پاک موٹرویز کا جاری کردہ ڈرائیونگ لائسنس جلد متحدہ عرب امارات میں بھی تسلیم کیا جائے گا


پاکستان اور متحدہ عرب امارات پاکستان موٹر وے پولیس کے جاری کردہ ڈرائیور لائسنس کے عرب امارات میں استعمال کی اجازت دینے پر غور کر رہے ہیں۔ 

اس تجویز پر متحدہ عرب امارات اور پاکستان کے متعلقہ حکام کے دوران تبادلہ خیال کیا جائے گا۔ وہ اپنی متعلقہ حکومتوں کی جانب سے اجازت کے حوالے سے سفارشات جمع کرائیں گے۔ حماد عبید ابراہیمی الزابی، سفیر متحدہ عرب امارات نے پاکستان کے وفاقی وزیر مواصلات و ڈاک مراد سعید سے اسلام آباد میں ملاقات کی جس میں اس تجویز پر تفصیل سے گفتگو کی گئی۔ سفیر نے حکومت کی پالیسیوں کو سراہا۔ 

دونوں معزز شخصیات نے اتفاق کیا کہ وزارت اور موٹروے پولیس کی مشترکہ ٹیم ممکنات کا جائزہ لینے کے لیے متحدہ عرب امارات کا دورہ کرے گی کہ آیا پاکستان میں موٹر وے پولیس کی جانب سے جاری کردہ ڈرائیونگ لائسنس عرب امارات میں لاگو ہو سکتے ہیں یا نہیں۔ 

وزیر نے سفیر کو موٹر وے پولیس ڈرائیونگ لائسنس اتھارٹی کے بارے میں بتایا، ساتھ ہی ان اقدامات سے بھی آگاہ کیا جو پروگرام کو جدید اور بہتر بنانے کے لیے اٹھائے جا سکتے ہیں۔ پاکستان کے ای ٹیگ اور عرب امارات کے سالک سسٹم کے بارے میں بھی بات چیت ہوئی۔ 

سرکاری بیان کے مطابق وزارت مواصلات اور اماراتی حکام مل کر موٹر وے پولیس کے جاری کردہ ڈرائیونگ لائسنس کے عرب امارات میں قابلِ استعمال ہونے پر کام کریں گے۔ 

ہماری طرف سے اتنا ہی، اپنے خیالات نیچے تبصروں میں پیش کیجیے۔ 


Google App Store App Store

Top