سوزوکی سوِفٹ بمقابلہ FAW V2 – کون کس سے بہتر ہے؟


اب سے کچھ روز قبل FAW V2 کی قیمت میں 20 ہزار روپے اضافی کیا گیا ہے جس کی وجہ سے اس گاڑی کی بڑھتی ہوئی شہرت کو کافی نقصان پہنچا ہے۔ بہرحال، اس مضمون میں ہم V2 کے مثبت اور منفی پہلوؤں بالخصوص اس کے ظاہری انداز سے متعلق بات کریں گے۔ نیز پاکستان میں اس ہیچ بیک کی مضبوط ترین حریف سوزوکی سوِفٹ سے بھی موازنہ کریں گے جو کہ اپنے خوبصورت انداز،عمدہ معیار کے باعث پاکستانی مارکیٹ میں اچھی خاصی شہرت رکھتی ہے۔ اس سے پہلے کہ ہم تفصیل سے ان دونوں گاڑیوں پر بات کریں، میں قارئین کی سہولت کے لیے ایک وضاحت ضروری سمجھتا ہوں کہ اس مضمون میں ہم جن ماڈلز کا موازنہ کریں گے وہ مینوئل گیئر باکس کے حامل ہیں۔ چونکہ V2 کو آٹومیٹک ٹرانسمیشن کے ساتھ پیش نہیں کیا جارہا اس لیے سوفٹ کے آٹومیٹک ماڈل سے اس کا مقابلہ مناسب معلوم نہیں ہوتا۔

سب سے پہلے کار ساز اداروں سے متعلق بات کرلیتے ہیں۔ چینی کار ساز کمپنی نے پاکستانی ادارے الحاج کے توسط سے FAW V2 متعارف کروائی۔ اس چینی ادارے کا شمار ملک کے بڑے کار ساز اداروں میں کیا جاتا ہے جو چین میں ووکس ویگن، مزدا، جنرل موٹرز اور ٹویوٹا جیسے عالمی شہرت یافتہ اداروں کے ہمراہ گاڑیاں تیار کرتا رہا ہے۔ الحاج FAW موٹرز نے سال 2013 میں V2 متعارف کروائی تھی اور تجربے کے اعتبار سے بھی یہ سوزوکی سوفٹ اور پاک سوزوکی سے کہیں پیچھے ہے۔

انجن کی کارکردگی
انجن کو گاڑی کا دل کہا جاتا ہے اور اس کے بغیر گاڑی کا تصور ہی محال ہے۔ ہوسکتا ہے کہ آپ انجن کی کارکردگی میں سوفٹ کو آگے سمجھیں لیکن دلچسپ حقیقت یہ ہے کہ V2 کا انجن VCT اور برقی تھراٹل کے باعث زیادہ بہتر نظر آتا ہے۔ البتہ انجن کی مرمت وغیرہ کو مدنظر رکھا جائے تو سوزوکی سوفٹ ہی بہتر معلوم ہوتی ہے کیوں کہ اس میں سادے وائر تھروٹل استعمال کیا گیا ہے۔ لیکن اصل چیز تو کارکردگی ہے۔۔۔ سوزوکی سوفٹ کی وجہ مشہوری بہترین سفری تجربہ اور رفتار ہے۔ لیکن پھر سوال پیدا ہوتا ہے کہ V2 نے 1300cc انجن والی گاڑیوں کی فہرست میں سوِفٹ کو کارکردگی میں کیسے کڑا وقت دیا؟ اس کی بنیادی وجہ V2 کی کارکردگی ہے جس نے بڑوں بڑوں کو حیران کردیا۔ یہ بہت جلد رفتار پکڑتی ہے اور سوِفٹ (1050 کلو) کے مقابلے میں صرف 981 کلو وزن رکھنے کی وجہ سے ڈرائیور صاحبان کو تیز رفتاری کے دوران بھی اس کے ہلکے وزن کا بخوبی احساس ہوتا ہے۔

یہ بھی پڑھیں: نئی سوزوکی سوفٹ سے متعلق 8 دلچسپ حقائق

engine123

مجموعی پیمائش
عام طور اس ضمن میں سوزوکی سوِفٹ کی برتری سمجھی جاتی ہے کیوں کہ اس کا انداز بہت ہی چست ہے۔ لیکن افسوس کہ یہاں بھی ہمیں سوِفٹ کی مدمقابل FAW V2 کی برتری نظر آتی ہے۔ اس کی ایک بنیادی وجہ 60 ملی میٹر طویل ویل بیس ہے جس سے V2 کے اندر مسافروں کے لیے اضافی گنجائش فراہم کی گئی نیز ڈگی میں سامان رکھنے کی جگہ بھی 320 لیٹر تک وسیع کردیا گیا۔ یاد رہے کہ سوزوکی سوِفٹ میں سامان رکھنے کی گنجائش صرف 212 لیٹر ہے۔ البتہ گاڑی کے فرش سے زمین تک کا فاصلہ (ground clearance) کی بات کریں تو سوزوکی سوِفٹ معمولی فرق سے آگے نظر آتی ہے لیکن دونوں ہی گاڑیاں اسپیڈ بریکرز وغیرہ سے بخوبی گزرنے کی صلاحیت رکھتی ہے۔

dimensions

دستیاب سہولیات
حفاظتی سہولیات کے بارے میں بات کریں تو دونوں ہی گاڑیاں شانہ بشانہ نظر آتی ہیں۔ ماضی میں لوگ سوزوکی سوِفٹ کو اس لیے ترجیح دیتے تھے کہ اس میں ا’مموبلائزر’ کی سہولت شامل ہے۔ تاہم حال ہی میں FAW V2 میں بھی امموبلائزر شامل کرلیا گیا ہے اور حفاظتی سہولیات کے اعتبار سے بھی گاڑیاں ہم پلہ ہوچکی ہیں۔ V2 میں شامل دیگر سہولیات پر نظر ڈالیں تو اس میں کرمپل زون، چائلڈ سیفٹی، ایئر بیگز اور EBD بمع ABS بھی نظر آئیں گی۔ یہ دونوں ہی گاڑیاں کروز کنٹرول اور چھت پر کھڑکی (sun-roof) جیسی خصوصیات کی حامل نہیں۔ خلاصہ یہ ہے کہ ایئر بیگز اور کرمپل زون کے باعث V2 کو اپنے حریف پر واضح برتری حاصل ہے البتہ سیٹلائٹ نیوی گیشن کی عدم موجودگی اسے سوزوکی سوفٹ سے کسی قدر پیچھے دھکیل دیتی ہے۔

tract

قیمت میں فرق
جیسا کہ پہلے ذکر ہوا کہ قیمت میں فرق ہی دراصل FAW V2 کو سبقت دلوانے کے لیے کافی ہے۔ پاکستان میں V2 کی قیمت 10,69,000 ہے جو سوزوکی سوِفٹ کے مینوئل اور آٹومیٹک دونوں ہی ماڈل سے بہت کم ہے۔ اگر آپ مقامی مارکیٹ سے V2 میں سیٹلائٹ نیوی گیشن سسٹم اور پارکنگ اسسٹ کی سہولت بھی شامل کروائی تب بھی اس کی قیمت سوزوکی سوِفٹ سے کم ہی رہے گی۔

یہ بھی پڑھیں: سوزوکی کلٹس بمقابلہ FAW V2: کس میں کتنا ہے دم؟

suzuki-swift-vs-faw-v2

حتمی رائے
اوپر ذکر کیے گئے نکات خاص کر قیمت کے فرق کو دیکھا جائے تو سوزوکی سوفٹ پر V2 کی سبقت واضح ہے۔ اس سے بخوبی اندازہ لگایا جاسکتا ہے کہ V2 کم قیمت ہونے کے باوجود سوزوکی سوفٹ سے زیادہ جدید اور بہتر خصوصیات کی حامل ہے جو دور جدید میں ہر ڈرائیور اپنی گاڑی میں حاصل کرنا چاہتا ہے۔ شاید کم ہی لوگ یہ بات جانتے ہوں گے کہ FAW V2 اپنے ظاہری انداز، انجن اور پیمائش میں ٹویوٹا وٹز کی پہلی جنریشن سے بہت زیادہ ملتی جلتی ہے۔ تمام تر مثبت پہلوؤں کے باوجود یں سمجھتا ہوں کہ الحاج FAW موٹرز کو دو خصوصیات آٹومیٹک ٹرانسمیشن اور سیٹلائٹ نیوی گیشن ضرور شامل کرنا چاہیے۔ اس سے نہ صرف V2 کی فروخت میں اضافہ ہوگا بلکہ اضافی قیمت پر صارفین کی ناراضگی کا بھی ازالہ کیا جاسکے گا۔


Google App Store App Store

  • Dr Tayyab Hassan

    Very nice comparison.
    I m a V2 user and i hv also tried swift. I feel seats r much more comfortable, and cabin space is is also more thn swift. I ll beg to differ tht ground clearance of v2 is better thn swift according to my naive observation. Moreover v2 has independent 4 wheel suspension and thats a realy cool experience, swift can not try to match this. V2 has some features given a standard like alloy wheels, front and back fog lamps, electric headlight adjustment, computer chip coded key with antitheft system, a stronger body with enhanced side beams and dual frint airbags, it has a superior pick and power gives a rush of excitment but stil has far better feul economy if driven politely i gt 14/liter within busy intracity trafic, it continues to astonish with its extraordinary road grip and ABS with EBD. Its the only car with 16 ultra bright LEDs in rear brake light which add to its charm and grace in addition to rear fog lamps which no other car in this price range offers. Also company gives us a warranty till 60,000kms/3years which is a real luxury.. Rest all is comparable to swift like keyless entry, 1300cc engine, etc.
    I must admit that no car is perfect, i too feel a few lackings in my v2, it lacks LCD and rear cam, plus it lacked door rubbers so i used to have wind noise when i pumped my ride above 110km/hr. But now i hv installed door rubbers so wind noise and dust insulation is no more. And i ll get LCD and cam installed soon. I hv never had a need of spare parts yet bcz a zero meter car seldom needs spares, yet spare parts r readily available at dealerships and local market too bcz most parts r the same as vitz or swift so no problm.
    I dnt claim tht its the best car around, but if u keep the price tag in mind, it definitely is the best option in this cost window.
    I strongly recomend this to all who want a compact car, with power, safety, comfort and economy.

  • Salman Ahmed

    V2 main aap khud bhi navigation system lagwa saktae ha

  • Muhammad Bilal

    Very nice comparison. But Chinese products are not too strengthen according to pakistani roads

  • fed up

    People do not prefer to buy Chinese cars above on million pakistani rupees, normally and dont feel value for money, instead they prefer Japanese imported used cars,which are far better than Chinese cars in options. FAW v2 could be most popular car if priced around 8-9 lakh. Moreover our local assembler are also choosing old Chinese models, like FAW xpv etc.etc.

  • Rizwan Khan

    Dear I am willing to buy it, But 1 have 2 questions; Spare parts availability and after sale service?

  • Muhammad Mansoor

    This pathetic Chinese vehicle imported from south Africa is way better than Pak Suzuki made Swift. Well that is a fact.

Top