونگ کرنا مشکل ہو سکتا ہے۔ ڈرائیونگ کے دوران کسی بھی پریشانی اور ذہنی تناؤ سے بچنے کے لیے ان مشکلات سے فوراً نمٹنا ضروری ہے۔ اندھیرا ہونے کے بعد ڈرائیونگ کے خطرات کو ہرگز کم نہیں سمجھنا چاہیے اور خاص طور پر سردیوں کے موسم میں مکمل احتیاط کرنی چاہیے۔ دن کے مقابلے میں رات کے وقت ڈرائیونگ کو خطرناک بنانے والی کئی وجوہات میں سے ایک اندھیرے کی وجہ سے نظر آنے کی صلاحیت کا کم ہونا ہے۔ مندرجہ ذیل مشورے آپ کو ذہنی تناؤ سے بچانے اور محفوظ ڈرائیونگ میں مدد دیں گے: 

آئینے صاف اور درست رکھیں

آئینے صاف رکھنے سے آپ کو سڑک پر موجودہ دوسری گاڑیاں آسانی کے ساتھ اور بہتر طور پر نظر آئیں گی۔ لین تبدیل کرتے ہوئے آپ کو ان ریئر-ویو مررز میں دیکھنے کی ضرورت پڑتی ہے کہ جس لین میں آپ جا رہے ہیں اس پر کوئی گاڑی تو نہیں آ رہی۔ اگر شیشے اچھی طرح adjust کیے گئے ہوں تو پیچھے آنے والی گاڑیوں کی روشنیاں سیدھا آپ کی آنکھوں میں نہیں آئیں گی۔ اگر آپ کی گاڑی کے ریئر-ویو مررز میں auto-dimming فیچر نہیں ہے تو پھر آپ کو ان پر night mode tab استعمال کرنا چاہیے۔ یہ ریئر وِیو مرر کو کچھ اس طرح adjust کرے گا کہ پچھلی گاڑیوں کی روشنی سیدھا آپ کی آنکھوں میں نہیں چبھے گی۔ 

فوگ لائٹس کا استعمال کریں

اگر دھند نہ بھی ہو تو رات کے وقت ہائی اور لو-بیم لائٹس کے ساتھ ساتھ فوگ لائٹس کا بھی استعمال کریں۔ اس سے اندھیرے میں آپ کی گاڑی دوسری کاروں کو باآسانی نظر آئے گی۔ بلاشبہ دھند اور کہر کی صورت میں فوگ لیمپس صرف رات میں ہی نہیں بلکہ رات کے وقت بھی آپ کو مدد دیں گی۔ 

فاصلہ رکھیں

رات کے وقت اور خراب موسمی حالات میں آگے چلنے والی کاروں سے مناسب فاصلہ رکھنا بہت ضروری ہے۔ یوں آپ کسی بھی ہنگامی صورت میں باآسانی بریک لگا سکتے ہیں اور اگلی گاڑی سے ٹکرا جانے سے بچ سکتے ہیں۔ ایک محفوظ فاصلے پر رہنے کے لیے ضروری ہے کہ آپ کو اگلی کار کا پچھلا بمپر نظر آ رہا ہو۔ آگے والی کار کے بہت قریب رہ کر ڈرائیونگ کرنا بہت خطرناک اور مہنگا ثابت ہو سکتا ہے۔ 

anti-reflective لینس والی عینک استعمال کریں 

اگر آپ ڈرائیونگ کرتے ہوئے عینک پہنتے ہیں تو anti-reflective لینس والی عینک استعمال کریں کیونکہ وہ رات کے وقت آپ کی بصارت کو بہتر بنانے میں مدد دے گا۔ عینکوں میں استعمال ہونے والے عام شیشے روشنی کی شعاعوں کو بکھیرتے ہیں، جس سے رات کے اوقات میں وِنڈ اسکرین سے آگے دیکھنے میں مشکل ہو سکتی ہے۔ 

دو طرفہ سڑک سے اجتناب کریں

دو طرفہ سڑک وہ ہوتی ہے جہاں ٹریفک دونوں طرف سے آتا ہے۔ ان سڑکوں کے درمیان میں divider بھی نہیں ہوتا اور یہ رات کے وقت خطرناک ثابت ہو سکتی ہیں۔ ان سڑکوں پر بالخصوص رات کے اوقات میں اوور ٹیک کرنا محفوظ نہیں ہے۔ موڑ پر بالخصوص رات کے اوقات میں تو ڈرائیور کو سامنے سے آنے والے ٹریفک کا اندازہ نہیں ہو پاتا۔ 

ٹریفک کی روشنیوں میں نہ دیکھیں

سامنے سے آنے والے ٹریفک کی روشنیوں میں براہِ راست دیکھنے سے آنکھیں متاثر ہو سکتی ہیں۔ اس سے بصارت عارضی طور پر متاثر بھی ہو سکتی ہے اور آپ کو ٹریفک نظر آنے میں دشواری کا سامنا ہو سکتا ہے۔ اس وجہ سے نظر آنے کی صلاحیت میں کمی آنا حادثے کا سبب بن سکتا ہے۔ اس لیے سامنے سے آنے والے ٹریفک خاص طور پر high-beam لائٹس میں براہِ راست دیکھنے سے گریز کریں۔ 

انٹیریئر کی روشنی دھیمی رکھیں

رات کے اوقات میں گاڑی کے اندر روشنی کی شدت کم کی جا سکتی ہے تو ایسا ضرور کریں۔ اس سے آپ کی آنکھوں پر پڑنے والی روشنی میں کمی آئے گی اور یوں آنکھوں پر دباؤ بھی کم ہوگا۔ 

جی پی ایس ٹیکنالوجی کا استعمال کریں

اپنی کار میں موجود GPS ٹیکنالوجی کا استعمال ضرور کریں تاکہ آپ جس راستے پر جا رہے ہیں اس کا آپ کو اندازہ ہو سکے۔ اس سے آپ کو پہلے سے اندازہ ہو جائے گا کہ آگے سڑک پر موڑ کب آئے گا، جو عموماً رات کے اوقات میں ظاہر نہیں ہوتے۔ 

بڑی گاڑیوں کو اوورٹیک کرنے میں احتیاط کریں

رات کے اوقات میں بسوں اور ٹرکوں جیسی بڑی گاڑیوں کو اوور ٹیک کرنا مشکل ہوتا ہے۔ بڑی گاڑیوں کا turning radius زیادہ ہوتا ہے جس کا آپ کو رات کے وقت اندازہ نہیں ہوتا۔ پھر بس اور ٹرک جیسی بڑی گاڑیوں کو اوور ٹیک کرنے میں زیادہ وقت لگتا ہے اور رات کے وقت نظر محدود ہونے کی وجہ سے یہ خطرناک بھی ہو سکتا ہے۔ اس لیے ایسا کرنے میں ہمیشہ احتیاط سے کام لیں۔ 

ہیڈلائٹس صاف اور درست رکھیں 

ہیڈلائٹس صاف کرنے سے رات کے وقت آپ کو بہتر نظر آتا ہے۔ مزید بہتری کے لیے آپ ہیڈ لائٹس کو پالش بھی کروا سکتے ہیں۔ آج کل ہیڈ لائٹس میں auto-adjustors بھی آتے ہیں جو آپ کی ہیڈلائٹس کی بیم کو خودکار طور adjust کر لیتے ہیں۔ اگر آپ کی گاڑی میں یہ سہولت نہیں ہے تو آپ ورکشاپ سے manually بھی سیٹ کروا سکتے ہیں۔ اس سے ہيڈ لائٹس سے نکلنے والی روشنی یکساں انداز میں پھیلے گی اور سڑک پر دُور تک جائے گی، یوں آپ کو بہتر نظر آئے گا۔ 

رات کے وقت زیادہ تیز رفتاری سے گریز کریں 

رات کے وقت ہمیشہ حدِ رفتار کے اندر رہتے ہوئے سفر کریں تاکہ اگر کچھ غیر متوقع چیز نظر آئے اور آپ کو بریک لگانا پڑ جائے تو آپ آسانی سے لگا سکیں۔ کم رفتار پر سڑک پر گاڑی کی گرفت بھی اچھی رہتی ہے اور گاڑی روکنے میں مدد ملتی ہے۔ 

طویل سفر کے دوران آرام کریں 

طویل سفر کر رہے ہوں تو رات کے وقت مسلسل ڈرائیونگ سے گریز کریں۔ اس دوران وقفے وقفے سے آرام کرتے رہیں تاکہ آپ کو تھکاوٹ نہ ہو اور ذہنی تناؤ کا شکار نہ ہوں۔ نیند آنے کی صورت میں رات کے وقت ہرگز ڈرائیونگ نہ کریں۔

جانوروں کی گزر گاہوں پر احتیاط کریں

ایسی صورت میں آپ کو کم رفتار پر گاڑی چلانی چاہیے تاکہ اگر سڑک پر کوئی جانور آ جائے تو آپ باآسانی رُک سکیں۔ کم رفتار پر آپ کی گاڑی پھسلے گی نہیں یا ایمرجنسی بریک لگانے کی صورت میں قابو سے باہر نہیں ہوگی۔ 

سفر کسی کے ساتھ کریں 

ایک اور شخص کے ساتھ مل کر سفر کرنے سے آپ کو سڑک پر بھرپور توجہ رکھنے میں مدد مل سکتی ہے۔ آپ ڈرائیونگ کی پوزیشن بھی بدل سکتے ہیں اور دوسرے شخص کی ڈرائیونگ کے دوران آرام بھی کر سکتے ہیں۔ اس سے بالخصوص رات کے اوقات میں اور طویل سفر کے دوران تھکاوٹ اور ذہنی تناؤ بھی کم ہو گا ۔ 

مزید معلوماتی مواد کے لیے پاک ویلز پر آتے رہیے۔ اپنے خیالات نیچے تبصروں میں پیش کیجیے۔


Google App Store App Store

Top