سندھ میں ڈپلیکیٹ لائسنس کے لیے کس طرح درخواست دیں؟


آپ کا لائسنس قانونی دستاویز ہے جو ثبوت ہے کہ آپ کو سڑک پر گاڑی چلانے کی اجازت ہے۔ ہم نے مستقل یا بین الاقوامی ڈرائیونگ لائسنس کے حصول کے بارے میں کافی کچھ کھا ہے۔ لیکن یہ تحریر گم یا چوری ہو جانے کی صورت میں ڈپلیکیٹ لائسنس جاری کروانے کے بارے میں ہے۔

اس سے قبل ہم نے جانا تھا کہ پنجاب میں ڈپلیکیٹ لائسنس کس طرح حاصل کیا جا سکتا ہے اور اب ہم صوبہ سندھ کا احاطہ کر رہے ہیں۔

صوبہ سندھ میں سندھ پولیس کی ویب سائٹ پر کوئی آن لائن فارم دستیاب نہیں اور اگر لائسنس گم یا چوری ہو جانے کی صورت میں آپ کو ڈرائیونگ لائسنس کے دفتر کا چکر لگاکر درخواست فارم حاصل کرنا ہوگا۔ اس فارم کو پُر کیجیے، رجسٹریشن ہال میں جائیے اور Q-matic سلپ حاصل کیجیے۔ اس کے بعد آپ کو اپنے فٹنس سرٹیفکیٹ کے لیے میڈیکل کاؤنٹر پر جانے کی ضرورت ہوگی۔ درکار دستاویزات کی تفصیل یہ ہے:

1۔ حالیہ پاسپورٹ سائز تصاویر کی دو نقول

2۔ کمپیوٹرائزڈ قومی شناختی کارڈ کی نقل مع اصل

3۔ متعلقہ پولیس تھانے سے حاصل کردہ ڈرائیونگ لائسنس کے گم ہونے کی رپورٹ کی نقل

4۔ حلف نامہ

حال ہی میں سندھ پولیس نے لائسنس فیس میں تبدیلی کی ہے اور ڈپلیکیٹ ڈرائیونگ لائسنس کے لیے فیس 350 روپے کردی گئی ہے۔ مزید تفصیلات کے لیے سندھ پولیس کی ویب سائٹ بھی دیکھیں۔


Top